http://bizimhedef.az/ ru iqtisadiyyat - Bizimhedef.az DataLife Engine http://bizimhedef.az/index.php?newsid=55347 http://bizimhedef.az/index.php?newsid=55347 ]]>

Dünya bazarında "Azeri Light" markalı Azərbaycan neftinin 1 barelinin qiyməti 11,06 ABŞ dolları və ya 9,57 % azalaraq 104,49 ABŞ dolları təşkil edib.

"Brent" markalı neftin iyun fyuçerslərinin qiyməti 99,26 ABŞ dolları təşkil edib.

Türkiyənin Ceyhan limanında FOB bazasında "Azeri Light" markalı Azərbaycan neftinin bir barelinin qiyməti 10,5 ABŞ dolları və ya 9,38 % azalaraq 101,33 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb. ]]> vasya Sat, 18 Apr 2026 10:16:03 +0400 http://bizimhedef.az/index.php?newsid=55343 http://bizimhedef.az/index.php?newsid=55343 ]]>

Bankdan kredit almaq çoxları üçün sadəcə maliyyə əməliyyatı kimi görünsə də, əslində bu proses qarşılıqlı etibara əsaslanır. Maliyyə qurumları üçün kredit vermək yalnız vəsait ayırmaq deyil, eyni zamanda gələcək riskləri düzgün qiymətləndirmək deməkdir. Bu səbəbdən hər bir müraciət diqqətlə təhlil olunur və qərar yalnız rəqəmlərə deyil, daha geniş çərçivədə müxtəlif amillərə əsaslanır.

Bəs banklar hansı müştərilərə kredit vermir?

İqtisadçı Günay Hüseynova Valyuta.az-a bildirib ki, bank üçün əsas məsələ verilən kreditin vaxtında və tam məbləğdə geri ödənilməsidir. Məhz buna görə də kredit müraciətlərinə baxılarkən ilk olaraq şəxsin mövcud maliyyə vəziyyəti qiymətləndirilir:

“Bu zaman əsasən yaş faktoru, şəxsin hazırda işləyib-işləmədiyi, rəsmi gəlirinin olub-olmaması, eləcə də girov qoya biləcəyi əmlakının mövcudluğu kimi amillər nəzərə alınır. Şəxsin hazırda işləməsi ilə yanaşı, həmin iş yerində nə qədər müddətdir çalışdığı da mühüm meyarlardan hesab olunur. Eyni zamanda, müraciət edən şəxsin aktiv kredit öhdəlikləri də araşdırılır. Əgər mövcud kredit ödənişləri aylıq gəlirin 40-50 faizini keçirsə, həmin şəxsin kredit alma ehtimalı yoxdur. Banklar kredit tarixçəsinə də xüsusi diqqət yetirir. Əgər şəxs əvvəlki kreditlərini gecikdiribsə, faiz borcu yaranıbsa və ya məsələ məhkəmə predmetinə çevrilibsə, yenə də şəxsin kredit alması mümkünsüzdür. Belə şəxslər banklardan daha çox digər bank olmayan kredit təşkilatlarına müraciət edirlər. Həmin qurumlarda isə şərtlər fərqli olur".

"Böyük məbləğli kreditlər zamanı girov məsələsi də əsas şərtlərdən biridir. Şəxsin girov qoyduğu daşınar və ya daşınmaz əmlakın dəyərinin götürülən kredit məbləğini qarşılaması vacib hesab edilir. Zaminlik hallarında isə zamin olan şəxsin maliyyə vəziyyəti ayrıca qiymətləndirilir. Onun aktiv kreditlərinin olub-olmaması, kredit yükünün müəyyən limiti keçib-keçməməsi, gecikmə tarixçəsi, aylıq gəliri və digər göstəricilər nəzərdən keçirilir” – deyə iqtisadçı bildirib. ]]> vasya Sat, 18 Apr 2026 09:00:23 +0400 http://bizimhedef.az/index.php?newsid=55339 http://bizimhedef.az/index.php?newsid=55339 ]]>

"Növbəti ildə həm Ağdam-Xankəndi dəmir yolunun, həm də Xankəndi Dəmir Yolu və Avtovağzal Kompleksinin açılışı planlaşdırılır".

Bunu ADY sədrinin müavini Arif Ağayevin Kürdəmir stansiyasına sərnişindaşıma xidmətinin bərpası ilə bağlı tədbirdə çıxışı zamanı deyib. O bildirib ki, Azərbaycanın bütün regionlarını sərnişinlər üçün daha əlçatan etməyi və xidmət coğrafiyasını genişləndirməyi qarşıya məqsəd qoyan Azərbaycan Dəmir Yolları sərnişindaşıma xidmətinin dayanıqlı inkişafı üçün pandemiyadan əvvəl mövcud olmuş marşrut və stansiyaların bərpasını mərhələli şəkildə həyata keçirir.

