http://bizimhedef.az/ ru dunya - Bizimhedef.az DataLife Engine http://bizimhedef.az/index.php?newsid=56237 http://bizimhedef.az/index.php?newsid=56237 ]]>

Çörçildən fərqli olaraq, müharibəni uduzub, iki seçkini udan Nikol Paşinyan kimdir...

“Qarabağ problemi erməni xalqının ayağına vurulan zəncirdir və biz ondan xilas olmalıyıq...” Bu sözləri Ermənistan hökumətinin başçısı Nikol Paşinyan nə 44 günlük müharibədən sonra, nə son parlament seçkiləri ərəfəsində deyib. Nikol bu çağırışı edəndə adi bir tənqidçi jurnalist və qəzetçi idi. Bu, o zaman idi ki, Qarabağdan işğalçı qoşunlarının çıxarılması ermənilərin ağlının heç ucundan keçmirdi. Amma Nikol belə bir cəsarətli fikri qələmə almış və azərbaycanlılarla sülh yolunu ermənilərin ayağına vurulmuş zəncirləri qoparmaqda görmüşdü.

Paşinyanın jurnalist işləyərkən Ermənistanda o vaxtlar ən məşhur “Mollak” qəzetindəki yazılarından daha biri də yada düşür: 11 fevral 1998-ci ildə “Ermənilər və azərbaycanlılar - xoşbəxt xalqlar” başlığı altında çıxan məqaləsində ermənilərin düşüncə tərzində problemlər olduğunu bildirir. O yazır ki, bu düşüncə pozğunluğu günahsız azərbaycanlı və türklərin ölməsindən gedəndə özünü daha açıq büruzə verir.

Paşinyan məqaləsində qeyd edir ki, Bakıda günahsız öldürülən insanlar qarşısında baş əyir: “20 Yanvar günü mən bakılıları 1 dəqiqəlik sükutla yad etdim...”

Bəli, gün gəldi, bu sözləri yazan Paşinyan təkcə jurnalist yox, həm də müxalifətin fəallarından biri kimi meydana çıxdı. Sonra həbs, sonra yenə mübarizə, 2008-ci il 1 mart qırğınında repressiyaya məruz qalmaq...

Əli sarıqlı, çiynində çantası...

Ancaq bu hadisələrdə Azərbaycan cəmiyyəti Nikol Vovayeviç Paşinyan adlı bir persona tanımırdı. Və yalnız 2018-ci ilin hərəkatında biz saqqallı, kürəyində çantası, üzərində hərbi formalı köynəyi, biləyinin biri sarılmış şəxs gördük. O, keçmiş “Qarabağ klanı”nı devirmək üçün çırmanmış və erməni gəncliyini arxasınca aparmağı bacarmışdı. Nəhayət, “Qarabağ zənciri”ndən, deyəsən, ermənilərin xilası üçün üfüqdə nəsə görünməyə başlamışdı. İcevan (Karvansaray) rayonundan olan bu gənc jurnalist Xocalı canisi Serjik Sərkisyanı günlərlə davam edən küçə hərəkatı ilə istefaya məcbur etdi. Hərçənd bu “məxməri inqilab”ın sonunda Sərkisyanın görüş zalına gəlib Paşinyanla görüşməsi və istefası özü də indiyə qədər skeptik məsələdir. 1 martda xalqını qırğın vermiş cani prezident necə oldu ki, bu dəfə qan tökmək istəmədi və ölkəni əli sarıqlı, çiynində çantası, üz-gözündən tər tökülən Paşinyana təhvil verib getdi?!


“Məxməri inqilab”ın bir sirri

Sonralar bu haqda bəzi mülahizələr və konspirologiyalar da dolaşmağa başladı. Amma az-çox həqiqət payı da var idi. Ki, Sərkisyan bu hərəkata qədər artıq Avropa İttifaqı ilə assosiativ sənədi imzalamışdı. Yəni özü ölkəsinin Qərbə inteqrasiya kursuna “xeyir-dua” vermişdi. Sadəcə, bu siyasəti Rusiyanın təzyiqləri altında davam etdirə bilməyəcəkdi, amma Soros məktəbinin yetirməsi Paşinyan bunu bacarırdı.

