http://bizimhedef.az/ ru idman - Bizimhedef.az DataLife Engine http://bizimhedef.az/index.php?newsid=56254 http://bizimhedef.az/index.php?newsid=56254 ]]>

“Qarabağ” bu gün Avropa Liqasını təsnifat mərhələsinin və növbəti mövsümün hazırlığına başlayacaq.

“Komanda Bakıda bir araya gələcək.

Bu mərhələ iyunun 22-dək davam edəcək.

“Qarabağ” iyunun 22-də Avstriyaya yollanacaq. Komanda hazırlığın ikinci mərhələsini Tirol əyalətində keçirəcək. Avstriya toplanışı iyulun 2-dək davam edəcək.

Təlim-məşq toplanışı çərçivəsində üç yoxlama oyununun keçirilməsi nəzərdə tutulub.

İyunun 27-də Ağdam təmsilçisi Bolqarısanın ÇSKA (Sofiya) klubu ilə üz-üzə gələcək. Matç Bakı vaxtilə saat 19:00-da başlayacaq.

İkinci oyun isə iyulun 1-də Ukrayna “Metallist”inə qarşı olacaq. Bu matçın start fiti isə 15:00-da veriləcək.

Həmin gün “Qarabağ” son yoxlama görüşünə də çıxacaq. Qurban Qurbanovun komandası “Ferentsvaroş”la üz-üzə gələcək. Bu qarşılaşmanın start fiti 20:00-da veriləcək.

Qeyd edək ki, “Qarabağ” Avropa Liqasının birinci təsnifat mərhələsindən mübarizəyə başlayacaq. Onların rəqibi iyunun 16-da püşkatmada bəlli olacaq. ]]> vasya Wed, 10 Jun 2026 13:29:19 +0400 http://bizimhedef.az/index.php?newsid=56221 http://bizimhedef.az/index.php?newsid=56221 ]]>

Sərbəst güləş üzrə aşağı yaş qrupları üzrə milli komandaların tərkibi yenidən formalaşıb.

Arif Abdullayev böyüklərdən ibarət milli komandanın məşqçilər heyətinə cəlb edilib.

U20 milli komandanın böyük məşqçisi vəzifəsinə Əşrəf Əliyev təyin edilib. Rövşən Hacıyev və Nazim Əlicanovla yanaşı, Əsgərxan Novruzov da bu komandada köməkçi-məşqçi funksiyasını yerinə yetirəcək.

U17 milli komandanın böyük məşqçisi vəzifəsi Hacı Əliyevə həvalə edilib. Məşqçilər heyətində Qırxlar Bədəlov, Allahverdi Vəliyev və Yaşar Əliyev də yer alıb.

U15 milli komandada böyük məşqçi vəzifəsini isə Emin Əzizov icra edəcək. Bu komandada digər məşqçilər Elşad Allahverdiyev və Əliabbas Rzazadə olacaq. Abil İbrahimov isə məşvərətçi-məşqçi statusuyla milli komandaya dəstək verəcək. ]]> vasya Tue, 09 Jun 2026 11:23:40 +0400 http://bizimhedef.az/index.php?newsid=56218 http://bizimhedef.az/index.php?newsid=56218 ]]>

Avstriyada təlim-məşq toplanışında olan Azərbaycan millisi bu gün növbəti sınağına çıxacaq.

“Millimiz San Marino yığma ilə yoxlama oyunu keçirəcək.

Ayxan Abbasovun rəhbərlik etdiyi komandamız bu rəqiblə Macarıstanda qarşılaşacaq. Sombatxey şəhərindəki “Haladaş” stadionunda keçiriləcək oyunu Macarıstandan olan hakimlər briqadası idarə edəcək. Qarşılaşmanın baş hakimi Marton Ruş olacaq.

Xatırladaq ki, millimiz bir neçə gün öncə eyni məkanda Malta yığması ilə də qarşılaşmış və 0:2 hesabıyla uduzmuşdu.

