http://bizimhedef.az/ ru sosial - Bizimhedef.az DataLife Engine http://bizimhedef.az/index.php?newsid=56305 http://bizimhedef.az/index.php?newsid=56305 ]]>

“İşğaldan azad olunmuş ərazilərin yenidən qurulması və bərpası üçün 2025-ci ilin dövlət büdcəsinin xərclərinin müvafiq istiqamətləri üzrə 4,5 milyard manat vəsait ayrılıb”.

Bunu maliyyə naziri Sahil Babayev Milli Məclisin bu gün keçirilən plenar iclasında “2025-ci il dövlət büdcəsinin icrası haqqında” qanun layihəsinin müzakirəsi zamanı deyib.

Nazir bildirib ki, ayrılan vəsaitin 4 mlrd. manatı infrastruktur təyinatlı layihələrin, 440 mln. manatı sosial təyinatlı layihələrin, 10 mln. manatı müdafiə və hüquq mühafizə təyinatlı layihələrin maliyyələşməsinə, 75 mln. manatı isə ərazilərin minalardan təmizlənməsinə yönəldilib. ]]> vasya Fri, 12 Jun 2026 13:05:05 +0400 http://bizimhedef.az/index.php?newsid=56301 http://bizimhedef.az/index.php?newsid=56301 ]]>

Mayın 1-i vəziyyətinə ölkədə muzdla çalışan işçilərin sayı 1792,3 min nəfər olub, onlardan 862,8 min nəfəri dövlət sektorunda, 929,5 min nəfəri isə qeyri-dövlət sektorunda fəaliyyət göstərib.

“Qafqazinfo” xəbər verir ki, bu barədə Dövlət Statistika Komitəsi (DSK) məlumat yayıb.

Bildirilib ki, muzdla çalışan işçilərin 18,6 faizi ticarət; nəqliyyat vasitələrinin təmiri, 18,1 faizi təhsil, 13,8 faizi sənaye, 8,7 faizi əhaliyə səhiyyə və sosial xidmətlərin göstərilməsi, 6,6 faizi tikinti, 6,1 faizi dövlət idarəetməsi və müdafiə; sosial təminat, 4,4 faizi nəqliyyat və anbar təsərrüfatı, 4,0 faizi peşə, elmi və texniki fəaliyyət, 2,4 faizi maliyyə və sığorta fəaliyyəti, 2,3 faizi kənd təsərrüfatı, meşə təsərrüfatı və balıqçılıq, 15,0 faizi isə iqtisadiyyatın digər sahələrində məşğul olublar.

2026-cı ilin yanvar-aprel aylarında ölkədə muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 6,5 faiz artaraq 1172,1 manat təşkil edib. ]]> vasya Fri, 12 Jun 2026 11:59:49 +0400 http://bizimhedef.az/index.php?newsid=56298 http://bizimhedef.az/index.php?newsid=56298 ]]>

DİN-in Baş Dövlət Yol Polisi İdarəsi (BDYPİ) “Son zəng” günü ilə əlaqədar məzunlara və valideynlərə müraciət edib.

“Müraciətdə deyilir:

“Təəssüf hissi ilə qeyd etməliyik ki, ötən illərin təhlili göstərir ki, bəzi hallarda məzunlar və yeniyetmələr “Son zəng” günü valideynlərinə, qohumlarına və ya digər şəxslərə məxsus nəqliyyat vasitələrini idarə etməyə cəhd göstərir, yaxud onlara bu cür imkan yaradılır. Belə məsuliyyətsiz davranışlar isə əksər hallarda ağır yol-nəqliyyat hadisələri, insan itkisi, yaxud digər faciələrlə nəticələnir.

Xatırladırıq ki, sürücülük hüququ olmadan nəqliyyat vasitəsini idarə etmək, habelə avtomobilin sürücülük hüququ olmayan şəxslərə etibar edilməsi yolverilməzdir. Belə hallar təkcə qanunvericiliyin tələblərinin pozulması deyil, həm də insanların həyat və sağlamlığını ciddi təhlükə altına qoyan hərəkətlərdir.

Eyni zamanda bildiririk ki, skuterlərin idarə edilməsi üçün qanunvericiliklə müəyyən edilmiş yaş həddi, moped və motosikletlərin idarə edilməsi üçün isə müvafiq sürücülük hüququ tələb olunur. Bu nəqliyyat vasitələrinin qanunvericiliyin tələblərinə zidd şəkildə idarə edilməsi, eləcə də onlardan təhlükəli və nümayiş xarakterli hərəkətlər üçün istifadə olunması ağır yol-nəqliyyat hadisələrinin baş verməsinə səbəb ola bilər.

Valideynlərə müraciət edərək onları övladları üzərində nəzarəti daha da gücləndirməyə, həyat və sağlamlığı təhlükə altına qoya biləcək davranışların qarşısını vaxtında almağa çağırırıq. Unutmaq olmaz ki, diqqətsizlik və ya səhlənkarlıq nəticəsində baş verən hadisələr sonradan ağır peşmançılıq doğuran, bəzən isə geri dönüşü olmayan nəticələrə səbəb olur.