Yəni bir növ latent şəkildə təslimetmə də demək olardı. Hərçənd bu fikirlər illüziya kimi görünür. Sadəcə, Sərkisyanın Fransada şərab biznesinin olduğunu, Paşinyanın dövründə ən az təzyiqə məruz qaldığını, son seçkidə isə boykot qərarı verib hakimiyyəti bu məqamda razı saldığını nəzərə alsaq, “məxməri inqilab”ın niyə qələbə çaldığını haradasa düşünməyə dəyər. Beləliklə, Ermənistanda Nikol Paşinyan erası başlanır və ölkəni bir jurnalist idarə etməyə başlayır. Əlbəttə, dünyada belə nümunələr az deyil.

Xalq onu niyə dəstəklədi?

Bu gün isə o hadisələrdən 8 il keçir və geridə qalan müddətdə Paşinyanın dediyi olur - o zəncirdən qopurlar və bu gün ermənisiz Qarabağ hər iki tərəf üçün ən ideal nəticədir. Son seçki kampaniyasında da bütün ittihamlara, təhqirlərə məruz qalmasına, Azərbaycana “işləməkdə” günahlandırılmasına baxmayaraq, Nikol Paşinyan “Qarabağ Ermənistandır” bəyanatından “Qarabağ Azərbaycandır” həqiqətini dilə gətirməyə qədər bir yol gəlib. Yəni onu Ermənistana qarşı çıxan erməni də adlandırmaq olar.

Və erməni xalqı 44 günlük müharibədən sonra düz iki seçkidə onun “Qarabağ Azərbaycandır” etirafını qəbul edərək səs verib, iqtidarda saxlayıb. Çörçil kimi müharibəni udub, seçkini uduzan bir siyasətçidən fərqli olaraq, Paşinyan 200 illik erməni mifinin məhvinə səbəb olan savaşı uduzsa da, iki seçkini udmağı, hər ikisində keçmiş “Qarabağ klanı”nın üzvlərini məğlub etməyi bacarıb. Bu, həm də möcüzədir...


Anadan yetim, dalaşqan...

...Nikol Paşinyan 1975-ci ildə İcevanda dünyaya gəlib. Ona İkinci Dünya müharibəsində həlak olmuş ata babasının adı verilib. Atası Vova Paşinyan sovet dövrünün tipik ziyalılarından olub. Vova ixtisasca idman müəllimi idi və yerli cəmiyyət arasında nüfuz sahibi sayılırdı. O, uzun müddət İcevandakı 1 nömrəli orta məktəbdə bədən tərbiyəsi müəllimi kimi fəaliyyət göstərib. O, millətçi düşüncələrə sahib biri kimi tanınırdı. Oğlunun jurnalistika və siyasət sahəsinə olan marağını da kiçik yaşlarından dəstəkləyib.

Nikolun anası Svetik Ovanesyan isə evdar qadın olub. O, 1987-ci ildə, Nikolun 12 yaşı olanda xəstəlikdən vəfat edib. Bu səbəbdən ailə başçısı Vova ikinci dəfə evlənib. 12 yaşında anadan yetim qalan Nikolu və qardaşlarını ögey anası Yercanik Çibuxçyan böyüdüb. Paşinyanın özündən böyük iki böyük qardaşı var - Armen və Artak.

Yeri gəlmişkən, Nikol orduda xidmət etməyib, ondan əvvəl böyük qardaşları əsgərlikdə olublar, Azərbaycanla müharibədə iştirak ediblər. Ermənistan qanunlarına görə, ailədə iki qardaş müharibədə iştirak edibsə, üçüncü qardaş hərbi xidmət keçməkdən azaddır. Paşinyana orta məktəbdə dərs demiş adını açıqlamayan müəllimlərdən biri bir müddət əvvəl “Hraparak” qəzetinə onun dəcəlliklərindən danışıb. Bildirib ki, Nikol məktəb illərində müəllimlərinə ciddi problemlər yaradırmış. “Tez-tez dərsdən qaçardı, bütün məktəbə bəla idi və iş o yerə çatdı ki, atası, məktəbdə bədən tərbiyəsi müəllimi işləyən Vova Paşinyan onu hamının gözü qarşısında döydü. Başqa sözlə desək, o, yeniyetməlik illərindən problem çıxarmaq, fitnə-fəsad törətməklə xarakterizə olunurdu”, - müəllim deyib.

