http://bizimhedef.az/ ru siyaset - Bizimhedef.az DataLife Engine http://bizimhedef.az/index.php?newsid=55439 http://bizimhedef.az/index.php?newsid=55439 ]]>

Azərbaycan Prezidenti İlham Əliyev Ağsaqqallar Şurasının IX Qurultayının iştirakçılarına müraciət ünvanlayıb.

“Müraciətdə deyilir:

“Hörmətli qurultay iştirakçıları!

Sizi Azərbaycan Ağsaqqallar Şurasının IX Qurultayının işə başlaması münasibətilə ürəkdən təbrik edirəm.

Azərbaycan xalqının qədim mənəvi-əxlaqi dəyərlərinə söykənən ağsaqqallıq ənənəsi milli irsimizin ən mühüm dayaqlarından biridir. Ağsaqqallara hörmət həm Azərbaycan şifahi xalq ədəbiyyatında, həm də yazılı ədəbiyyatında fundamental bir dəyər kimi daim ön planda yer alır. Təsadüfi deyil ki, xalqımızın tarixi keçmişini, adət-ənənələrini əks etdirən “Kitabi-Dədə Qorqud” dastanında ağsaqqal nəsihətinə və sözünə ehtiram ən yüksək əxlaqi keyfiyyət kimi təsvir olunub.

Xalqımızın tarixi ənənələrini rəhbər tutaraq üzərilərinə düşən vacib missiyanı daim uğurla həyata keçirən ağsaqqallarımız cəmiyyətdə əxlaqi-mənəvi dəyərlərin qorunub saxlanmasının və nəsillərarası varisliyin təminatçısı olaraq çıxış edirlər. Eyni zamanda milli dövlətçilik ənənələrinin davam etdirilməsi və vətəndaş həmrəyliyinin möhkəmləndirilməsində ağsaqqallarımızın müstəsna xidmətləri vardır.

Məhz ağsaqqallarımızdan vətənpərvərlik və fədakarlıq tərbiyəsi alan gənclərimiz Vətən müharibəsində şanlı Zəfərimizin əldə olunmasında mühüm rol oynayıblar. 30 ildən çox torpaq həsrəti ilə yaşamış, müharibənin ağrı-acısını görmüş böyüklərimizin gənc nəslə aşıladığı milli qürur və Vətən sevgisi sayəsində xalqımızın müasir hərb tarixinə yeni bir səhifə yazıldı.

Sevindirici haldır ki, bu gün ağsaqqallarımız ölkə həyatının bütün sahələrində fəal iştirak edirlər. Dünyada artan təhdidlər, xüsusilə də qloballaşma və sosial şəbəkə platformalarının zərərli təsirləri nəticəsində bir çox ölkələrdə milli-mənəvi və ailə dəyərlərinin deformasiyaya uğraması Azərbaycanda mövcud olan ağsaqqallıq institutunun əhəmiyyətini və rolunu daha qabarıq şəkildə vurğulayır. Gənclərimizi milli vətənpərvərlik və öz köklərinə bağlı ruhda yetişdirmək, onları düzgün yola istiqamətləndirmək ağsaqqallarımız qarşısında duran əsas vəzifələrdən biridir.

Keçən əsrin sonlarında yaranan və sıralarında həyatını cəmiyyətə xidmətə həsr etmiş tanınmış xadimləri birləşdirən Azərbaycan Ağsaqqallar Şurası böyük yol keçərək bu gün də ölkəmizin inkişafına töhfə verir. Şura ölkənin ictimai-siyasi və humanitar inkişafında, cəmiyyət həyatının aktual məsələlərinin həllində və gənc nəslin tərbiyəsində iştirak edir.

İnanıram ki, IX Qurultayda aparılacaq müzakirələr və qəbul olunacaq qərarlar Ağsaqqallar Şurasının fəaliyyətinin təkmilləşdirilməsinə, ölkənin ictimai-siyasi həyatında təşkilatın rolunun daha da güclənməsinə xidmət edəcəkdir.

Qurultayın işinə uğurlar, hər birinizə isə möhkəm cansağlığı, uzun ömür, dəyərli ictimai fəaliyyətinizdə müvəffəqiyyətlər arzulayıram”. ]]> vasif Thu, 23 Apr 2026 12:56:02 +0400 http://bizimhedef.az/index.php?newsid=55418 http://bizimhedef.az/index.php?newsid=55418 ]]>

Bu gün Azərbaycan Prezidenti İlham Əliyevin Latviya Prezidenti Edqars Rinkeviçs ilə təkbətək görüşü olub.

Bu barədə Prezidentin Mətbuat Xidməti məlumat yayıb.

]]> vasif Wed, 22 Apr 2026 12:08:52 +0400 http://bizimhedef.az/index.php?newsid=55417 http://bizimhedef.az/index.php?newsid=55417 ]]>

Bu gün Latviya Prezidenti Edqars Rinkeviçsin rəsmi qarşılanma mərasimi olub.