"Bu istiqamətdə 2023-cü ildə Bakı–Gəncə–Bakı marşrutu Ağstafaya qədər uzadılıb, ilk dəfə olaraq Qəbələyə sürətli qatar reysləri təşkil olunub. 2024-cü ildə yeni qatarlar istismara verilib, Bakı–Ağstafa–Bakı xətti üzrə reyslərin sayı artırılıb, Ləki və Ucar stansiyalarında dayanacaqlar təmin edilib. 2025-ci ildə isə sərnişindaşıma daha da genişləndirilib: ilin əvvəlində Bakı–Balakən–Bakı, iyun ayında Bakı–Qazax–Bakı, avqustda isə Bakı–Ağdam–Bakı marşrutları bərpa olunub. Bununla yanaşı, ilk dəfə Gəncə-Qəbələ-Gəncə xətti istifadəyə verilib. Görülən bu tədbirlərin nəticəsi olaraq, 2025-ci ildə ADY rekord göstəriciyə nail olaraq 10 milyondan çox sərnişin daşıyıb ki, bu da xidmət keyfiyyətinin artırılmasına və müştəri məmnuniyyətinə verdiyimiz önəmi bir daha nümayiş etdirir". ]]> vasif Fri, 17 Apr 2026 14:22:28 +0400 http://bizimhedef.az/index.php?newsid=55341 http://bizimhedef.az/index.php?newsid=55341 ]]>

"Bakı-Hövsan marşrutu üzrə qatarların hərəkəti ilə təsdiqlənən 2025-2030-cu illəri əhatə edən Dövlət Proqramına əsasən, orada bu istiqamət üzrə qatarların həm alışı, həm də mövcud stansiyaların bərpası, dəmir yollarının təmir-bərpası nəzərdə tutulub".

Bunu “Azərbaycan Dəmir Yolları” QSC-nin Sərnişindaşımaları departamentinin rəisi Azər Fərəcov deyib.

Onun sözlərinə görə, bu istiqamətdə artıq layihələndirilmə işlərinə başlanılıb:

"Həmçinin qatarların alışı ilə bağlı işlər aparılır. "Azərbaycan Dəmir Yolları" QSC (ADY) 2030-cu ilə qədər 20 ədəd qatar almağı planlaşdırır". ]]> vasif Fri, 17 Apr 2026 13:07:07 +0400 http://bizimhedef.az/index.php?newsid=55305 http://bizimhedef.az/index.php?newsid=55305 ]]>

Bu ilin mart ayında Azərbaycan Ermənistandan ilk dəfə 960 ABŞ dolları dəyərində mal idxal edib.

“Qafqazinfo” xəbər verir ki, bu, Dövlət Gömrük Komitəsinin (DGK) “Xarici Ticarətin Gömrük Statistikasına dair Hesabat”ında öz əksini tapıb.

Bundan başqa, cari ilin yanvar-mart aylarında Azərbaycandan Ermənistana 5,757 milyon ABŞ dolları dəyərində məhsul ixrac olunub.

Məlumata görə, bu göstərici Azərbaycanın ümumi ixracının 0,11 faizini təşkil edib.

Xatırladaq ki, Azərbaycanla Ermənistan arasında iqtisadi əlaqələr 1991-ci ildən tamamilə dayandırılmışdı. ]]> vasif Thu, 16 Apr 2026 11:49:45 +0400 http://bizimhedef.az/index.php?newsid=55264 http://bizimhedef.az/index.php?newsid=55264 ]]>

Bu gün Azərbaycandan Ermənistana dizel yanacağının və Rusiya gübrəsinin tədarükü baş tutub.

1298 ton dizel yanacağı yüklənmiş 22 ədəd vaqondan və 240 ton gübrə yüklənmiş 4 vaqondan ibarət qatar "Azərbaycan Dəmir Yolları" QSC-nin Biləcəri stansiyasından Böyük Kəsik stansiyası istiqamətində yola salınıb.

Yük Gürcüstan ərazisindən tranzit keçməklə Ermənistana çatdırılacaq.

Xatırladaq ki, sonuncu dəfə aprelin 11-də Azərbaycandan Ermənistana 887 ton dizel daşıyan 15 ədəd çən vaqon yola salınıb.