Nikol 1991-ci ildə İrəvan Dövlət Universitetinin Filologiya fakültəsinin jurnalistika ixtisasına daxil olub. Tələbəlik illərində “Dprutyun”, “Hayastan”, “Lragir”, “Lragir or”, “Molorak” qəzetləri ilə əməkdaşlıq edib. Beşinci kursda Nikol universitetdən qovulub - özü bunu siyasi səbəblərlə əlaqələndirir.

Jurnalistika fakültəsinin dekanı, özü də icevanlı (Nikolun həmyerlisi - red.) olan Qarnik Ananyan onun haqqında həmişə pis danışırdı. Paşinyan təkcə dekan haqqında deyil, onun bacısı, İcevan vilayət komitəsinin katibi Cemma Ananyan haqqında da yazılar yazıb. Bir tərəfdən dərsə getmirdi, bir tərəfdən də konflikt yaradırdı, fakültə dekanı 5-ci kursda onu universitetdən xaric etmək qərarına gəldi. Bundan sonra o, ciddi şəkildə jurnalistika ilə məşğul olmağa başladı, “Planet” qəzetində çalışdı, sonra oradan ayrıldı, “Oragir”, daha sonra isə “Haykakan Jamanak” qəzetlərini açdı", - baş nazirin keçmiş müəllimi deyib.

Ailə biznesi - qızına şirkət, oğluna...

Onu da deyək ki, 1999-cu ildə Nikol Paşinyan gündəlik “Haykakan Jamanak” (“Ermənistan vaxtı”) qəzetini yaradıb, 2012-ci ilə qədər ona rəhbərlik edib. Daha sonra baş redaktor vəzifəsini onun keçmiş həyat yoldaşı Anna Akopyan tutub. Nikol anadan yetim qaldığı kimi, arvaddan da yarımayıb. Onlar son seçkilərə aylar qalmış ayrılıblar. Cütlük vətəndaş nikahında yaşasa da, onların 4 övladı var. Bu haqda az sonra...

2004-cü ilin noyabrında Paşinyanın “Niva”sı İrəvanın mərkəzində - “Haykakan Jamanak” qəzetinin redaksiyasının yanında partladılıb. Həmin vaxt maşında heç kim olmayıb. Nikol Paşinyan hadisəni sui-qəsd cəhdi kimi qiymətləndirib və biznesmen Qaqik Tsarukyanı (son seçkilərdə rəqibi - E.S.) ittiham edib.

2008-ci ilin prezident seçkisində Nikol Paşinyan ikinci yeri tutan namizəd Levon Ter-Petrosyanın qərargahında çalışıb. Seçkilərdən sonra müxalifətçilər İrəvanın mərkəzində mitinqlər təşkil ediblər. Nəticədə polislə toqquşma baş verib, ölənlər olub. Bu hadisələrdə fəal iştirak edən Paşinyan kütləvi iğtişaşların təşkilində ittiham olunaraq saxlanılıb. O, məhkəmənin çıxardığı 7 illik həbs cəzasının 2 ilini türmədə keçirib və 2011-ci ilin mayında amnistiyaya əsasən azadlığa çıxıb. Sonrası da bəllidir - siyasətə yenidən qayıtmaq və 2018-dək mübarizə.

Ailəsinə gəlincə, atası Vova elə 2018-ci ildə xərçəng xəstəliyindən ölüb. Ögey anası isə ərinin ölümündən sonra paytaxta köçməli olub. “Əgər o, hər şeyi təsəvvür etdiyi kimi etsə, biz gözəl ölkədə yaşayacağıq”, - deyə analığı Nikola inandığını vurğulayıb.

Nikolun öz ailəsinə gəlincə, Anna ilə izdivacından dörd uşaq dünyaya gəlib: oğlanları Aşot, qızları Mariam, Şuşanna və Arpine.

Paşinyanın dörd övladının heç biri Ermənistanın Apostol kilsəsində xaç suyuna salınmayıb. “İrates” nəşri yazıb.

“Biz bu faktı Anna Akopyanın qardaşı vasitəsilə dəqiqləşdirmək istədik. O, uşaqların xaç suyuna salınmadıqlarını bildirdi. Nəyə və hansı səbəblərə görə isə bilmədiyini dedi”, - erməni qəzeti yazıb. Yeni anadan olmuş uşaqlar kilsəyə aparılaraq, orada keşişin iştirakı ilə “müqəddəs xaç suyuna” çəkilirlər. Məhz bundan sonra həmin uşaq əsl xristian kimi tanınır. Paşinyanın ateist olduğu barədə çoxsaylı fikirlər səslənir.