“Hər iki ölkənin Dövlət bayraqlarının dalğalandığı meydanda Latviya Prezidentinin şərəfinə fəxri qarovul dəstəsi düzülüb.

Azərbaycan Prezidenti İlham Əliyev Latviya Prezidenti Edqars Rinkeviçsi qarşılayıb.

Fəxri qarovul dəstəsinin rəisi Latviya Prezidentinə raport verib.

Latviya və Azərbaycanın Dövlət himnləri səsləndirilib.

Azərbaycan nümayəndə heyətinin üzvləri Prezident Edqars Rinkeviçsə, Latviya nümayəndə heyətinin üzvləri Prezident İlham Əliyevə təqdim olunub.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Latviya Prezidenti Edqars Rinkeviçsin qarşısından keçib.

Dövlət başçıları rəsmi foto çəkdiriblər.


]]> vasif Wed, 22 Apr 2026 12:02:50 +0400 http://bizimhedef.az/index.php?newsid=55408 http://bizimhedef.az/index.php?newsid=55408 ]]>

Azərbaycanda rəsmi səfərdə olan Latviyanın Prezidenti Edqars Rinkeviçs aprelin 22-də Fəxri xiyabana gələrək Ümummilli Lider, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.

Daha sonra görkəmli oftalmoloq-alim, akademik Zərifə Əliyevanın xatirəsi anılıb, məzarı üzərinə tər güllər düzülüb.

Həmçinin görkəmli dövlət və ictimai xadim Əziz Əliyevin və istedadlı həkim Tamerlan Əliyevin məzarları ziyarət olunub və məzarların önünə gül dəstələri qoyulub. ]]> vasif Wed, 22 Apr 2026 10:33:25 +0400 http://bizimhedef.az/index.php?newsid=55379 http://bizimhedef.az/index.php?newsid=55379 ]]>

İşğal dövründə Basarkeçərdən Kəlbəcərə yol çəkən, Cəbrayıla üçüncü yolun anonsunu verən Ermənistan rəhbərliyi bu gün seçki platformasını açıqlayıb və “hər şey bitdi” deyib! Azərbaycanın işğal olunmuş ərazilərinə kimin yol çəkdirdiyinin bir o qədər də əhəmiyyəti yoxdur, bu qanunsuzluğu Ermənistanın rəhbər şəxsləri həyata keçirirdilər, əsas odur ki, bu gün o ölkənin başında dayananlar tamam fərqli mövqedədirlər.

2018-ci ilin bu günlərini xatırlayaq. Qolu sarıqlı, beli çantalı Nikol Paşinyanın bir dəstə adamla Serj Sərkisyanı hakimiyyətdən düşürməsi çoxlarını heyrətləndirmişdi. Paşinyanın parlamentdə cəmi 59 səslə (42 deputat əleyhinə səs vermişdi), özü də ikinci turda baş nazir seçilməsi şok effekti doğurdu. Seçilən kimi ilk səfərini Azərbaycanın Şuşa şəhərinə edən, yeyib-içib, “yallı gedən”, məsti-xumar olub torpaq üstə sərələnən, sonrakı ildə Qarabağın Ermənistana aid olduğu barədə iddialar səsləndirən bir adam bu gün yaxasında “Real Ermənistan”ın bayrağı seçki təbliğatı aparır və əsas sözü də odur ki, birdən “Qarabağ” deyərsiniz, onda özünüzdən küsün!

Sözsüz ki, bu reallığı yaradan Azərbaycan dövləti, Azərbaycan Prezidenti və qalib ordumuzdur!

Paşinyanın seçki platformasına diqqət edin: “Sizin dəstəyinizlə “Mülki Müqavilə” partiyası ən mühüm missiyasını yerinə yetirdi. Ermənistanla Azərbaycan arasında sülh bərqərar olub, Ermənistan üçün dinc inkişaf dövrünü açıb”.

Azərbaycanla əldə olunan sülh təkcə hakim komanda deyil, bütövlükdə Ermənistan üçün xilas yoludur, Paşinyan bunu çox yaxşı bilir. O, hələ də cəhd göstərir ki, savaş ritorikasında olan yolsuzlar da anlasınlar, yenidən ermənilərin beynini zəhərləməyə çalışmasınlar. Düzdür, müalicə çox ağır və uzunmüddətli prosesdir. Tarix boyunca uşaqlarına düşmən olaraq türkü nişan verən ermənilərin faciəsidir bu...Ona görə də Paşinyan yaxasına taxdığı Ermənistanın “real xəritəsi”ndən uşaqların da yaxasına sancır, onlardan başlamaq istəyir müalicəyə.

“Mülki Müqavilə” partiyasının fövqəladə konfransında çıxış edən Paşinyan Qarabağ hərəkatının Ermənistan üçün “geosiyasi tələ” olduğunu və bu mövzunun artıq arxivə verildiyini deyib. O, açıq mətnlə bildirib ki, sülhə nail olmağın yeganə yolu keçmiş iddialardan tamamilə imtina etməkdir! Sitat: “Daha kimin harada yaşadığını, kimin nəyinin olduğunu eşələməyəcəyik. Biz bu mövzunu bağlayırıq. Yalnız bu yolla sülhə nail ola bilərik. Bizim öz həqiqətimiz var, amma başqalarının da öz həqiqəti var”.