Eyni zamanda, avtomobil icarəsi fəaliyyəti ilə məşğul olan fiziki və hüquqi şəxsləri qanunvericiliyin tələblərinə ciddi əməl etməyə, nəqliyyat vasitələrini sürücülük hüququ olmayan şəxslərə təqdim etməməyə çağırırıq.

Baş Dövlət Yol Polisi İdarəsi bildirir ki, “Son zəng” tədbirləri ilə əlaqədar ümumtəhsil müəssisələrinin yerləşdiyi ərazilərdə, məzunların daha çox toplaşdığı məkanlarda və hərəkətin intensiv olduğu istiqamətlərdə yol hərəkətinin təhlükəsizliyinin təmin olunması məqsədilə xidmət gücləndirilmiş rejimdə təşkil ediləcək, zəruri nəzarət-profilaktik tədbirlər həyata keçiriləcəkdir.

Yol hərəkəti iştirakçılarından xahiş edirik ki, polis əməkdaşlarının qanuni tələblərinə əməl etsin, hərəkətin təşkilinə mane ola biləcək davranışlardan çəkinsin və ümumi təhlükəsizlik tədbirlərinə anlayışla yanaşsınlar.

“Son zəng” həyatınızın ən yaddaqalan günlərindən biridir. Bu günün sevincinin kədərə çevrilməməsi ilk növbədə sizin məsuliyyətli davranışınızdan asılıdır. Həyatınızın yeni mərhələsinə təhlükəsiz addım atın, özünüzün və başqalarının həyatını riskə atacaq davranışlardan uzaq olun”. ]]> vasya Fri, 12 Jun 2026 10:46:30 +0400 http://bizimhedef.az/index.php?newsid=56296 http://bizimhedef.az/index.php?newsid=56296 ]]>

Dövlət İmtahan Mərkəzi tərəfindən 14 iyun 2026-cı il tarixində ali təhsil müəssisələrinin magistraturalarına qəbul imtahanı keçiriləcək.

“Qafqazinfo” xəbər verir ki, imtahan respublikanın 3 şəhər və rayonunda – Bakı, Sumqayıt, və Abşeronda, ümumilikdə 63 binada təşkil olunacaq.

İmtahan bütün binalarda eyni vaxtda – saat 10:00-da başlanır. İmtahanın başlanmasına 15 dəqiqə qalmış saat 09:45-də buraxılış rejimi başa çatır. Bundan sonra gələn iştirakçılar imtahan binasına buraxılmırlar.

Bildiyiniz kimi, imtahanda bakalavrların xarici dil üzrə dinləyib-anlama bacarıqları da yoxlanılır. İmtahan dinləmə mətninin səsləndirilməsi ilə başlanacaq. Mətnin səsləndirilməsinə hazırlıq və binada sakitliyin təmin olunması ilə əlaqədar imtahanın başlanmasına 15 dəqiqə qalmış hər kəs zalda olmalıdır.

İmtahanın müddəti 3 saat 30 dəqiqədir. İmtahanın başlandığı andan 3 saat sonra test tapşırıqlarının cavablandırılması üçün ayrılan vaxt başa çatır və cavab kartları zal nәzarәtçisi tәrәfindәn yığılır. Bundan sonra iştirakçılara yazı işi (esse) vәrәqlәri paylanılır. Esselərin yazılmasına 30 dəqiqə vaxt verilir.

İmtahan nəticələri 2 mərhələdə elan olunacaq. İmtahandan sonrakı 2-3 gün ərzində qapalı və cavabları kodlaşdırılan açıq tipli tapşırıqların nəticələri elan olunacaq. Yekun imtahan balı isə esse tapşırıqları yoxlanıldıqdan sonra təqdim olunacaq.

İmtahan iştirakçıları “Yaddaş kitabçası” ilə buradan tanış ola bilərlər.

İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur.

Məlumat üçün qeyd edək ki, ərizələrin qəbulu internet vasitəsilə 21 – 23 may tarixlərində aparılıb. İmtahanda iştirak etmək üçün 15719 bakalavr ərizə təqdim edib. Onlardan 14612 nəfər Azərbaycan bölməsi, 1107 nəfəri rus bölməsi üzrə imtahan verəcək. Bakalavrlardan 10632 ücari ilin, 5087 isə əvvəlki illərin məzunlarıdır, 35 nəfər xarici ölkə vətəndaşıdır.

İmtahanın idarə olunmasına 63 ümumi rəhbər, 175 imtahan rəhbəri, 1442 nəzarətçi, 202 buraxılış rejimi əməkdaşı (mühafizə) cəlb olunacaq. İmtahanda 19 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) bakalavr da iştirak edəcək. Onların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli bakalavrların bina və zala daxil olması və hərəkəti üçün də şərait yaradılıb. Bundan əlavə, sağlamlıq imkanları məhdud iştirakçılar üçün ayrılan nəzarətçilərlə xüsusi təlim keçirilib.