İndi isə bu məsələlərdən çox keçib. Paşinyanın qızı Məryəm biznes fəaliyyəti ilə məşğuldur. O, 2025-ci il sentyabrın 18-də “ATLIKS” QSC-ni təsis edib. Oğlu Aşot əvvəllər pivə satışı ilə məşğul olub, daha sonra rəssamlıqla maraqlanıb.

Nikol Paşinyanın isə Kanadada gizli şəkildə malikanə aldığı iddia olunur. Kanadanın “Times of Canada” nəşri yayıb. Toronto şəhərindən təxminən 35 dəqiqəlik məsafədə yerləşən, “Sent-Corc” adlanan bu villa fransız qalası üslubunda tikilib. 2024-cü ilin sonunda 17,1 milyon dollara satıldığı bildirilən imarətin əsl alıcısının isə “saxta şirkət” vasitəsilə Paşinyan olduğu iddia edilir.

Alqı-satqı prosesində vasitəçi kimi Kanadada tanınmış erməni əsilli aktrisa və hüquq müdafiəçisi Arsinə Xandcyanın adı keçir. O, 2018-ci ildə Paşinyanı hakimiyyətə gətirən “məxməri inqilab”ın fəal dəstəkçilərindən olub və alqı-satqı sənədlərini Paşinyanın adının üzə çıxmaması üçün koordinasiya edib.

Kəsəsi, hər nə qədər demokrat kimi görünsə də, onun da, ailəsinin də nələrisə var. Sadəcə, Ermənistan və ermənilər üçün hələlik Nikoldan yaxşısı da yoxdur...müsavat ]]> vasya Wed, 10 Jun 2026 15:30:16 +0400 http://bizimhedef.az/index.php?newsid=56252 http://bizimhedef.az/index.php?newsid=56252 ]]>

Xəbər verdiyimiz kimi Azərbaycanın Xarici işlər naziri Ceyhun Bayramovun Yaponiyaya rəsmi səfəri başlayıb. Səfər çərçivəsində Ceyhun Bayramovun Yaponiyanın xarici işlər naziri Toşimitsu Motegi və digər rəsmi şəxslərlə görüşlərinin keçirilməsi nəzərdə tutulub.

Bu səfər Azərbaycan-Yaponiya münasibətlərində hansı yeni imkanlar yarada bilər? Yaponiyanın bölgədə fəallaşması Azərbaycan üçün hansı iqtisadi və siyasi dividendlər vəd edir?

Mövzu ilə bağlı "Atlas" Araşdırmalar Mərkəzinin rəhbəri, politoloq Elxan Şahinoğlu Musavat.com-a danışıb. Politoloq qeyd edib ki, Yaponiyanın Mərkəzi Asiya və Cənubi Qafqaza marağı artıb:

"Ötən ilin dekabr ayında Tokioda 5+1 formatında Yaponiya-Mərkəzi Asiya Sammiti keçirilib. Yaponiyanın baş naziri Sanae Takaiçi Mərkəzi Asiya ölkələrinin liderləri - Qazaxıstan, Özbəkistan, Türkmənistan, Qırğızıstan və Tacikistan prezidentləri ilə görüşərək, əməkdaşlığın genişlənməsi mövzularında müzakirələr aparmışdı. Müzakirələrin yekunu olaraq Tokio Bəyannaməsi qəbul edildi. Yaponiya növbəti beş il ərzində Mərkəzi Asiya ölkələrindəki müxtəlif layihələrə 20 milyard dollar xərcləməyi planlaşdırıb. Bununla Rusiya, Çin, Avropa İttifaqı və ABŞ-la yanaşı Mərkəzi Asiyanın resursları uğrunda mübarizəyə Yaponiya da qoşulmuş oldu.

Tokio eyni ilə Cənubi Qafqaz ölkələri ilə də əməkdaşlığın inkişafı yollarını arayır. Bu mənada Ceyhun Bayramovun Tokioda keçirəcəyi görüş və müzakirələr ikitərəfli əlaqələrin yeni konturlarını müəyyənləşdirəcək".