Bəli, Paşinyan bu müddətdə arxivlərə də baş vurmaq imkanı qazanıb. O bilir ki, nəinki Azərbaycana aid tarixi xəritələrdə, hətta Çar Rusiyasına aid sənədlərdə, 1903-cü ilin xəritəsində Qafqazda Ermənistan adlı bir ölkə yoxdur, olanı da 9 min kv.km-lə Azərbaycan ərazisində məhz Sovet Rusiyası yaradıb. Lakin bu günə qədər həmin ölkənin “kadastr sənədi” alınmayıb, hətta Paris Sülh Konfransında belə, Ermənistan qeydiyyatdan keçməyib, Azərbaycan dövlətindən fərqli olaraq.

Paşinyan bilir ki, 2020-ci ilin 44 günlük dərsindən və 2023-cü ilin antiterror zərbəsindən sonra yenidən səhvlərə yol versə, davanı davam etdirmək fikrinə düşsə, Azərbaycan dövləti Parisdəki xəritəni masaya daşıyıb, tarixi haqqına sahiblənə bilər. Ona görə də “ağıllı olaq” mesajını verir ölkədaşlarına. Ən doğrusu da budur.

Qarabağdan könüllü gedən ermənilərin “zorla köçürülmüş” adlandırılmaması, 7 iyun seçkilərinə gəlməklə əslində Azərbaycanla imzalanacaq yekun sülh müqaviləsinə və TRIPP (Zəngəzur dəhlizi) layihəsinə səs verməyə çağırış edilməsi də təqdirolunandır. Bəli, bu, Azərbaycan Prezidentinin yaratdığı reallıqdır. Paşinyan vaxtilə Cəbrayıla yol çəkmək istəyirdi ki, Qarabağa, Şərqi Zəngəzura alternativ marşrutlarla gəlsin. Budur, seçicilərinə xitab edir ki, “səsverməyə gəlin, gedək, Zəngəzur dəhlizini – TRIPP-i çəkək”, deyir! Alqışlansın!

Qafqazda normal atmosferin yaranması üçün öncə ermənilərdən maşa kimi istifadəyə son qoyulması lazımdır. Paşinyan bu yolda haraya qədər məsafə qət edə biləcək, demək çətindir. Çünki vaxtilə etibarı sarsıdan çox ziddiyyətli mövqelər sərgiləyib. Amma görünən budur ki, Moskva danışıqları Paşinyan üçün təminat rolunu oynayıb.

Əks təqdirdə, Paşinyan Rusiya lideri ilə görüşdən qayıtdıqdan sonra yerli məhkəmə əsas rəqib Samvel Karapetyanın ev dustaqlığını daha 3 ay artırmağa cürət etməzdi. Üstəlik, milyarderin tərəfdarları qapazaltı edilib, həbs olunub. Nikol Paşinyanın Rusiya prezidenti ilə iyunun ikinci yarısında görüş razılaşması barədə açıqlaması da çox şeyi deyir. Və...çox rahat şəkildə Azərbaycanla sülhdən danışması, “miatsum bitdi” deməsi. Təsəvvür edin, Paşinyan neçə saatdır seçki platformasını açıqlayıb, amma hələ də onunla rəqabətə girdiyini elan edən, 80-ci illərdən “miatsum” şüarı ilə meydana atılan, cinayətlər törədən, Qarabağ məsələsini həmişə əlində bayrağa çevirib, talançılıqla məşğul olan Köçəryan-Sərkisyan cütlüyündən soraq yoxdur, sanki lal-kar olublar. Bəlkə də ölüblər. Onsuz da Qarabağ azad olunandan ölmüşdülər...musavat.com

Antalya Diplomatiya Forumundakı o kadrı kimsə unutmaz yəqin: Azərbaycan, Türkiyə və Pakistan liderləri bir arada! Bu birlik bizimlə düşmən olmaq istəyənlərə gözdağıdır. Kimsə unutmasın gərək!

]]> vasif Tue, 21 Apr 2026 09:22:15 +0400 http://bizimhedef.az/index.php?newsid=55372 http://bizimhedef.az/index.php?newsid=55372 ]]>

Azərbaycan xarici işlər naziri Ceyhun Bayramov Antalya Diplomatiya Forumu çərçivəsində Ermənistan-Azərbaycan arasında normallaşma prosesindən danışıb. APA-nın Türkiyə bürosuna açıqlamasında XİN başçısı bildirib ki, yaxın aylarda Ermənistan-Azərbaycan normallaşma prosesinə dair labüd məsələlərin həlli yekunlaşa bilər.