İmtahanda iştirak etmək üçün qeydiyyatdan keçmiş bakalavrlar iyunun 3 dən etibarən DİM-in internet saytına daxil olub “Şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur. İştirakçılar həmçinin my.gov.az portalı və ya "mygov" mobil tətbiqi vasitəsilə də buraxılış vərəqələrini çap edə bilərlər.

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:

- Şəxsiyyəti təsdiqləyən sənədin əslini;

- “İmtahana buraxılış vərəqəsi”ni.

Göstərilən sənədləri arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaq.
Hazırda imtahanlarda iştirak edəcək nəzarətçilər, imtahan rəhbərləri və mühafizə əməkdaşları ilə təlim-seminarlar keçirilir. Bütün imtahan binaları yoxlanılır, zallarda bakalavrların rahat imtahan verməsi üçün zəruri şərait yaradılır. Təhlükəsizliyin təmin edilməsi məqsədilə iyunun 13-də imtahan mərkəzləri, zallar, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək. ]]> vasya Fri, 12 Jun 2026 10:00:21 +0400 http://bizimhedef.az/index.php?newsid=56292 http://bizimhedef.az/index.php?newsid=56292 ]]>

Azərbaycan Prezidentinin 2026-cı il 25 may tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nın müzakirəsi məqsədilə silsilə regional müşavirələr keçirilir.

Müşavirələr Mərkəzi Aran, Dağlıq Şirvan, Gəncə-Daşkəsən, eləcə də Qarabağ və Şərqi Zəngəzur iqtisadi rayonlarını əhatə edir. Azərbaycan Respublikası Prezidentinin tapşırığı ilə keçirilən müşavirələrdə Prezidentin köməkçiləri, aidiyyəti dövlət qurumlarının rəhbərləri, səlahiyyətli nümayəndələr, yerli icra hakimiyyəti orqanlarının rəhbərləri, fermerlər, sahibkarlar və digər maraqlı tərəflər iştirak edəcəklər.

Regional müşavirələr çərçivəsində Dövlət Proqramının əsas məqsəd və prioritetləri, aqrar sahədə nəzərdə tutulan yeni dəstək mexanizmləri, su və torpaq ehtiyatlarından səmərəli istifadə, aqrar emal və logistika infrastrukturunun inkişafı, eləcə də fermerlərin müasir aqrar xidmətlərə çıxışının genişləndirilməsi, bu istiqamətdə dövlət dəstəyi və digər məsələlər müzakirə olunacaq.

Qeyd olunub ki, bu görüşlər Prezident İlham Əliyevin sədrliyi ilə 2026-cı il 25 may tarixində kənd təsərrüfatı məsələlərinə həsr olunmuş müşavirədə verilmiş tapşırıqların icrası və Dövlət Proqramında nəzərdə tutulan tədbirlərin regionlarda əlaqələndirilmiş, çevik və səmərəli həyata keçirilməsinin təmin olunması məqsədilə sistemli şəkildə təşkil edilir.

Dövlət Proqramının icrası ilə bağlı regional müşavirələrin ölkənin digər iqtisadi rayonlarında da mərhələli şəkildə keçirilməsi nəzərdə tutulur. ]]> vasya Fri, 12 Jun 2026 09:38:54 +0400 http://bizimhedef.az/index.php?newsid=56286 http://bizimhedef.az/index.php?newsid=56286 ]]>

Azərbaycan ilə İran Araz çayının su ehtiyatlarının iki ölkə arasında bölüşdürülməsi ilə bağlı iş rejimlərini hazırlayaraq təsdiq ediblər.

Bu barədə Dövlət Su Ehtiyatları Agentliyi (ADSEA) məlumat yayıb.

Bildirilib ki, bu barədə razılıq iyunun 8-11-də Araz çayının su və energetika ehtiyatlarından istifadə üzrə Azərbaycan ilə İran arasında daimi fəaliyyət göstərən Birgə Komissiyanın 55-ci iclasında əldə olunub.

İranda keçirilən iclas Birgə Komissiyanın Azərbaycan tərəfdən həmsədri, ADSEA tabeliyində olan Regional Su Meliorasiya Xidmətinin İdarə Heyətinin sədri Zakir Quliyev və İran tərəfdən həmsədri, bu ölkənin Energetika Nazirliyinin Sərhəd Çayları üzrə Baş İdarəsinin rəisi Fəriba Avəridənin rəhbərliyi ilə baş tutub.

Tədbirdə Regional Su Meliorasiya Xidmətinin, ADSEA yanında Suların İstifadəsinə və Mühafizəsinə Dövlət Nəzarəti Xidmətinin, Azərbaycan Ekologiya və Təbii Sərvətlər Nazirliyinin və "Azərenerji" ASC-nin nümayəndələri iştirak ediblər.

Bununla yanaşı, çaydan götürülən suyun monitorinqinin aparılması, suyun keyfiyyətinə nəzarət, çayda müasir tipli yeni suölçmə qurğularının quraşdırılması və digər qarşılıqlı əməkdaşlıq məsələləri müzakirə edilib.

