http://bizimhedef.az/ ru hadise - Bizimhedef.az DataLife Engine http://bizimhedef.az/index.php?newsid=56319 http://bizimhedef.az/index.php?newsid=56319 ]]>

Müasir dövrdə elm, texnologiya və hüququn dominant olduğu bir cəmiyyət qurmağa çalışsaq da, hələ də insanların inancından, çarəsizliyindən və bəzən də sadəlövhliyindən sui-istifadə edən "falçı" və "baxıcı" şəbəkələri fəaliyyətini davam etdirir. Bu növ fəaliyyətlərin ən təhlükəli tərəfi isə, onların dövlətin strateji və həssas binalarının, xüsusən də hərbi obyektlərin yaxınlığına və ya daxilinə nüfuz etmək cəhdləridir.

Son günlər Sumqayıt şəhərinin Hacı Zeynalabdin Tağıyev qəsəbəsində (keçmiş Nasosnu) yerləşən hərbi hissələrin birində işlədiyi iddia olunan, əslən Ağstafa rayonundan olan Fatimə adlı xanımın "cadu" və "falçılıq" əməlləri ilə bağlı yayılan məlumatlar cəmiyyətdə ciddi narahatlıq və tənqid dalğası yaradıb.

Hərbi hissələr intizamın, elmi strateji düşüncənin və dövlət sirrinin qorunduğu ən yüksək statuslu məkanlardır. Belə bir mühitdə çalışan bir şəxsin adının orta əsr xurafatları, "cadu-piti" və insanların psixologiyasını manipulyasiya edən fırıldaqçılıq əməlləri ilə hallanması fundamental bir ziddiyətdir.

"Cadu etmək" və ya "bəxt açmaq" adı altında fəaliyyət göstərənlər ailələrin dağılmasına, insanlar arasında düşmənçilik toxumlarının səpilməsinə və psixoloji gərginliyə yol açırlar. Müasir Azərbaycan cəmiyyəti fırıldaqçılara və fırıldaqçılıq mərkəzlərinə deyil, elmə və hüquqa güvənməlidir. Elə bir dövrdəyik ki, insanların taleyi hansısa "Fatimə"nin yazdığı kağız parçalarından və ya uydurduğu yalanlardan asılı ola bilməz.

Sözügedən şəxsin hərbi hissədəki mövqeyindən və ya adından istifadə edərək özünə toxunulmazlıq və ya güvən imici qazanmağa çalışması yolverilməzdir. Aidiyyəti qurumların bu növ hallara qarşı ciddi yoxlamalar aparması, hərbi mühitin və cəmiyyətin təmizliyini qorumaq baxımından vacibdir.

Vətəndaşları isə bu növ manipulyasiyalara qarşı ayıq-sayıq olmağa, cəhalətin yox, işığın tərəfində durmağa çağırırıq. Unutmaq olmaz ki, cadu və fal yalnız cəhalətin mövcud olduğu yerdə gəlir gətirən bir biznesə çevrilir.

Aidiyyəti Qurumların Nəzərinə!
Məqalədə qeyd olunan iddialar – xüsusilə də strateji əhəmiyyətli hərbi obyektdə çalışan bir şəxsin qeyri-qanuni falçılıq, cadugərlik və vətəndaşların etibarından sui-istifadə (dələduzluq) əməlləri ilə məşğul olması barədə yayılan məlumatlar ciddi araşdırma tələb edir.

Bu səbəbdən, hərbi mühitin nüfuzunun qorunması, daxili təhlükəsizlik qaydalarının pozulma riskinin qarşısının alınması və vətəndaşların xurafat bəhanəsi ilə maddi-mənəvi ziyana uğradılmasının dayandırılması üçün Azərbaycan Respublikasının Müdafiə Nazirliyi, həmçinin hüquqi müstəvidə tədbirlərin görülməsi məqsədilə Hüquq-mühafizə orqanları bu faktı nəzarətə götürməli və sözügedən şəxsin fəaliyyətinə hüquqi qiymət verməlidir. Cəmiyyəti və dövlət institutlarını bu cür mənfi hallardan qorumaq hər birimizin və xüsusilə də rəsmi qurumların birbaşa vəzifəsidir. ]]> vasya Sat, 13 Jun 2026 13:28:47 +0400 http://bizimhedef.az/index.php?newsid=56316 http://bizimhedef.az/index.php?newsid=56316 ]]>

Fövqəladə Hallah Nazirliyi (FHN) çimərliklərdə təhlükəsizlik qaydaları ilə bağlı əhaliyə müraciət edib.