Nazirin sözlərinə görə, son dövrlərdə normallaşma prosesi ilə bağlı mühüm hadisələr baş verib:

“Xüsusilə Vaşinqton sammiti diqqət çəkir. Ötən ilin avqust ayında Azərbaycan Prezidenti və Ermənistanın Baş naziri birgə bəyanat imzaladılar. Həmin sənəd ABŞ Prezidenti Donald Trump tərəfindən də şahid qismində təsdiqləndi. Bununla yanaşı, sülh sazişinin paraflanması baş tutdu və Minsk Qrupunun ləğvi ilə bağlı müraciət imzalandı. Ümumilikdə, bu addımlar Ermənistan-Azərbaycan normallaşma prosesinin növbəti mərhələsi üçün yol xəritəsini müəyyənləşdirdi. Bundan sonra Prezident İlham Əliyev Ağ Evdə keçirilən rəsmi mərasimdə bildirdi ki, Azərbaycan üçün sülh artıq reallığa çevrilib. Sonrakı dövrdə atılan addımlar da bu yanaşmanın təsdiqi oldu. Bu sadəcə siyasi bəyanat deyil, Azərbaycanın strateji baxışını əks etdirən mövqedir”.

Nazir vurğulayıb ki, 2025-ci ilin payızından etibarən Azərbaycan bir sıra praktiki addımlar atmağa başladı: “Ermənistanın müraciətləri əsasında üçüncü ölkələrdən yüklərin Azərbaycan ərazisindən tranzitinə icazə verildi. İlk belə müraciətlər Qazaxıstan və Rusiya Federasiyası tərəfindən daxil oldu və müsbət cavablandırıldı. Bununla yanaşı, enerji və digər iqtisadi sahələrdə də əməkdaşlıq elementləri formalaşmağa başladı. Paralel olaraq, vətəndaş cəmiyyəti nümayəndələri arasında görüşlər intensivləşdi. Delimitasiya üzrə hökumətlərarası komissiyanın iclası Azərbaycanın Qazax rayonunda keçirildi. Bundan əlavə, IPU çərçivəsində İstanbulda Azərbaycan və Ermənistan parlament sədrlərinin birbaşa görüşü baş tutdu. Bütün bu proseslər regionda yeni və daha müsbət bir atmosferin formalaşdığını göstərir. Ümumilikdə, normallaşma gündəliyinin müsbət istiqamətdə inkişaf etdiyini demək olar”.

C.Bayramov diqqətə çatdırıb ki, hələ də həllini gözləyən məsələlər mövcuddur: “Biz hesab edirik ki, yaxın aylarda bu məsələlər də yekunlaşa bilər. Biz buna kifayət qədər optimist baxırıq. Hesab edirik ki, Ermənistanda referendum keçirilməsi, yeni konstitusiyanın qəbul edilməsi, sülh sazişi üzrə son imzaların atılması və onun ratifikasiya edilməsi yolunu da aça bilər. Və bununla da daha müsbət addımların şahidi ola bilərik”.

Qeyd edək ki, Ermənistanın ədliyyə naziri və Konstitusiya islahatları üzrə şuranın rəhbəri Srbuhi Qalyan yeni konstitusiyanın mətninin 7 iyun seçkilərindən əvvəl dərc olunacağını bəyan edib.

Milli Məclisin deputatı Rizvan Nəbiyev Musavat.com-a şərhində bildirib ki, Ermənistanda yeni Konstitusiya layihəsinin seçkilərdən əvvəl açıqlana biləcəyi barədə siqnallar, təkcə daxili hüquqi islahat məsələsi deyil. Deputat hesab edir ki, bu, birbaşa regional sülh prosesinin, xüsusilə Azərbaycan-Ermənistan normallaşma gündəliyinin mərkəzi elementlərindən biridir:

“Müzakirələrin əsas düyün nöqtəsi isə Konstitusiyada Ermənistanın 1990-ci il Müstəqillik Bəyannaməsinə istinadla bağlı veriləcək qərardır. Hazırkı Konstitusiyanın preambulasında Müstəqillik Bəyannaməsinə istinad var. Bu istinad isə ölkəmizə, o cümlədən Türkiyəyə qarşı “ərazi iddialarının hüquqi əsasının qalması” kimi şərh olunur. Belə ki, Müstəqillik Bəyannaməsinin bəzi müddəaları Azərbaycan ərazisinin bir hissəsinə, keçmiş “Dağlıq Qarabağ” regionuna 1 dekabr 1989-cu ildə Ermənistan SSR Ali Sovetinin qəbul etdiyi mürtəce “Yenidənbirləşmə haqqında Akt” əsasında ərazi iddialarını özündə ehtiva edir. Bu isə geniş mənada bəzi qüvvələr tərəfindən həm də Ermənistanın hüquqi-siyasi diskursunda “identiklik elementi” kimi də təqdim edilir. Bunlar isə 8 avqust 2025-ci ildə Vaşinqtonda paraflanmış “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında” Sazişlə tam ziddiyyət təşkil edir”.