Müzakirələrin yekunu olaraq tərəflər arasında görüləcək işləri əhatə edən yekun protokol imzalanıb. ]]> vasya Thu, 11 Jun 2026 14:03:53 +0400 http://bizimhedef.az/index.php?newsid=56284 http://bizimhedef.az/index.php?newsid=56284 ]]>

Sabah Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu (DSMF) Bakı və Sumqayıt şəhərləri, eləcə də Abşeron rayonu üzrə bu ayın pensiyalarının ödənilməsini planlaşdırır.

Bu barədə Fonda xəbər verir.

Məlumata görə, güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək. ]]> vasya Thu, 11 Jun 2026 13:11:03 +0400 http://bizimhedef.az/index.php?newsid=56270 http://bizimhedef.az/index.php?newsid=56270 ]]>

Bakı Şəhər İcra Hakimiyyəti başçısının tabeliyindəki “Bakımənzilkommunlayihə” ləğv edildi, “Yaşıl teatr” Mədəniyyət Nazirliyinə verildi, “Zoopark” isə...

Bakı Şəhər İcra Hakimiyyəti başçısının tabeliyində "Diplomatik korpusa və xarici nümayəndəliklərə xidmət göstərən müdiriyyət "İnterservis" Bakı Şəhər İcra Hakimiyyətinin fəaliyyət istiqamətləri nəzərə alınmaqla yenidən təşkil olunacaq. Musavat.com xəbər verir ki, Prezident İlham Əliyev bununla bağlı iyunun 10-da fərman imzalayıb.
Bundan başqa, Bakı Şəhər İcra Hakimiyyəti başçısının tabeliyində "Bakımənzilkommunlayihə"nin ləğv edilməsi ilə bağlı da qərar verilib.

“Bakımənzilkommunlayihə”paytaxtın Bakı şəhərində mənzil-kommunal sahəsinin idarə olunmasında mühüm rol oynayan əsas qurumlardan biridir. Bu təşkilat yaşayış binalarının saxlanılması, təmiri, abadlaşdırılması və kommunal xidmətlərin təşkili istiqamətində geniş fəaliyyət səlahiyyəti var. Qurumun əsas vəzifələrinə çoxmənzilli yaşayış binalarının texniki vəziyyətinə nəzarət, lift təsərrüfatının istismarı, həyətlərin abadlaşdırılması, yaşıllıqların qorunması və tullantıların idarə olunması daxildir. Köhnə yaşayış binalarının fasadlarının yenilənməsi, həyətlərin müasir standartlara uyğun abadlaşdırılması da daxildir. Bundan başqa, Bakı Şəhər İcra Hakimiyyəti başçısının tabeliyində olan “Yaşıl Teatr” konsert kompleksi, Bakı Şəhər Bələdiyyə Teatrı bütün əmlakı ilə birlikdə Mədəniyyət Nazirliyinin tabeliyinə verilib.
Bakı Şəhər Heyvanat Parkı(Zoopark) ilə "Sahibsiz Heyvanlara Qayğı Mərkəzi" birləşdirilib və yenidən təşkil ediləcək.

Fərmana əsasən, Bakı Şəhər İcra Hakimiyyətinin əsas qurumlarından olan və «Bakı Şəhər Əsaslı Tikinti və Təmir» MMC-də də islahatlar aparılacaq, onun strukturu və əməkhaqqı sisteminin təkmilləşdiriləcək.

Fərmanda tapşırılıb ki, yeniliklər nəticəsində ixtisar olunacaq əməkdaşlara münasibətdə Əmək Məcəlləsinə, “Dövlət qulluğu haqqında” qanuna və “Dövlət orqanları ləğv edilərsə və ya ştatlar ixtisara düşərsə, vəzifə maaşına və ixtisasa uyğun işə düzəlməkdə və ya dövlət orqanlarında tutduğu vəzifəyə uyğun vəzifə tutmaqda dövlət qulluqçusunun üstünlüyünün həyata keçirilməsi Qaydası”na uyğun olaraq tədbirlər görsün.
Bakı Şəhər icra hakimiyyətindəki islahatlar, yeni qurumların yaradılması, ixtisar və təkmilləşdirmələr Maliyyə Nazirliyinin ciddi maliyyə nəzarəti altında aparılacaq.
Fərmanda Maliyyə Nazirliyinə tapşırılıb ki, yaradılması nəzərdə tutulan yeni qurumların strukturunun, ştat vahidlərinin və əməkhaqqı sistemlərinin maliyyə ekspertizasını həyata keçirsin və onların optimallaşdırılması üçün tədbirlər görsün.