Bu barədə nazirlik məlumat yayıb.

Məlumat bildirilir ki, havanın isinməsi ilə əhalinin istirahət üçün üz tutduğu məkanlardan biri də su hövzələridir.

Fövqəladə Hallar Nazirliyi tərəfindən aparılan kütləvi maarifləndirmə işlərinə baxmayaraq, təəssüflə qeyd edilməlidir ki, bəzi vətəndaşlar tərəfindən bu məkanlarda təhlükəsizlik qaydalarına əməl olunmaması sonda acı nəticələrə səbəb olur.

Qeyd olunanları nəzərə alaraq, Fövqəladə Hallar Nazirliyi əhaliyə müraciət edərək su hövzələrində, o cümlədən çimərliklərdə təhlükəsizlik qaydalarına ciddi əməl etməyə çağırır.

Belə ki, aşağıda qeyd olunan hallar qadağandır:

- çimərlik kimi nəzərdə tutulmamış yerlərdə, o cümlədən kanal və çaylarda çimmək;

- çimmə zonasının işarələnmiş sərhədlərindən kənara üzmək;

- küləkli havada dənizə girmək;

- çimərlikdə gecələmək;

- sərxoş halda çimərlikdə olmaq;

- suda kobud hərəkətlər etmək;

- xilasetmə texnikasından başqa digər qayıq və kiçik gəmilərlə çimərliyə daxil olmaq!

Yadda saxlayın:

- çimərlikdə uşaqlar nəzarətsiz qalmamalı, xəbərdaredici nişan və lövhələrin göstərişlərinə, xilasedicilərin çağırış və tələblərinə sözsüz əməl edilməlidir!

- qızmar günəş altında fasiləsiz dayanmaq, hava qaraldıqdan sonra suya daxil olmaq təhlükəlidir!

Unutmayın: Qaydalara biganəlik – həyatımıza təhlükədir!

Təhlükə zamanı 112-yə zəng edin! ]]> vasya Sat, 13 Jun 2026 11:05:54 +0400 http://bizimhedef.az/index.php?newsid=56313 http://bizimhedef.az/index.php?newsid=56313 ]]>

Polis əməkdaşlarının keçirdikləri əməliyyat tədbirləri nəticəsində ümumi çəkisi 47 kiloqramdan artıq narkotik vasitə aşkar olunaraq götürülüb.

Bu barədə Daxili İşlər Nazirliyindən məlumat verilib.

Qeyd olunub ki, yabanı halda bitmiş 3,4 ton çəkidə 16345 ədəd çətənə kolu isə aşkarlanaraq məhv edilib. ]]> vasya Sat, 13 Jun 2026 10:19:19 +0400 http://bizimhedef.az/index.php?newsid=56310 http://bizimhedef.az/index.php?newsid=56310 ]]>

Azərbaycanda zəlzələ baş verib.

Yeraltı təkanlar Qəbələ, İsmayıllı, Zaqatala və başqa bir neçə rayonda hiss olunub.

***

Seysmoloji Xidmət Mərkəzinin yaydığı məlumata görə, yeraltı təkanlar saat 15:13-də, Qəbələ stansiyasından 11 km cənub-qərbdə Qəbələ rayonunda qeydə alınıb.

5.1 maqnitudalı zəlzələ episentrdə və episentrə yaxın yaşayış məntəqələrində 5-3 bala qədər hiss olunub. ]]> vasif Fri, 12 Jun 2026 16:11:16 +0400 http://bizimhedef.az/index.php?newsid=56309 http://bizimhedef.az/index.php?newsid=56309 ]]>

Yaşıllıqların mühafizəsi haqqında qanunvericiliyin pozulmasına görə yeni cərimələr tətbiq ediləcək.

Bu, Milli Məclisin bugünkü iclasında müzakirə olunan İnzibati Xətalar Məcəlləsində dəyişiklik edilməsi haqqında qanun layihəsində öz əksini tapıb.

Qanun layihəsinə əsasən, barəsində məlumatlandırma icraatı tətbiq edilən kolların kəsilməsi barədə yalan və (və ya) təhrif olunmuş məlumatın verilməsinə görə fiziki şəxslər 500 manat miqdarında, vəzifəli şəxslər 3000 manat miqdarında, hüquqi şəxslər 5000 manat miqdarında cərimə ediləcək.