R.Nəbiyev vurğulayıb ki, Azərbaycan üçün əsas prinsip aydındır və dəyişməz olaraq qalır:

“Prezident İlham Əliyev ölkəmizin prinsipial mövqeyini dəfələrlə bütün beynəlxalq platformalarda tam qətiyyətlə ortaya qoyub. Ermənistan Konstitusiyasında dolayı və ya birbaşa ərazi iddiası qalarsa, bu, imzalanacaq sülh sazişinin ratifikasiyası və ümumilikdə hüquqi sabitliyini sual altına alacaq. Belə ki, Konstitusiya-beynəlxalq müqavilələrdən üstün hüquqi aktdır. Beynəlxalq hüquq və müqavilə təcrübəsi də, elə Ermənistanın hazırkı 1995-ci ildə qəbul olunmuş Konstitusiyası da təsbit edir ki, hər hansı beynəlxalq müqavilə əsas qanuna-Konstitusiyaya zidd olarsa, hüquqi üstünlük Konstitusiyaya verilir. Ona görə də Konstitusiyanın preambulasında sözügedən dəyişiklik edilməzsə, gələcək hökumətlər həmin normaya istinad edərək, sülh sazişinin hüquqi qüvvəsini sual altında qoya bilərlər. Bu isə uzunmüddətli risk yaradır. Bu mənada Konstitusiya dəyişikliyi həm hüquqi, həm də etimad quruculuğu mexanizmi kimi olduqca labüddür. Baş nazir Nikol Paşinyan hökuməti son dövrlərdə daha realist və praqmatik xətt nümayiş etdirir. Real Ermənistan və sülh gündəliyi ilə parlament seçkilərinə gedən Ermənistan baş naziri revanşist, əslində, faşist “Qarabağ hərəkatı”na qarşı sərt siyasi kurs nümayiş etdirir. Lakin daxildə ciddi müqavimət var: revanşist müxalif qüvvələr, bəzi diaspora nümayəndələri bu dəyişikliyi “tarixi imtina”, emosional “milli identiklik məsələsi” kimi təzyiq alətinə çevirməyə çalışırlar. Əslində isə bu, tarixi, siyasi, hüquqi faktların ciddi təhrifi, separatizmin təşviqi və Azərbaycana qarşı ərazi iddiaları deməkdir. Bu iddiaları canlandırmaq cəhdləri həm də Ermənistan daxilində siyasi sabitliyin pozulması cəhdləridir. Nikol Paşinyan və sülh tərəfdarları anlayırlar ki, preambuladan müvafiq ərazi iddiasının çıxarılması Ermənistan üçün sadəcə Konstitusiya islahatı deyil, həm də geosiyasi seçimin təsdiqidir, dayanıqlı sülhün və sabitlik şəraitində dövlətin inkişafı üçün zəmanətdir”.

Deputatın fikrincə, Ermənistan bu istinadı nə qədər tez aradan qaldırarsa, bu, real sülhə doğru atılmış ciddi addım olacaq:

“Hazırkı de-fakto sülhün de-yure təsdiqlənməsi üçün bu zərurətdir. 2025-ci il avqustun 8-də Vaşinqtonda imzalanmış Birgə Bəyannamənin 1-ci bəndində də bu zərurət əksini tapıb: “Bu kontekstdə, biz (yəni, Azərbaycan Prezidenti, Ermənistan Baş naziri və şahid qismində ABŞ Prezidenti) Sazişin imzalanması və yekun olaraq ratifikasiyası üçün əlavə tədbirlərin görülməsinin davam etdirilməsinə ehtiyac olduğunu qəbul etdik və ölkələrimiz arasında sülhün təmin edilməsi və gücləndirilməsinin vacibliyini vurğuladıq”. “Sazişin imzalanması və ratifikasiyası üçün əlavə tədbirlərin görülməsinin zəruriliyinin” vurğulanması məhz Konstitusiyada müvafiq dəyişikliyi də ehtiva edir. Əks halda, sülh prosesi formal çərçivədə qalsa da, onun davamlılığı daim hüquqi qeyri-müəyyənlik altında olacaq”. ]]> vasif Mon, 20 Apr 2026 13:17:50 +0400 http://bizimhedef.az/index.php?newsid=55362 http://bizimhedef.az/index.php?newsid=55362 ]]>

Xarici işlər naziri Ceyhun Bayramov Birləşmiş Millətlər Təşkilatının Asiya və Sakit Okean üzrə İqtisadi və Sosial Komissiyasının 82-ci sessiyasında iştirak edib və iclasa sədrlik edib.

Bu barədə Xarici İşlər Nazirliyinin (XİN) "X" sosial media hesabında qeyd olunub.

Bildirilib ki, sessiya Banqkok şəhərində "Heç kəs kənarda qalmasın: Asiya və Sakit Okean regionunda bütün yaş qrupları üçün cəmiyyətin inkişafı" mövzusunda keçirilib.

Sessiyanın açılışında XİN rəhbəri tərəfindən Prezident İlham Əliyevin müraciəti səsləndirilib.