Yoxlama oyunu
9 iyun

22:00. Azərbaycan – San Marino
Baş hakim: Marton Ruş (Macarıstan).
Sombatxey, “Haladaş” stadionu. ]]> vasya Tue, 09 Jun 2026 10:45:09 +0400 http://bizimhedef.az/index.php?newsid=56197 http://bizimhedef.az/index.php?newsid=56197 ]]>

Azərbaycan Həmkarlar İttifaqları Konfederasiyası (AHİK) və tabe təşkilatı Azərbaycan Həmkarlar İttifaqları İdman Təşkilatları Assosiasiyasının (AHİİTA) birgə təşkilatçılığı ilə “Sağlam həmkar” minifutbol turnirinə start verilib.

AHİK-in üzv təşkilatlarının komandaları arasında keçirilən yarış Azərbaycan Respublikasının Dövlət Himninin səsləndirilməsi ilə başlayıb, Ümummilli Lider Heydər Əliyevin və Vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Açılış mərasimində çıxış edən AHİK sədrinin müavini Qəzənfər Abdullayev Ulu Öndər Heydər Əliyevin müəyyənləşdirdiyi, cənab Prezident İlham Əliyev tərəfindən uğurla davam etdirilən idman siyasətindən söz açıb, ölkəmizdə bədən tərbiyəsi və idmanın inkişafı, müasir idman infrastrukturunun yaradılması, eləcə də idmançılar üçün yaradılan geniş imkanlardan danışıb. Vurğulanıb ki, bu gün Azərbaycan dünyanın aparıcı idman mərkəzlərindən biridir və nüfuzlu beynəlxalq idman tədbirlərinə uğurla ev sahibliyi edir.

AHİK sədrinin müavini bildirib ki, “Sağlam həmkar” minifutbol turnirinin keçirilməsi sağlam həyat tərzinin təşviqi, kollektiv həmrəyliyin və komanda ruhunun gücləndirilməsi, asudə vaxtın səmərəli təşkili məqsədi daşıyır.

İdman tədbirində AHİİTA-nın idman bölmələrinin idmançıları tərəfindən nümunəvi idman çıxışları nümayiş etdirilib.

Sonra turnirin ilk oyunlarına start verilib. Qeyd edək ki, yarışda ümumilikdə 17 komanda 4 qrup üzrə mübarizə aparır.

Turnirə iyulun 10-da keçiriləcək final oyunu ilə yekun vurulacaq.
]]> vasya Mon, 08 Jun 2026 11:15:26 +0400 http://bizimhedef.az/index.php?newsid=56160 http://bizimhedef.az/index.php?newsid=56160 ]]>

Avstriyanın Bad-Valtersdorf şəhərində təlim-məşq toplanışında olan futbol üzrə Azərbaycan millisi bu gün yoldaşlıq matçı keçirəcək. Ayxan Abbasovun baş məşqçisi olduğu kollektiv Malta ilə qarşılaşacaq.

Görüş Macarıstanın Sombatxey şəhərindəki "Haladaş" stadionunda, saat 22:00-da start götürəcək. Matçı macarıstanlı baş hakim Mixail Kaprali idarə edəcək.

Qeyd edək ki, milli hazırlıq çərçivəsində növbəti matçını San-Marinoya qarşı keçirəcək. Bu görüş iyunun 9-da baş tutacaq. ]]> vasya Fri, 05 Jun 2026 11:07:50 +0400 http://bizimhedef.az/index.php?newsid=56153 http://bizimhedef.az/index.php?newsid=56153 ]]>

Minifutbol üzrə Azərbaycan millisi Slovakiyada keçirilən Avropa çempionatının qalibi olub.

Elşad Quliyevin baş məşqçisi olduğu kollektiv finalda Ukrayna seçməsini məğlub edib.

"Tipos Arena"dakı oyun 2:0 hesabı ilə bitib.

Komandanın qollarına Mirmehdi Rzayev və İsa Atayev imza atıb.

Beləliklə, minifutbol üzrə Azərbaycan millisi ikiqat Avropa çempionu olub. Komanda daha əvvəl 2022-ci ildə titula sahib çıxıb.