Qanun layihəsi müzakirələrdən sonra səsverməyə qoyularaq III oxunuşda qəbul edilib. ]]> vasif Fri, 12 Jun 2026 16:04:18 +0400 http://bizimhedef.az/index.php?newsid=56307 http://bizimhedef.az/index.php?newsid=56307 ]]>

Cinayət işi tamamlanaraq Bakı Ağır Cinayətlər Məhkəməsinə göndərilən Xalq artisti İlhamə Quliyevanın bacısı qızının ilk məhkəməsi keçirilib.

Manset.az xəbər verir ki, bu dəqiqələrdə keçirilən elə ilk iclasda Nigar Həsənova həbs edilib.

Bildiririk ki, Nigar Həsənovanın Azərbaycan Respublikası Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə açılmış cinayət işi baxılması üçün Bakı Ağır Cinayətlər Məhkəməsinə göndərilmişdi.

Qeyd edək ki, İlhamə Quliyevanın bacısı İradə Həsənovanın qızı Nigar Həsənova tanınmış kosmetoloqdur. O bir sıra şəxslərin külli miqdarda qızıl və zinət əşyalarını mənimsəyib.

Məqaləyə dair fotomateriallar:

]]> vasya Fri, 12 Jun 2026 14:05:27 +0400 http://bizimhedef.az/index.php?newsid=56304 http://bizimhedef.az/index.php?newsid=56304 ]]>

Xəbər verildiyi kimi, jurnalist Jirayr Voskanyan Rusiyanın Zəngəzur bölgəsində hərbi mövcudluğunu artırdığını iddia edib. Jurnalist Meğri rayonunda yerləşən əsas yollarda Rusiya hərbçilərinin hələ də fəaliyyət göstərdiyini bildirib. Onun sözlərinə görə, Ermənistan hakimiyyəti rus hərbçilərinin həmin ərazilərdən çıxarıldığını bəyan etsə də, onlar yerli və xarici vətəndaşlara qanunsuz olaraq müxtəlif məhdudiyyətlər tətbiq etməkdə davam edirlər.

Voskanyan iddia edib ki, seçkilərdən sonra Avropa ölkələrindən və Ermənistanın digər bölgələrindən Meğriyə gələn şəxslərin avtomobilləri Nüvədi kəndi (erm. Nrnadzor) istiqamətində Rusiya hərbçiləri tərəfindən saxlanılıb. Bildirilib ki, Meğri qeydiyyatda olmayan Ermənistan və xarici ölkə vətəndaşlarından Nüvədi kəndinə daxil olmaq üçün xüsusi icazə tələb olunur. Jurnalist xatırladıb ki, sözügedən yol Zəngəzur dəhlizinin keçməsi nəzərdə tutulan marşrut üzərində yerləşir.

O iddia edib ki, saxlanılan şəxslər bir neçə saat gözlədildikdən və dindirildikdən sonra Meğri polis şöbəsinə aparılıblar. Voskanyan Ermənistanın aidiyyəti qurumlarını məsələyə aydınlıq gətirməyə çağıraraq, Rusiya hərbçilərinin Zəngəzurda hansı hüquqi əsaslarla fəaliyyət göstərdiyi və onların yerli sakinlərin hərəkət azadlığını məhdudlaşdırmaq səlahiyyətlərinin kim tərəfindən verildiyi ilə bağlı suallar ünvanlayıb.

Xatırladaq ki, Nüvədi kəndi Zəngəzurun qədim Azərbaycan kəndlərindən biri sayılır. Yerli azərbaycanlılar 1991-ci ilin avqustunda Ermənistan hakimiyyəti tərəfindən kəndi tərk etməyə məcbur edilib.

“Tramp yolu”na rus hərbçilərin yerləşməsi bölgədə yeni gərginliyə və eskalasiyaya səbəb ola bilərmi? Ruslar indidən süni maneələr yaratmaqla nə etmək istəyindədirlər?