Sessiya çərçivəsində Azərbaycan ortaq çağırışların həlli və inkişafın cəmiyyətin bütün təbəqələrinə çatdırılması üçün regional əməkdaşlığın gücləndirilməsinin vacibliyini vurğulayıb.

Nazir Azərbaycanın əsas siyasi mesajlarını diqqətə çatdıraraq inklüziv inkişaf, rəqəmsal transformasiya, yaşıl enerji keçidi, regional bağlantı, sülh quruculuğu və Cənub-Cənub əməkdaşlığı kimi istiqamətləri önə çəkib.

Azərbaycanın "Heç kəs kənarda qalmasın" gündəliyi çərçivəsində insan mərkəzli, dayanıqlı və qarşılıqlı əlaqəli regional gələcək vizyonu təqdim olunub.

Sessiya zamanı "Azərbaycan 2030" sosial-iqtisadi inkişaf üzrə milli prioritetləri, o cümlədən inklüziv iqtisadi artım, təhsil və səhiyyəyə bərabər çıxış, rəqəmsal ictimai xidmətlərin genişləndirilməsi və nəsillər arasında bərabər imkanların təmin edilməsi xatırladılıb.

Bundan əlavə, Avrasiya bağlantısında Orta Dəhlizin strateji əhəmiyyəti vurğulanıb.

Sessiyanın əsas nəticələrindən biri kimi Asiya və Sakit Okean regionunda bütün yaş qrupları üçün sosial inkişafın təşviqinə dair Bakı–Banqkok Bəyannaməsi qəbul olunub. Bu sənəd inklüzivlik və dayanıqlı inkişaf üzrə ortaq öhdəliyi əks etdirir və ESCAP-ın inklüziv inkişaf gündəliyi ilə uyğunluq təşkil edir.

Sessiya üzv dövlətlərin yüksək səviyyəli nümayəndələrini, beynəlxalq təşkilatları və BMT tərəfdaşlarını bir araya gətirərək inklüziv artım, sosial bərabərlik və dayanıqlı inkişaf üzrə dialoqu təşviq edib.

Azərbaycan çoxtərəfli diplomatiyada fəal rol oynamaqda davam edir və Asiya-Sakit Okean regionu ilə əməkdaşlığını ümumi inkişaf məqsədləri naminə dərinləşdirməyə sadiqdir.

Qeyd edilib ki, həmrəylik, innovasiya və ortaq məsuliyyət prinsiplərini rəhbər tutan Azərbaycan insan mərkəzli inkişaf modelini təşviq edir, regional bağlantını gücləndirir, rəqəmsal və yaşıl keçidi sürətləndirir, sülh və əməkdaşlığı möhkəmləndirir. ]]> vasif Mon, 20 Apr 2026 10:25:03 +0400 http://bizimhedef.az/index.php?newsid=55356 http://bizimhedef.az/index.php?newsid=55356 ]]>

Azərbaycan inkluziv və dayanıqlı inkişafı davam etdirir.

Bu fikirlər Azərbaycan Prezidenti İlham Əliyevin BMT-nin Asiya və Sakit Okean üzrə İqtisadi və Sosial Komissiyasının səksən ikinci sessiyasının iştirakçılarına müraciətində yer alıb.

Dövlət başçısı qeyd edib ki, son iki onillik ərzində, iqtisadiyyatımız təxminən dörd dəfə artıb, yoxsulluq və işsizlik isə təqribən 5 % səviyyəsinə düşüb:

"Sosial müdafiə və infrastruktur sahəsində böyük sərmayələr, hazırda, sayı 10 milyonu keçmiş əhalimizin rifahını yaxşılaşdırıb. Azərbaycan, BMT-nin 2030-cu il Gündəliyini milli inkişaf strategiyalarına daxil edərək, yoxsulluğun azaldılması, təhsil və səhiyyə sahələrində nailiyyətlər qazanaraq, heç kəsi diqqətdən kənarda qoymamaq prinsipinə qəti şəkildə sadiq çıxdığımızı əks etdirən könüllü milli hesabatlarını dövri olaraq təqdim edərək, Dayanıqlı İnkişaf Məqsədlərinin icrasında böyük tərəqqi əldə edib".

Prezident əlavə edib ki, Azərbaycan əsas daşımalar qovşağı kimi öz rolunu gücləndirir:

"Cari geosiyasi mühitdə, Orta Dəhlizin əhəmiyyəti artır. Zəngəzur Dəhlizi Asiyanı Avropa ilə birləşdirərək, Asiya və Sakit Okean üzrə İqtisadi və Sosial Komissiyanın prioritetləri ilə tam uyğun şəkildə daha geniş nəqliyyat, enerji və rəqəmsal şəbəkələrə töhfə verərək, regional bağlantıları daha da artıracaq. Azərbaycan sabit və şaxələndirilmiş enerji təchizatına töhfə verərək, müxtəlif bölgələrdə enerji təhlükəsizliyinin təminatçısı kimi öz etibarlı rolunu oynamaqda davam edir".