Elxan Şahinoğlunun fikrincə, Yaponiya bölgədə rolunu artırmağa qərar verib və bu məqsədlə hərbi büdcəsini artırmaq istəyir:

"Bu amil Moskva və Pekini narahat etməyə başlayıb. Rusiya və Çinin mövqeyi belədir ki, Yaponiya İkinci Dünya Müharibəsinin nəticələrinə riayət etməlidir. Yəni Moskva Pekinin baxışına görə, Tokionun İkinci Dünya Müharibəsində məğlubiyyətindən sonra hərbi xərcləri artırmayacağına dair öhdəliyi var və bu Yaponiya Konstitusiyasında təsbit olunub.

Məsələ burasındadır ki, Yaponiya müharibədə ABŞ-a məğlub olub və Vaşinqton o illərdə Yaponiyanın məhdudiyyətlər qoyub. Ancaq hazırda məhz Vaşinqton həmin məhdudiyyətlərin yumşaldılmasının tərəfdarıdır. Çünki, Yaponiya ABŞ-ın müttəfiqidir və Sakit Okean bölgəsində Vaşinqtonun əsas rəqiblər Rusiya və Çindir. Bu iki ölkənin birgə keçirdiyi hərbi təlimlər həm ABŞ, həm də Yaponiyanı narahat edir. Çin son illərdə hərbi gəmilərin istehsalını artırıb və həmin gəmilər Yaponiya sahillərinə yaxın sularda üzürlər. Bu səbəbdən Vaşinqton Tokioya hərbi büdcəsini artırmağa və hərbi texnika istehsalını artırmağa icazə verib. Bu da Moskva və Pekinin Tokioiya qarşı ittihamların artmasına səbəb olub.

Yaponiyanın müdafiə naziri Şinciro Koizumi Sinqapurda keçirilən “Şanqri-La Dialoqu” təhlükəsizlik forumunda ölkəsinin “yeni militarizm” siyasəti yürütməsi ilə bağlı ittihamları rədd edib və Çini hərbi gücünü sürətlə, kifayət qədər şəffaflıq olmadan artırmaqda tənqid edib. Onun sözlərinə görə, Çin yüksək səviyyədə müdafiə xərclərini artırmağa davam edir. “Çinin xarici siyasət yanaşması və hərbi fəaliyyəti həm Yaponiya, həm də beynəlxalq ictimaiyyət üçün ciddi narahatlıq doğurur”, - deyə Koizumi bildirib.
O, Yaponiyanın “yeni militarizm”ə qayıtması ilə bağlı ittihamlara cavab olaraq bildirib ki, bunlar məntiqsizdir. “Bir düşünün. Nəhəng nüvə arsenalına və strateji bombardmançı təyyarələrə malik bir ölkə var. Yaponiyada isə belə silahlar yoxdur, amma buna baxmayaraq Yaponiya ittiham edilir”, - deyə nazir vurğulayıb".

Politoloq sonda qeyd edib ki, Tokionu Çinin Tayvan adasına artan təzyiqləri də narahat edir:

"Tokio hesab edir ki, Çin güc yolu ilə Tayvan adasını nəzarətə götürərsə, bu bölgə ölkələrinə, o cümlədən Yaponiyaya ciddi təhlükə yaradacaq". ]]> vasya Wed, 10 Jun 2026 13:20:17 +0400 http://bizimhedef.az/index.php?newsid=56247 http://bizimhedef.az/index.php?newsid=56247 ]]>

SEPAH İraqda genişmiqyaslı əməliyyata başlayıb

Hörmüz boğazında ABŞ ordusuna məxsus “Apache” helikopterinin vurulmasından sonra Yaxın Şərqdə vəziyyət yenidən gərginləşib.

İran qırcı və PUA-ları İraqın Ərbil şəhərinə hava zərbələri endirib və nəticədə şəhərdə güclü partlayışlar baş verib.

Verilən xəbərlərə görə, SEPAH Ərbildəki İran-Kürd müxalifət qruplarının qərargahlarını hədəf alan genişmiqyaslı əməliyyat başlayıb. Şimali İraqın mərkəzində yerləşən Ərbildə ABŞ-ın əsas hərbi bazaları yerləşir.