Yada salaq ki, hazırda Bakı Şəhər İcra Hakimiyyətinin başçısı Eldar Əzizovdur. O, 2000-2003-cü illərdə Nizami Rayon İcra Hakimiyyətinin başçısı olduqdan sonra səkkiz il də ölkənin ikinci ən böyük şəhəri Gəncəyə rəhbərlik edib. 2011–2015-ci illərdə nə təsadüfsə, bu dəfə də üçüncü böyük şəhərə- Sumqayıta rəhbərlik də ona tapşırılıb. Sonra isə üç il də Səbayeldə rəhbər olub. Rəsmi sərəncamı 2018-in noyabrında verilsə də, həmin ilin yayından Bakıya rəhbərlik etməkdədir... O da həqiqətdir ki, bu illər ərzində E.Əzizovun adı ciddi korrupsiya və rüşvət olaylarında hallanmayıb.

Bəzi iddialara görə, 70 yaşını haqlayan Əzizovun hakimiyyətlə vidalaşmaq vədəsi yetişir. Mediada da belə iddia vardı ki, guya Nəsiminin yeni icra başçısı, YAP-ın Aparat rəhbəri Tahir Budaqov onun yerinə gələcək və s. Məlumatlara inansaq, Əzizovu əslində, hələ Sumqayıtdan sonra icra strukturlarından uzaqlaşdırmaq istəyiblər, amma görünür, özü getmək istəməyib, bir az da işləmək möhləti alıb... ]]> vasya Thu, 11 Jun 2026 10:20:07 +0400 http://bizimhedef.az/index.php?newsid=56255 http://bizimhedef.az/index.php?newsid=56255 ]]>

Azərbaycan mediasının inkişafında öz dəsti-xətti, peşəkarlığı və prinsipial mövqeyi ilə seçilən şəxslərdən biri də «PRANT» Beynəlxalq İnformasiya Agentliyinin təsisçisi və prezidenti Yusif Ələkbərovdur. O, uzun illərdir informasiya məkanında yorulmaz fəaliyyəti ilə tanınan, cəmiyyətin maariflənməsinə, milli maraqların qorunmasına və obyektiv jurnalistikanın inkişafına mühüm töhfələr verən ziyalı şəxsiyyət kimi böyük hörmət qazanıb. Onun fəaliyyəti təkcə media sahəsi ilə məhdudlaşmır, eyni zamanda vətənpərvərlik, xeyirxahlıq və ictimai məsuliyyət nümunəsi kimi də dəyərləndirilir.

Yusif Ələkbərov rəhbərlik etdiyi «PRANT» Beynəlxalq İnformasiya Agentliyini qısa müddətdə etibarlı və nüfuzlu informasiya mənbələrindən birinə çevirməyi bacarıb. Agentliyin fəaliyyəti ölkədə və dünyada baş verən mühüm hadisələrin operativ və obyektiv şəkildə ictimaiyyətə çatdırılması istiqamətində qurulub. Azərbaycanın milli maraqlarının müdafiəsi, dövlətçilik ənənələrinin təbliği və həqiqətlərimizin beynəlxalq auditoriyaya çatdırılması bu fəaliyyətin əsas istiqamətlərindən biridir.

Bu gün Azərbaycan Prezidenti cənab İlham Əliyevin rəhbərliyi ilə media sahəsində həyata keçirilən genişmiqyaslı islahatlar ölkəmizdə informasiya mühitinin daha da inkişaf etməsinə səbəb olub. Məhz belə bir dövrdə Yusif Ələkbərov kimi təcrübəli media rəhbərlərinin fəaliyyəti xüsusi əhəmiyyət daşıyır. O, dövlətimizin həyata keçirdiyi informasiya siyasətini dəstəkləyən, milli maraqları hər zaman ön planda saxlayan media nümayəndələrindən biridir.

Yusif Ələkbərovun peşəkar fəaliyyətində diqqəti cəlb edən əsas məqamlardan biri də onun jurnalistikanı yalnız peşə kimi deyil, ictimai missiya kimi qəbul etməsidir. O hesab edir ki, media cəmiyyətin aynası olmaqla yanaşı, həm də milli dəyərlərin qorunması və gələcək nəsillərə ötürülməsi üçün mühüm vasitədir. Bu baxış onun rəhbərlik etdiyi informasiya agentliyinin fəaliyyətində də aydın şəkildə hiss olunur.

İllər boyu qazandığı təcrübə və zəngin bilik bazası Yusif Ələkbərovu media cameəsində hörmət edilən simalardan birinə çevirib. Onun rəhbərlik üslubu məsuliyyətə, şəffaflığa və peşəkarlığa əsaslanır. Bu səbəbdən də həm jurnalistlər, həm ictimaiyyət nümayəndələri, həm də müxtəlif qurumlar tərəfindən daim yüksək qiymətləndirilir.

Yusif Ələkbərov yalnız informasiya sahəsində deyil, xeyriyyəçilik istiqamətində gördüyü işlərlə də tanınır. O, şəhid ailələrinə göstərdiyi diqqət və qayğı ilə insanların rəğbətini qazanıb. Vətən uğrunda canından keçmiş qəhrəmanlarımızın ailələrinin yanında olmaq, onların problemlərinə həssas yanaşmaq və mənəvi dəstək göstərmək onun fəaliyyətində xüsusi yer tutur.