İndiyədək Azərbaycandan Ermənistana 6312 ton dizel, 979 ton Aİ-92 benzini və 2955 ton Aİ-95 benzini ixrac olunub.

İndiyədək Rusiyadan Ermənistana Azərbaycandan tranzit keçməklə 23,9 min ton taxıl, 1100 tondan çox gübrə və 68 ton qarabaşaq göndərilib.

Bu ölkəyə yanacaq ixracına 2025-ci dekabrın 18-də başlanılıb. Həmin gün Ermənistana 1 220 ton "Aİ-95" markalı avtomobil yanacağı tədarük edilib.

Prezident İlham Əliyevin 2025-ci ilin oktyabrında verdiyi qərara əsasən, işğal dövründən bəri qüvvədə olan Azərbaycandan Ermənistana yüklərin tranziti ilə bağlı məhdudiyyətlər aradan qaldırıldıqdan sonra bu istiqamətdə daşımalar davam edir.

***

Bu gün Azərbaycandan Ermənistana 22 vaqon dizel yanacağı ixrac olunacaq.

Bununla yanaşı, Rusiyadan Ermənistana 4 vaqon gübrə tranzitlə göndəriləcək.

Qeyd edək ki, indiyədək Azərbaycandan Ermənistana 6 312 ton dizel, 979 ton Aİ-92 benzini və 2 955 ton Aİ-95 benzini ixrac olunub.

Xatırladaq ki, bu ölkəyə yanacaq ixracına isə 2025-ci dekabrın 18-də başlanılıb. Həmin gün Ermənistana 1 220 ton "Aİ-95" markalı avtomobil yanacağı tədarük edilib.

Prezident İlham Əliyevin 2025-ci ilin oktyabrında verdiyi qərara əsasən, işğal dövründən bəri qüvvədə olan Azərbaycandan Ermənistana yüklərin tranziti ilə bağlı məhdudiyyətlər aradan qaldırıldıqdan sonra bu istiqamətdə daşımalar davam edir. ]]> vasif Tue, 14 Apr 2026 11:12:56 +0400 http://bizimhedef.az/index.php?newsid=55256 http://bizimhedef.az/index.php?newsid=55256 ]]>

ABŞ tərəfindən Hörmüz boğazına dəniz blokadası planı həyata keçirilərsə, neftin qiyməti bir barel üçün 140–150 dollara qədər yüksələ bilər.

Valyuta.az xəbər verir ki, bu barədə "Bloomberg" yazıb.

Bildirilib ki, 13 aprel, bazar ertəsi günü “Brent” markalı neftin qiyməti ABŞ və İran arasında aparılan danışıqların uğursuzluğundan sonra 103 dollardan yuxarı qalxıb. Bu, qlobal enerji bazarında gərginliyi daha da artırıb. Eyni zamanda, ABŞ-ın İran limanlarına daxil olan və ya oradan çıxan gəmilərə blokada tətbiq etmə planları da gündəmdədir.

“Onyx Capital Group”un idarəedici direktoru Xorxe Montepeke bildirib ki, bazarlarda müşahidə olunan 8%-lik artım real riskləri əks etdirmir.

Onun sözlərinə görə, bu gün səhər gördüyümüz 103 dollarlıq qiymət və 8% artım, ABŞ bu blokadanı həqiqətən həyata keçirərsə baş verə biləcək vəziyyəti heç də əks etdirmir. Qiymət 140–150 dollar olmalı idi.

Montepeke əlavə edib ki, ABŞ-ın mümkün blokadası regional münaqişəni qlobal enerji böhranına çevirə və gündə 12 milyon barrelə qədər neft tədarükünün itirilməsinə səbəb ola bilər. Bununla belə, treyderlər hələlik bu ssenarini az ehtimal olunan hesab edirlər və buna görə də qiymətlərdə artım nisbətən məhdud qalır.

O, ABŞ-ın addımlarını “dəlilik” adlandıraraq bunun xüsusilə Asiya ölkələri, Sakit okean regionu və neft idxalından asılı olan iqtisadiyyatlar üçün ciddi zərbə olacağını bildirib.

Eyni zamanda qeyd olunur ki, ABŞ Prezidenti Donald Tramp siyasətini yumşaldarsa, neftin qiyməti ilin sonuna qədər təxminən 100 dollar səviyyəsində qala bilər.