"Münaqişənin başa çatması Azərbaycanın beynəlxalq səylərinin genişləndirilməsi üçün də yeni imkanları yaratmışdır. Azərbaycanın Türk Dövlətləri Təşkilatında və Asiyada Qarşılıqlı Fəaliyyət və Etimad Tədbirləri üzrə Müşavirədə sədrliyi, onun D8 - İqtisadi Əməkdaşlıq üzrə Təşkilata, Mərkəzi Asiyada dövlət başçılarının məşvərətçi görüşlərinə qəbul olunması və COP29 tədbirinə uğurla ev sahibliyi, beynəlxalq ictimaiyyətin Azərbaycanın xarici siyasətinə artan etimadının təzahürüdür", - deyə Prezident İlham Əliyev vurğulayıb. ]]> vasif Mon, 20 Apr 2026 09:27:13 +0400 http://bizimhedef.az/index.php?newsid=55355 http://bizimhedef.az/index.php?newsid=55355 ]]>

Azərbaycanın xarici işlər naziri Ceyhun Bayramov BMT-nin Asiya və Sakit Okean üzrə İqtisadi və Sosial Komissiyasının (UNESCAP) 82-ci sessiyası çərçivəsində Tailandın Baş naziri Anutin Çarnvirakul ilə görüşüb.

"Bu barədə Azərbaycanın Xarici İşlər Nazirliyi "X"də məlumat yayıb.

Tərəflər Azərbaycanın UNESCAP sədri kimi prioritetlərini, Azərbaycan və Tailand arasında ikitərəfli münasibətlərin perspektivlərini, regional məsələləri müzakirə ediblər.

"Birləşmiş Millətlər Təşkilatının Asiya və Sakit Okean üzrə İqtisadi və Sosial Komissiyasının 82-ci sessiyası çərçivəsində (UNESCAP) cənab Anutin Çarnvirakul ilə görüşməkdən şərəf duyuram.

Tərəfdaşlığımızı daha da inkişaf etdirməyi səbirsizliklə gözləyirəm", - C.Bayramov "X"dəki hesabında yazıb.

Qeyd edək ki, C.Bayramov Tailand Krallığının paytaxtı Banqkok şəhərində işgüzar səfərdədir. XİN başçısının 20 apreldə Azərbaycanın sədrliyi ilə keçiriləcək BMT-nin Asiya və Sakit okean üzrə İqtisadi və Sosial Komissiyasının 82-ci sessiyasında iştirakı və çıxışı, habelə yüksək səviyyəli rəsmi şəxslərlə görüşlərinin keçirilməsi nəzərdə tutulub. ]]> vasif Mon, 20 Apr 2026 09:17:55 +0400 http://bizimhedef.az/index.php?newsid=55354 http://bizimhedef.az/index.php?newsid=55354 ]]>

Azərbaycan Respublikasının Prezidenti İlham Əliyev BMT-nin Asiya və Sakit Okean üzrə İqtisadi və Sosial Komissiyasının səksən ikinci sessiyasının iştirakçılarına müraciət edib.

"Müraciətdə deyilir

Xanımlar və cənablar,

Azərbaycanın sədrliyi ilə keçirilən BMT-nin Asiya və Sakit Okean üzrə İqtisadi və Sosial Komissiyasının (BMT ASİSK) səksən ikinci sessiyasında çıxış etmək üçün mənə göndərdiyi səmimi dəvətə görə Baş katibin müavininə dərin təşəkkürümü bildirmək istəyirəm.

BMT-nin Asiya və Sakit Okean üzrə İqtisadi və Sosial Komissiyası, dayanıqlı inkişafın irəliləməsi, eləcə də regional bağlantıların, ticarətin və iqtisadi əməkdaşlığın asanlaşdırılmasında olduqca mühüm rol oynayan, BMT-nin ən geniş və təsirli regional platformalarından biri olaraq qalır. Biz, xüsusən də, multilateralizmin gücləndirilməsinə ehtiyac duyulduğu vaxtda, bu mühüm işə töhfə verməkdən məmnunuq.

Görüşümüz artan qlobal qeyri-müəyyənlik dövründə baş tutur. Yüksələn geosiyasi gərginlik və genişlənən münaqişələr, beynəlxalq sülh və təhlükəsizliyin həssaslığını, o cümlədən onilliklər ərzində əldə olunmuş inkişaf nailiyyətlərinin kövrəkliyini üzə çıxarır. Bu xüsusda, Azərbaycan, dövlətlərin suverenliyi və ərazi bütövlüyü prinsiplərinə özünün sarsılmaz sadiqliyini bir daha vurğulayır.

2021-ci ildə bu mötəbər qurumda ilk dəfə çıxış etdikdən sonra, Cənubi Qafqazda dərin transformasiya baş vermişdir. Azərbaycan özünün suverenliyini və ərazi bütövlüyünü tam şəkildə bərpa etmiş, Ermənistanla sülh gündəliyinə başlamışdır. Ötən ilin avqustunda Amerika Birləşmiş Ştatlarının Prezidenti Donald Trampın ev sahibliyi ilə keçirilmiş Vaşinqton Zirvə görüşündə Azərbaycan ilə Ermənistan arasında normallaşmada tarixi irəliləyiş əldə olunmuşdur.