Az təminatlı ailələrə göstərdiyi yardımlar da Yusif Ələkbərovun humanist xarakterinin bariz nümunəsidir. Bayram günlərində, xüsusi günlərdə və müxtəlif sosial layihələr çərçivəsində ehtiyacı olan ailələrin yanında olması onun cəmiyyət qarşısında daşıdığı mənəvi məsuliyyətin göstəricisidir. O, hər zaman insanların sevincinə də, kədərinə də şərik olmağa çalışan xeyirxah insan kimi tanınır.

Onun fəaliyyəti göstərir ki, həqiqi ziyalı yalnız bilik sahibi deyil, həm də cəmiyyətə fayda verməyi bacaran şəxsdir. Yusif Ələkbərov məhz belə insanlardandır. O, öz nüfuzunu və imkanlarını insanların rifahına, milli maraqların müdafiəsinə və cəmiyyətin inkişafına yönəltməyi bacaran şəxsiyyət kimi seçilir.

Azərbaycanın haqq səsinin beynəlxalq aləmdə eşidilməsi istiqamətində görülən işlərdə də Yusif Ələkbərovun xidmətləri diqqət çəkir. O, müxtəlif informasiya platformaları vasitəsilə ölkəmizin uğurlarını, Qarabağ həqiqətlərini və dövlətimizin inkişaf yolunu dünya ictimaiyyətinə çatdırmağa çalışır. Bu istiqamətdə atdığı addımlar milli maraqlara xidmət edən mühüm fəaliyyət nümunəsi hesab olunur.

Yusif Ələkbərov müasir medianın inkişaf perspektivlərini düzgün qiymətləndirən media rəhbərlərindən biridir. O, rəqəmsal texnologiyaların tətbiqinə, yeni informasiya platformalarının inkişafına və süni intellekt imkanlarından səmərəli istifadəyə xüsusi önəm verir. Bu yanaşma «PRANT» Beynəlxalq İnformasiya Agentliyinin daim yenilənən və inkişaf edən media qurumu kimi fəaliyyət göstərməsinə şərait yaradır.

Etik jurnalistika prinsiplərinə sadiqlik də onun fəaliyyətinin əsas xüsusiyyətlərindən biridir. O, hər zaman doğru və dəqiq informasiyanın yayılmasını vacib hesab edir, dezinformasiyaya qarşı mübarizəni jurnalistikanın əsas vəzifələrindən biri kimi qiymətləndirir. Bu mövqe agentliyin fəaliyyətində də öz əksini tapır.

Yusif Ələkbərov dövlətçilik dəyərlərinə bağlılığı ilə seçilən ziyalılardandır. O, Azərbaycanın müstəqilliyinin möhkəmlənməsi, dövlətimizin beynəlxalq nüfuzunun artması və milli maraqların qorunması istiqamətində həyata keçirilən siyasəti daim dəstəkləyir. Onun fəaliyyətində vətənə sevgi və dövlətə sədaqət əsas prinsiplərdən biri kimi özünü göstərir.

Media sahəsində qazandığı uğurlar, ictimai fəaliyyətində nümayiş etdirdiyi prinsipial mövqe və insanlara göstərdiyi davamlı diqqət və qayğı Yusif Ələkbərovun cəmiyyət içərisindəki nüfuzunu və hörmətini ildən-ilə daha da artırır. O, informasiya sahəsində fəaliyyətini yalnız peşəkar vəzifə kimi deyil, eyni zamanda milli və ictimai məsuliyyət kimi qəbul edir. Hər zaman həqiqətin, obyektivliyin və milli maraqların müdafiəsində dayanması, informasiya məkanında sağlam və etibarlı media mühitinin formalaşmasına verdiyi töhfələr onun peşəkar nüfuzunu daha da möhkəmləndirib. Məhz bu xüsusiyyətləri sayəsində Yusif Ələkbərov həm media nümayəndələri, həm də geniş ictimaiyyət tərəfindən etimad göstərilən ziyalı şəxslərdən biri kimi tanınır.

Onun fəaliyyətində yalnız informasiya sahəsində əldə olunan uğurlar deyil, həm də insanlara olan səmimi münasibəti, xeyriyyəçilik təşəbbüsləri və sosial məsuliyyət hissi xüsusi yer tutur. Şəhid ailələrinə, qazilərə, aztəminatlı ailələrə və qayğıya ehtiyacı olan insanlara göstərdiyi dəstək onun yüksək mənəvi keyfiyyətlərə malik bir şəxsiyyət olduğunu bir daha nümayiş etdirir. Yusif Ələkbərov həm peşəkar media rəhbəri, həm vətənpərvər ziyalı, həm də humanist dəyərlərə sadiq olan nümunəvi ictimai xadim kimi tanınır və qazandığı hörmət onun uzun illər ərzində gördüyü məqsədyönlü, faydalı və fədakar fəaliyyətin məntiqi nəticəsi kimi qiymətləndirilir.