Hücumlardan sonra ABŞ və İran döyüş təyyarələri Ərbil üzərində uçuşlara başlayıb. ]]> vasya Wed, 10 Jun 2026 12:17:17 +0400 http://bizimhedef.az/index.php?newsid=56236 http://bizimhedef.az/index.php?newsid=56236 ]]>

ABŞ ordusu İranın cənubunda yerləşən iki mühüm su anbarına hava zərbələri endirib.

Bu barədə iyunun 10-da İranın dövlət teleradioşirkəti IRIB öz "Telegram" kanalı vasitəsilə məlumat yayıb.

"ABŞ-nin Sirik bölgəsinə təşkil etdiyi hücum zamanı iki su anbarı hədəf alınıb və nəticədə həmin ərazidə su təchizatı tamamilə kəsilib", - rəsmi məlumatda qeyd olunub.

Hücum nəticəsində su anbarlarının tamamilə dağıdıldığı bildirilir.

Xatırladaq ki, iyunun 9-da ABŞ-nin İrana qarşı zərbələrə başladığı barədə məlumat yayılıb. Bu addım Hörmüz boğazı yaxınlığında Amerikanın "AH-64 Apache" tipli hərbi helikopterinin qəzaya uğramasına səbəb olan İran dronlarının hücumuna cavab olaraq atılıb. ]]> vasya Wed, 10 Jun 2026 09:28:12 +0400 http://bizimhedef.az/index.php?newsid=56235 http://bizimhedef.az/index.php?newsid=56235 ]]>

Qlobal aviasiya sektoru İran müharibəsi və Hörmüz probleminə görə, çöküş ərəfəsindədir.

"Bu barədə The Guardian nəşri məlumat yayıb.

Məlumata görə, əlavə xərclər nəticəsində dünya üzrə aviasiya sənayesinin mənfəəti iki dəfə azalaraq 23 milyard dollara düşə bilər. Bununla yanaşı, sektorun ümumi gəlirlərinin 9,4 faiz artaraq 1,17 trilyon dollara çatacağı gözlənilsə də, yanacaq qiymətlərindəki artım bu göstəricini kompensasiya etməyəcək. Hesablamalara görə, aviaşirkətlər ümumilikdə 100 milyard dollar ziyana düşəcək.

Analitiklər bildirirlər ki, yaranmış vəziyyət bazarın bütün iştirakçılarına mənfi təsir göstərir. Lakin Yaxın Şərq ölkələrinin aviaşirkətləri və kiçik daşıyıcılar daha ciddi zərbə ilə üzləşirlər.

Məlumata görə, neftin bahalaşması aviabiletlərin qiymətlərinin artmasına səbəb olacaq. Xərclərin əsas hissəsinin uzaqməsafəli və biznes reyslərinin sərnişinlərinin üzərinə düşəcəyi gözlənilir. Qısa məsafəli turizm marşrutlarında fəaliyyət göstərən aviaşirkətlərin isə tarifləri daha gec artıracağı bildirilir. ]]> vasya Wed, 10 Jun 2026 09:22:04 +0400 http://bizimhedef.az/index.php?newsid=56234 http://bizimhedef.az/index.php?newsid=56234 ]]>

Əfqanıstan hökuməti Pakistan ordusunu ölkənin şərqində yerləşən sərhəd bölgələrinə hava zərbələri endirməkdə ittiham edib. Bildirilib ki, hücumlar nəticəsində azı 13 mülki şəxs həlak olub.

“ Əfqanıstan hökumətinin sözçüsü Zəbihullah Mücahid deyib ki, Pakistan qüvvələri Kunar, Xost və Paktika əyalətlərində yaşayış məntəqələrini hədəfə alıb.

Onun sözlərinə görə, ölənlər arasında 11 uşaq, bir qadın və bir yaşlı kişi var.

Xost əyalətinin Spera rayonunda bir evin vurulduğu, nəticədə doqquz nəfərin öldüyü və on nəfərin yaralandığı bildirilir. Paktika əyalətinin Barmal rayonunda isə daha üç mülki şəxsin həyatını itirdiyi qeyd olunur.

Pakistan ordusu və Baş nazirlik hələlik hadisə ilə bağlı rəsmi açıqlama verməyib. İslamabad bundan əvvəlki oxşar hadisələrdə hava əməliyyatlarının silahlı qruplara qarşı həyata keçirildiyini, mülki şəxslərin isə qəsdən hədəf alınmadığını bəyan etmişdi.