Bu gün, biz sülhün bəhrəsinin şahidiyik. Azərbaycan ilə Ermənistan arasında ticarət münasibətləri başlamışdır və hazırda, Azərbaycan Ermənistan üçün tranzit çıxışına şərait yaradır. Vətəndaş cəmiyyəti nümayəndələrinin qarşılıqlı səfərləri etimadın qurulmasına töhfə verir.

Eyni zamanda, Azərbaycan işğal zamanı tam dağıdılmış və azad edilmiş ərazilərdə unikal və genişmiqyaslı yenidənqurma layihələrini həyata keçirir. Böyük Qayıdış Proqramı uğurla icra olunur. 80000-dən artıq insan, öz həyatını yenidən qurmaq, doğma yurdlarına qovuşmaq, təhsil almaq və işləmək məqsədilə Qarabağ və Şərqi Zəngəzur bölgələrinə qayıtmışlar. Bununla belə, minalar humanitar və inkişaf sahələrində ciddi təhdid olaraq qalır. Asiya və Sakit okean üzrə Komissiyanın əhatə dairəsində olan bir sıra ölkələrdə də mövcud olan mina problemi bu sahədə geniş beynəlxalq əməkdaşlığı zəruri edir. 2020-ci ildə münaqişə başa çatdıqdan sonra, 400-dən artıq azərbaycanlı mülki şəxs mina partlayışları nəticəsində həyatını itirmiş və ya yaralanmışlar.

Xanımlar və cənablar,

Azərbaycan inkluziv və dayanıqlı inkişafı davam etdirir. Son iki onillik ərzində, iqtisadiyyatımız təxminən dörd dəfə artmış, yoxsulluq və işsizlik isə, təqribən 5 faiz səviyyəsinə düşmüşdür. Sosial müdafiə və infrastruktur sahəsində böyük sərmayələr, hazırda, sayı 10 milyonu keçmiş əhalimizin rifahını yaxşılaşdırmışdır.

Azərbaycan, BMT-nin 2030-cu il Gündəliyini milli inkişaf strategiyalarına daxil edərək, yoxsulluğun azaldılması, təhsil və səhiyyə sahələrində nailiyyətlər qazanaraq, heç kəsi diqqətdən kənarda qoymamaq prinsipinə qəti şəkildə sadiq çıxdığımızı əks etdirən könüllü milli hesabatlarını dövri olaraq təqdim edərək, Dayanıqlı İnkişaf Məqsədlərinin icrasında böyük tərəqqi əldə etmişdir.

Bundan əlavə, Azərbaycan əsas daşımalar qovşağı kimi öz rolunu gücləndirir. Cari geosiyasi mühitdə, Orta Dəhlizin əhəmiyyəti artır. Zəngəzur Dəhlizi Asiyanı Avropa ilə birləşdirərək, Asiya və Sakit Okean üzrə İqtisadi və Sosial Komissiyanın prioritetləri ilə tam uyğun şəkildə daha geniş nəqliyyat, enerji və rəqəmsal şəbəkələrə töhfə verərək, regional bağlantıları daha da artıracaq.

Azərbaycan sabit və şaxələndirilmiş enerji təchizatına töhfə verərək, müxtəlif bölgələrdə enerji təhlükəsizliyinin təminatçısı kimi öz etibarlı rolunu oynamaqda davam edir.

Münaqişənin başa çatması Azərbaycanın beynəlxalq səylərinin genişləndirilməsi üçün də yeni imkanları yaratmışdır. Azərbaycanın Türk Dövlətləri Təşkilatında və Asiyada Qarşılıqlı Fəaliyyət və Etimad Tədbirləri üzrə Müşavirədə sədrliyi, onun D8 - İqtisadi Əməkdaşlıq üzrə Təşkilata, Mərkəzi Asiyada dövlət başçılarının məşvərətçi görüşlərinə qəbul olunması və COP29 tədbirinə uğurla ev sahibliyi, beynəlxalq ictimaiyyətin Azərbaycanın xarici siyasətinə artan etimadının təzahürüdür.

Sonda, məmnunluqla qeyd etmək istərdim ki, Azərbaycan gələn ay Ümumdünya Şəhərsalma Forumunun 13-cü sessiyasına ev sahibliyi edəcək. Genişmiqyaslı yenidənqurma və dayanıqlı şəhərsalma işlərində iştirak edən ölkə kimi, biz sessiyada öz təcrübəmizi bölüşməyi və ən yaxşı qlobal təcrübələrlə tanış olmağı arzulayırıq. Mən hamınızı Ümumdünya Şəhərsalma Forumunun 13-cü sessiyasında iştirak etməyə dəvət edirəm.

Bu iclasın işinə uğurlar arzu edirəm. Sağ olun. ]]> vasif Mon, 20 Apr 2026 09:14:55 +0400