Bu gün Yusif Ələkbərovun rəhbərlik etdiyi «PRANT» Beynəlxalq İnformasiya Agentliyi informasiya məkanında etibarlı mövqeyi ilə seçilir. Bu uğurun arxasında isə illərlə formalaşmış təcrübə, peşəkarlıq, prinsipiallıq və vətənə bağlılıq dayanır. Agentliyin qazandığı nailiyyətlərdə onun əməyi və zəhməti xüsusi yer tutur.

Yusif Ələkbərovun həyat və fəaliyyət yolu göstərir ki, informasiya yalnız xəbər yaymaq deyil, həm də milli maraqları qorumaq, cəmiyyətə xidmət etmək və insanlara fayda vermək missiyasıdır. Məhz buna görə də o, Azərbaycan mediasında özünəməxsus yeri olan, fəaliyyəti ilə nümunə göstərilən, mətbuatın inkişafına və milli dəyərlərin təbliğinə mühüm töhfələr verən hörmətli ziyalı şəxsiyyət kimi tanınır.
]]> vasya Wed, 10 Jun 2026 13:41:22 +0400 http://bizimhedef.az/index.php?newsid=56251 http://bizimhedef.az/index.php?newsid=56251 ]]>

Azərbaycan torpağı əsrlər boyu elmə, mədəniyyətə, dövlətçiliyə və mənəvi dəyərlərə xidmət edən görkəmli şəxsiyyətlər yetişdirib. Bu müqəddəs torpağın ən zəngin guşələrindən biri olan Qarabağ isə özünün yetişdirdiyi alimləri, ziyalıları və müdrik insanları ilə hər zaman seçilib. Qarabağın əsrarəngiz təbiəti, zəngin mənəvi irsi və milli ruhu burada dünyaya göz açan insanların xarakterinin formalaşmasında mühüm rol oynayıb. Belə dəyərli şəxsiyyətlərdən biri də dünya elmi ictimaiyyətində böyük nüfuz qazanan, Tibbi biologiya elmləri doktoru, professor Yaşar Saday oğlu İbadovdur.

Professor Yaşar İbadov ömrünü elmə, insan sağlamlığına, bioloji tədqiqatlara və ekoloji problemlərin araşdırılmasına həsr etmiş alimlərimizdəndir. O, yalnız Azərbaycanda deyil, dünyanın müxtəlif ölkələrində də tanınan və hörmətlə qarşılanan elm xadimi kimi böyük nüfuz qazanıb. Onun uzun illər ərzində apardığı elmi araşdırmalar, ortaya qoyduğu yeniliklər və əldə etdiyi nailiyyətlər Azərbaycan elminin beynəlxalq aləmdə tanınmasına mühüm töhfələr verib. Bu gün onun adı elmə xidmət nümunəsi kimi hörmətlə çəkilir.

Yaşar İbadovun elmi fəaliyyəti olduqca zəngin və çoxşaxəlidir. O, elmi yaradıcılığı dövründə bir sıra fundamental araşdırmalar həyata keçirərək müxtəlif sahələr üzrə mühüm nəticələr əldə edib. 5 kitabın, 7 elmi monoqrafiyanın, 26 elmi məqalənin müəllifi olan professorun elmi əsərləri həm ölkə daxilində, həm də xaricdə maraqla qarşılanır. Bundan əlavə, 12 müəlliflik şəhadətnaməsi, patentləşdirilmiş nəzəriyyə, konsepsiya və ixtiraların müəllifi kimi elm tarixində özünəməxsus yer tutub.

Professor Yaşar İbadovun elmi fəaliyyətində xüsusi yer tutan istiqamətlərdən biri onun müəllifi olduğu “Alternativ Psixologiya” elminin yaradılmasıdır. Bu yeni elmi istiqamət alim təfəkkürünün məhsulu olmaqla yanaşı, müasir elmi düşüncəyə yeni baxışlar qazandırıb. Moskva şəhərində bu istiqamət üzrə müəlliflik şəhadətnaməsi alması onun beynəlxalq səviyyədə tanınmasının göstəricilərindən biridir. Sonradan bu nəzəriyyə Azərbaycan elmi ictimaiyyəti tərəfindən də yüksək qiymətləndirilərək böyük maraq doğurmuşdur.

Alimin araşdırmaları yalnız tibbi biologiya ilə məhdudlaşmayıb. O, tarix, fəlsəfə, psixologiya və milli-mənəvi dəyərlərlə bağlı mövzulara da elmi yanaşma nümayiş etdirib. Xüsusilə “Dədə Qorqud tarixi şəxsiyyətdir” mövzusunda təqdim etdiyi elmi yenilik Azərbaycan elmi mühitində diqqətlə qarşılanıb. Bu tədqiqat xalqımızın tarixi köklərinin öyrənilməsi istiqamətində mühüm addımlardan biri hesab olunur və milli irsimizə yeni baxış formalaşdırır.

Professor Yaşar İbadovun beynəlxalq aləmdə qazandığı nüfuz onun elmi fəaliyyətinin miqyasını aydın şəkildə göstərir. ABŞ, İngiltərə, Türkiyə, Rusiya və bir sıra Avropa ölkələrinin nüfuzlu akademiyaları tərəfindən fəxri üzv seçilməsi, Ukrayna və Gürcüstan Milli Elmlər Akademiyalarının həqiqi üzvü olması onun elmi potensialına verilən yüksək qiymətin bariz nümunəsidir. Dünyanın müxtəlif ölkələrində keçirilən beynəlxalq konfrans və simpoziumlarda iştirak edən alim Azərbaycan elmini layiqincə təmsil edib.