Qeyd edək ki, hadisə Pakistan və Əfqanıstan arasında son aylarda yenidən artan təhlükəsizlik gərginliyi fonunda baş verib. Fevral ayında iki ölkə sərhədində baş verən qarşıdurmalar genişmiqyaslı toqquşmalara çevrilmişdi. Həmin dövrdə Pakistanın Kabul və Qəndəhar da daxil olmaqla, bir neçə bölgəyə hava zərbələri endirdiyi bildirilmişdi.

Birləşmiş Millətlər Təşkilatının son hesabatına əsasən, bu ilin ilk üç ayında Əfqanıstanda münaqişələrlə əlaqədar ən azı 372 mülki şəxs həlak olub, 397 nəfər yaralanıb.

Əlavə edək ki, Pakistan və “Taliban” hökuməti arasında münasibətlər 2021-ci ildə “Talibanın hakimiyyətə qayıdmasından sonra daha da mürəkkəbləşib. İslamabad “Pakistan Talibanı” (TTP) üzvlərinin Əfqanıstan ərazisində fəaliyyət göstərdiyini iddia edir və Kabulun onlara qarşı yetərli tədbir görmədiyini bildirir.

“Taliban” administrasiyası isə bu ittihamları rədd edir, əvəzində Pakistanı Əfqanıstanın suverenliyini pozmaqda və ölkə daxilində fəaliyyət göstərən bəzi qrupları dəstəkləməkdə günahlandırır. ]]> vasya Wed, 10 Jun 2026 09:17:44 +0400 http://bizimhedef.az/index.php?newsid=56215 http://bizimhedef.az/index.php?newsid=56215 ]]>

Türkiyə hökuməti Ermənistanla sərhədin açılması məsələsi ilə bağlı mövqeyini açıqlayıb.

Türkiyə hökumətindəki mənbə RİA Novosti agentliyinə bildirib ki, Ermənistan-Türkiyə sərhədinin açılması prosesi Azərbaycan-Ermənistan münasibətlərinin normallaşmasının gedişindən asılı olacaq.

Mənbənin sözlərinə görə, hazırda sərhədin açılması ilə bağlı konkret vaxt müəyyən edilməyib. Bununla yanaşı, Ankara Cənubi Qafqazda sabitliyin və mehriban qonşuluq münasibətlərinin inkişafı naminə konstruktiv dialoqun davam etdirilməsinə ümid edir.

Türkiyə tərəfi hesab edir ki, regionda normallaşma proseslərinin irəliləməsi uzunmüddətli sülh və əməkdaşlıq üçün mühüm əhəmiyyət daşıyır. ]]> vasya Tue, 09 Jun 2026 10:26:15 +0400 http://bizimhedef.az/index.php?newsid=56214 http://bizimhedef.az/index.php?newsid=56214 ]]>

Türkiyənin turizm mərkəzlərindən biri olan Alanyada supermarketlərdən birinin tətbiq etdiyi yeni qayda sosial şəbəkələrdə geniş müzakirələrə səbəb olub. Mağaza rəhbərliyi müştərilərin şort, çimərlik geyimi və bikini ilə içəri daxil olmasını qadağan edib. Qərar xüsusilə turistlərin sıx olduğu bölgədə birmənalı qarşılanmayıb.

Yerli mətbuatın məlumatına görə, yay mövsümünün başlaması və turist axınının artması ilə Alanyada bəzi obyektlərdə geyim qaydaları ilə bağlı yeni yanaşmalar tətbiq olunur. Son hadisədə isə supermarketin giriş qapısına yerləşdirilən xəbərdarlıq lövhəsi diqqət çəkib. Həmin lövhədə müştərilərdən mağazaya bikini, çimərlik geyimi və şortla daxil olmamaları xahiş olunub. Bildirişin həm türk, həm də ingilis dillərində hazırlanması qaydanın əsasən xarici turistlərə də ünvanlandığını göstərib.