Hərbi ekspert Rövşən Məhərrəmov Musavat.com-a bildirib ki, Jirayr Voskanyanın iddiaları doğrudursa, bu, ilk növbədə Rusiyanın Zəngəzur istiqamətində təsir imkanlarını qorumağa çalışdığını göstərir: “Lakin qeyd etmək vacibdir ki, hazırda bu məlumatlar rəsmi şəkildə təsdiqlənməyib, Ermənistan, Rusiya və ya beynəlxalq müşahidəçilər tərəfindən dəqiq faktlarla təsdiq olunmadan qəti nəticə çıxarmaq çətindir. Rusiyanın məqsədi kommunikasiyalar üzərində nəzarəti saxlamaq imkanlarının olduğunu nümayiş etdirməkdir. Zəngəzur bölgəsi Azərbaycanın qərb rayonları ilə Naxçıvan arasında əlaqə baxımından strateji əhəmiyyət daşıyır. Moskva uzun illər Cənubi Qafqazda əsas təhlükəsizlik aktoru olub və regiondakı nəqliyyat-kommunikasiya xətlərinə nəzarəti itirmək istəmir”.
Onun fikrincə, Moskva üçün Zəngəzur dəhlizi yalnız nəqliyyat layihəsi deyil, həm də siyasi təsir alətidir: “Ərazi üzərində faktiki nəzarət imkanları gələcək danışıqlarda Rusiyanın mövqeyini gücləndirə bilər. Əgər söhbət ABŞ tərəfindən dəstəklənən və ya Vaşinqtonun maraq göstərdiyi alternativ nəqliyyat marşrutlarından gedirsə, həmin istiqamətdə Rusiya hərbi mövcudluğunun artması rəqabəti dərinləşdirə bilər. Ancaq bu, avtomatik olaraq hərbi eskalasiya demək deyil. Rusiya Ukrayna müharibəsi fonunda yeni cəbhə açmaq imkanlarına malik deyil”. ]]> vasya Fri, 12 Jun 2026 12:47:04 +0400 http://bizimhedef.az/index.php?newsid=56299 http://bizimhedef.az/index.php?newsid=56299 ]]>

Xəbər verdiyimiz kimi, Bakıda vəfat edən 18 yaşlı oğlan Beyləqan rayonunda dəfn olunub.

“Qafqazinfo”nun əldə etdiyi məlumata görə, orta məktəbin 11-ci sinif şagirdi olan 2008-ci il təvəllüdlü Elvin Zabit oğlu Aslanlının Bakıdakı hotellərin birində öldüyü məlum olub.

Belə ki, iyunun 10-u saat 18 radələrində “Novxanı Spring” hotelində olarkən onun halı qəfil pisləşib və dünyasını dəyişib.

Məktəblinin hoteldəki ölümü ilə bağlı Binəqədi Rayon Prokurorluğunda araşdırma aparılır.

Qeyd edək ki, E.Aslanlı iyunun 13-ü orta məktəbdən məzun olacaqdı. ]]> vasya Fri, 12 Jun 2026 10:50:26 +0400 http://bizimhedef.az/index.php?newsid=56283 http://bizimhedef.az/index.php?newsid=56283 ]]>

Bakı şəhəri, Nərimanov rayonu, Elşad Quliyev küçəsində yerləşən restoranda baş vermiş yanğın genişlənməsinə imkan verilmədən qısa müddətdə tam söndürülüb.

Bu barədə Fövqəladə Hallar Nazirliyindən məlumat verilib.

Bildirilib ki, hadisə zamanı xəsarət alan olmayıb.

***

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nərimanov rayonu, Elşad Quliyev küçəsində yerləşən obyektdə yanğın baş verməsi barədə məlumat daxil olub.

Bu barədə FHN məlumat yayıb.

Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğının söndürülməsi istiqamətində tədbirlər davam edir. ]]> vasya Thu, 11 Jun 2026 12:48:58 +0400 http://bizimhedef.az/index.php?newsid=56279 http://bizimhedef.az/index.php?newsid=56279 ]]>

Evdən 70 min manatlıq qızıl oğurlayan şəxs saxlanılıb.

DİN xəbər verir ki, Nərimanov rayonunda yerləşən evlərin birindən ümumi dəyəri 70 min manat olan qızıl-zinət əşyalarının oğurlanması barədə polisə məlumat daxil olub.

Nərimanov Rayon Polis İdarəsinin 16-cı Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən 35 yaşlı Elgüc Məmmədov saxlanılıb.

Araşdırmalar zamanı məlum olub ki, o, zərərçəkənlərin evdə olmadığını öyrəndikdən sonra mənzilə daxil olub. E.Məmmədov oğurluq edəndən sonra isə diqqət çəkməmək üçün ev sahibinə məxsus gödəkçəni geyinərək hadisə yerindən uzaqlaşıb.

Faktla bağlı araşdırma aparılır.





]]> vasya Thu, 11 Jun 2026 11:44:29 +0400