Xatırladaq ki, Azərbaycan millisi ötən gün əsas vaxtı 1:1 hesabı ilə bitən yarımfinal görüşünün penaltilər seriyasında Serbiya seçməsini üstələyib - 3:1. F qrupunda Avstriya (1:0), İtaliya (3:0) və Fransanı (3:2) məğlub edən komanda 1/8 finalda Qazaxıstanı (3:2), 1/4 finalda isə Çexiyanı (5:2) məğlub edib.(report) ]]> vasya Fri, 05 Jun 2026 09:28:49 +0400 http://bizimhedef.az/index.php?newsid=56051 http://bizimhedef.az/index.php?newsid=56051 ]]>

Bu gün UEFA Çempionlar Liqasında mövsümün son və ən vacib qarşılaşması keçiriləcək.

“Qafqazinfo” xəbər verir ki, Macarıstanın paytaxtı Budapeştdə təşkil olunacaq final oyununda son çempion PSJ ilə tarixində ilk dəfə Çempionlar Liqasının kubokunu qazanmaq arzusunda olan “Arsenal” üz-üzə gələcək.

Hər iki komanda mövsümü möhtəşəm nəticə ilə başa vurmaq üçün meydana çıxacaq.

Qarşılaşma Bakı vaxtı ilə saat 20:00-da başlayacaq.

30 may

UEFA Çempionlar Liqası

Final

20:00. PSJ – Arsenal

Budapeşt, “Puşkaş Arena”. ]]> vasif Sat, 30 May 2026 09:14:04 +0400 http://bizimhedef.az/index.php?newsid=55963 http://bizimhedef.az/index.php?newsid=55963 ]]>

22 may 2026-cı il tarixində saat 15:00-da Ümumdünya Şəhərsalma Forumunun 13-cü Sessiyasının (WUF13) bağlanış mərasimi keçiriləcək.

Bununla əlaqədar olaraq, tədbir iştirakçılarının Nəqliyyat Mübadilə Mərkəzlərindən WUF13 tədbir məkanına daşınması saat 13:00-dək təmin ediləcək.

Tədbir məkanını ziyarət edəcək və ya bağlanış mərasimində iştirak edəcək şəxslərdən qeyd edilənləri nəzərə alması xahiş olunur. ]]> vasif Fri, 22 May 2026 11:57:16 +0400 http://bizimhedef.az/index.php?newsid=55935 http://bizimhedef.az/index.php?newsid=55935 ]]>

Misli Premyer Liqasında sonuncu – 33-cü tura bu gün bir oyunla start veriləcək.

“Turun ilk matçında “Qəbələ” “Şamaxı” ilə üz-üzə gələcək.

Qarşılaşma saat 18:30-da Qəbələ şəhər stadionunda start götürəcək. Meydan sahibləri 24 xalla 11-ci, qonaqlar 38 xalla 8-ci pillədə qərarlaşıb.

Tura mayın 24-də yekun vurulacaq. ]]> vasif Thu, 21 May 2026 10:18:49 +0400 http://bizimhedef.az/index.php?newsid=55931 http://bizimhedef.az/index.php?newsid=55931 ]]>

ABŞ Açıq Kubokunun dörddəbir final mərhələsində “Kolumbus Kru” komandası “Nyu-York Siti”ni 1:0 hesabı ilə məğlub edərək yarımfinala vəsiqə qazanıb.

“ScottsMiracle-Gro Field” stadionunda keçirilən qarşılaşmada oyunun taleyini Maks Arfsten həll edib.

Görüş uzun müddət qolsuz davam etsə də, futbolçu matçın sonlarına yaxın fərqlənərək, komandasına qələbə qazandırıb.

Qol epizodunda Azərbaycan millisinin üzvü Nəriman Axundzadə məhsuldar ötürmə müəllifi olub. O, sağ cinahdan topu Maks Arfstenə çatdırıb, futbolçu isə təxminən 17 metr məsafədən dəqiq zərbə ilə hesabı açıb.

Bu qələbə “Kolumbus Kru” üçün yeni baş məşqçi Loran Kurtuanın rəhbərliyi altında ilk uğur olub. Klub bir neçə gün əvvəl baş məşqçi Henrik Ridströmlə yollarını ayırmışdı.

“Kolumbus Kru” klub tarixində beşinci dəfə ABŞ Açıq Kubokunun yarımfinalına yüksəlib. Komanda bu mərhələdə sentyabr ayında “Orlando Siti” ilə qarşılaşacaq. ]]> vasif Thu, 21 May 2026 09:38:31 +0400