Məsələ sosial mediada yayıldıqdan sonra istifadəçilər arasında ciddi fikir ayrılığı yaranıb. Bir qrup insan çimərlikdən çıxan turistlərin həmin geyimlərlə alış-veriş etməsinin normal olduğunu bildirərək qadağanı tənqid edib. Digərləri isə mağaza sahibinin müəssisədə müəyyən qaydalar tətbiq etmək hüququna malik olduğunu vurğulayaraq qərarı dəstəkləyib. Onların fikrincə, bu cür məhdudiyyətlər həm gigiyena, həm də ictimai qaydalara riayət olunması baxımından əsaslandırıla bilər.

Müzakirələr fonunda turizm bölgələrində fərdi azadlıqlarla biznes subyektlərinin daxili qaydaları arasında balansın necə qorunmalı olduğu məsələsi yenidən gündəmə gəlib. Bəzi istifadəçilər belə qadağaların turistlər üçün narahatlıq yarada biləcəyini desələr də, digərləri ictimai məkanlarda müəyyən geyim standartlarının tətbiqini normal hesab edirlər.

Qeyd edilir ki, Alanyada buna bənzər hallar ilk dəfə deyil. Daha əvvəl də rayon ərazisində fəaliyyət göstərən bəzi kafe və digər xidmət obyektlərində geyim qaydaları ilə bağlı məhdudiyyətlər tətbiq olunmuş və bu qərarlar yerli sakinlər, eləcə də turistlər arasında müxtəlif reaksiyalar doğurmuşdu.

Son hadisə isə turizm bölgələrində xidmət standartları, bizneslərin daxili qaydaları və istehlakçı azadlıqları arasındakı sərhədlərlə bağlı müzakirələri yenidən aktuallaşdırıb.//Demokrat.az ]]> vasya Tue, 09 Jun 2026 10:15:43 +0400 http://bizimhedef.az/index.php?newsid=56213 http://bizimhedef.az/index.php?newsid=56213 ]]>

Vaşinqton və Tehran növbəti iki həftə ərzində razılığa gələ bilər.

 ABŞ prezidenti Donald Tramp bu fikirdədir.

O, fikirlərini Cənubi Karolinadan olan respublikaçı senator Lindsi Qrehemi dəstəkləyən telekonfrans zamanı açıqlayıb:

"Hazırda danışıqlar aparırıq və onlar (İran - red.) çox yaxşı bir razılaşma əldə etmək istəyirlər; bizə hər şeyi verməyə hazırdırlar. Onlar nüvə silahlarından imtina etməyə hazırdırlar. Düşünürəm ki, biz qalib gəlirik, amma bunu növbəti iki həftə ərzində etməliyik. Bu, tam bir qələbə olacaq və bu, çox tezliklə baş verəcək və neft qiymətləri dərhal düşəcək".

Tramp əvvəllər dəfələrlə ABŞ və İranın münaqişənin həlli üçün razılığa gəlməyə yaxın olduğunu elan edib. ]]> vasya Tue, 09 Jun 2026 09:58:26 +0400 http://bizimhedef.az/index.php?newsid=56193 http://bizimhedef.az/index.php?newsid=56193 ]]>

Fransa və Cənubi Kipr bu gün Parisin adada qoşun yerləşdirməsinə icazə verən müdafiə müqaviləsi imzalayacaqlar. Məlumatı Politico yüksək vəzifəli Kipr rəsmilərinə istinadən yayıb.

Nəşrin məlumatına görə, müqavilə Fransa Silahlı Qüvvələri naziri Ketrin Votrin və Kipr Prezidenti Nikos Xristodulides tərəfindən 8 iyunda Aİ Şurasının qeyri-rəsmi iclasında imzalanacaq. Saziş Fransa qoşunlarının adada yerləşdirilməsi və əməliyyatlarının şərtlərini müəyyən edəcək.

Xristodulides sazişlə bağlı açıqlama verib: "Saziş genişləndirilmiş əməkdaşlığın bir hissəsi olaraq, yalnız humanitar məqsədlər üçün Kipr ərazisində Fransa qoşunlarının olmasını nəzərdə tutur".

Şimali Kipr Türk Cümhuriyyəti (ŞKTC) bölgədə gərginliyin artması təhlükəsini nəzərə alaraq müqaviləyə qarşı çıxıb. ŞKTC həmçinin Yunan Kiprinin bütün ada adından müqaviləni imzalamaq hüququna malik olmadığını bəyan edib. ]]> vasya Mon, 08 Jun 2026 16:00:38 +0400