11 apreldə ABŞ və İran arasında əldə edilən atəşkəs razılaşmasından sonra Hörmüz boğazından üç supertankerin keçdiyi bildirilir. Lakin Pakistanın vasitəçiliyi ilə aparılan ABŞ–İran danışıqları strateji əhəmiyyətə malik Hörmüz boğazı ilə bağlı razılaşma olmadan başa çatıb. Bundan sonra Donald Tramp ABŞ Hərbi Dəniz Qüvvələrinin boğazı blokada edəcəyini açıqlayıb. ]]> vasif Tue, 14 Apr 2026 09:21:17 +0400 http://bizimhedef.az/index.php?newsid=55245 http://bizimhedef.az/index.php?newsid=55245 ]]>

"Azərbaycan Dəmir Yolları" QSC (ADY) Alabaşlı-Qızılca dəmir yolu sahəsində əsaslı təmir işləri aparıb.

Bu barədə səhmdar cəmiyyətindən məlumat verilib.

"İstismara verildiyi ötən əsrin 50-ci illərindən bəri ilk dəfə yenilənən 20 kilometrlik bu xətlə xüsusilə dəmir yolları üçün zəruri olan çınqıl və qırmadaş kimi tikinti materiallarının təhlükəsiz daşınması təmin ediləcək", - ADY-dən bildirilib. ]]> vasif Mon, 13 Apr 2026 11:40:18 +0400 http://bizimhedef.az/index.php?newsid=55227 http://bizimhedef.az/index.php?newsid=55227 ]]>

Dünya bazarında "Azeri Light" markalı Azərbaycan neftinin 1 barelinin qiyməti 5,05 ABŞ dolları və ya 4,04 % azalaraq 119,98 ABŞ dolları təşkil edib.

Hərracların nəticələri məlumatına görə, "Brent" markalı neftin iyun fyuçerslərinin qiyməti 126,11 ABŞ dolları təşkil edib.

Türkiyənin Ceyhan limanında FOB bazasında "Azeri Light" markalı Azərbaycan neftinin bir barelinin qiyməti 5,04 ABŞ dolları və ya 4,2 % azalaraq 114,84 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb. ]]> vasya Sat, 11 Apr 2026 10:25:24 +0400 http://bizimhedef.az/index.php?newsid=55211 http://bizimhedef.az/index.php?newsid=55211 ]]>

Son günlər ard-arda yağan güclü yağışların fəsadlarından sonra Bakı və Abşeronun əmlak bazarında dəyişiklik müşahidə olunmağa başladı. Xüsusilə də kirayə bazarında vəziyyət daha da gərginləşib.

Rieltorların sözlərinə görə, xüsusilə subasma olan ərazilərdən köçənlərin sayının artması kirayə evlərə tələbatı yüksəldib. Təlabatın yüksəlməsi ilə də qiymətlərdə artım müşahidə olunur və hazırda "cibə uyğun" kirayə mənzil tapmaq çətinləşib.

Rieltor Mənsur Babayevin Bizim.Media-ya verdiyi məlumata görə hazırda bazarda kirayəlik ev tapmaq əvvəlki kimi asan deyil:

"Əvvəllər ucuz başa gəlsin deyə şəhərətrafı həyət evlərinə üstünlük verirdilər. Ancaq yağışlı günlərdə qəsəbələrdə yaranan gölməçələr və subasmalardan sonra həm rayonlardan yeni gəlmək istəyənlər, həm də həyət evlərində yaşayanların gözü qorxdu.

İndi eyni problemi təkrar yaşamamaq üçün bina evlərinə üz tuturlar. Bəziləri isə həyət evini dəyər-dəyməzinə satışa çıxarıb, müvəqqəti olaraq bina evində kirayə qalmağ istəyir. Ona görə də ev tapmaq mümkün deyil".

Rieltor deyir ki, təkliflər demək olar ki, tükənib. Əgər əvvəllər 1-2 otaqlı mənzillər kirayələmək üçün çətin tapılırdısa, indi 3 otaqlılar da azalıb.

Ümumiyyətlə təkliflər vasitəçilərə gələnə qədər, sakinlər özləri bir-birinə axtarıb tapırlar. Onsuz da baha olan kirayələr səbəbindən bir də maklerlərə ofis haqqı vermək niyyətində olmurlar.

"Yağışlara qədər şəhər ətrafı qəsəbələrdə 300 manata binada mənzil kirayələmək mümkün olurdusa, indi 400-ə tapan sevinir. Halbuki indiyə qədər 400 manata qəsəbələrdə 3 otaqlı mənzillər kirayə verilirdi. İndi bu qiymətə 1 otaqlılardır. Yağışdan sonra bazar əməlli-başlı dəyişdi. İndi hamı bina evinə qaçır". ]]> vasif Fri, 10 Apr 2026 10:48:26 +0400