9 ölkənin akademiki kimi tanınan Yaşar İbadovun Nobel mükafatına namizəd kimi irəli sürülməsi də onun dünya elmi üçün əhəmiyyətli şəxsiyyət olduğunu təsdiqləyir. Bu cür nailiyyətlər yalnız şəxsi uğur deyil, həm də Azərbaycanın elmi potensialının və intellektual gücünün beynəlxalq səviyyədə qəbul olunmasının göstəricisidir. Professorun əldə etdiyi hər bir uğur ölkəmizin elmi nüfuzunun daha da yüksəlməsinə xidmət edir.

Hazırda Beynəlxalq Ekoenergetika Akademiyasında “Tibbi-biologiya və Ekologiya” departamentinin rəhbəri kimi fəaliyyət göstərən Yaşar İbadov öz zəngin təcrübəsini gənc nəslin yetişməsinə və yeni elmi kadrların formalaşmasına yönəldir. Onun rəhbərliyi altında həyata keçirilən elmi layihələr, tədqiqat proqramları və innovativ təşəbbüslər elmə marağın artırılmasına mühüm töhfə verir. Professor öz fəaliyyəti ilə sübut edir ki, elm daim inkişaf edən və cəmiyyətə xidmət edən müqəddəs bir sahədir.

Yaşar İbadov yalnız alim kimi deyil, həm də yüksək mənəvi keyfiyyətlərə malik ziyalı kimi böyük hörmət qazanıb. Onun sadəliyi, insanlara diqqəti, milli dəyərlərə bağlılığı və vətənpərvərliyi onu tanıyan hər kəs tərəfindən xüsusi rəğbətlə qarşılanır. O, bütün fəaliyyəti boyunca Azərbaycan dövlətinə və xalqına sədaqətlə xidmət edib, əldə etdiyi bilik və təcrübəni ölkənin inkişafı naminə səfərbər edib.

Professor Yaşar İbadov Ümummilli Lider Heydər Əliyevin elm və təhsil siyasətini hər zaman yüksək qiymətləndirən ziyalılardan biri olub. O, bu gün Prezident cənab İlham Əliyevin rəhbərliyi ilə ölkədə elmə, təhsilə və səhiyyəyə göstərilən diqqəti böyük minnətdarlıq hissi ilə qarşılayır. Dövlət tərəfindən alimlərə yaradılan şəraitin yeni elmi uğurlar üçün geniş imkanlar açdığını vurğulayır və bu istiqamətdə öz töhfələrini verməyə davam edir.

Qarabağın yetişdirdiyi bu böyük alim öz həyat yolu ilə göstərir ki, əzmkarlıq, zəhmət, vətən sevgisi və elmə bağlılıq insanı zirvələrə yüksəldə bilər. Onun keçdiyi şərəfli yol gənc alimlər üçün örnək, Azərbaycan ziyalılığı üçün isə qürur mənbəyidir. Professor Yaşar İbadovun elmi fəaliyyəti gələcək nəsillər üçün qiymətli bir irs olaraq yaşayacaq və ölkəmizin elmi inkişafına uzun illər xidmət edəcək.

Bu gün professor Yaşar İbadovun adı yalnız bir alim kimi deyil, həm də Azərbaycan elminin beynəlxalq səviyyədə tanınmasına böyük töhfə vermiş görkəmli ziyalı kimi hörmətlə çəkilir. Onun zəngin elmi irsi, bəşəriyyətə xidmət edən araşdırmaları, dövlətçilik mövqeyi və milli-mənəvi dəyərlərə sədaqəti hər bir azərbaycanlı üçün qürur mənbəyidir. Belə alimlərin fəaliyyəti Azərbaycanın intellektual gücünü, elmi potensialını və dünyaya verdiyi dəyərli töhfələri nümayiş etdirən ən parlaq nümunələrdən biridir.

Beynəlxalq Konfrans Uğurla Yekunlaşdı – Yaşar İbadova Beynəlxalq Statuslu Diplom Təqdim Olundu

04.06.2026-cı il tarixində Azərbaycan Beynəlxalq Ekoenergetika Akademiyasında “Tibbi-biologiya və Ekologiya” departamentinin rəhbəri Yaşar İbadovun təşkilatçılığı ilə beynəlxalq konfrans keçirilmişdir.

Konfrans yüksək səviyyədə təşkil olunmuş, iştirakçılar tərəfindən böyük maraqla qarşılanmış və uğurla yekunlaşmışdır.

Tədbirin sonunda Yaşar İbadova elmi fəaliyyətinə və beynəlxalq əməkdaşlığın inkişafına verdiyi töhfələrə görə Avropa Tibb Assosiasiyasının Azərbaycandakı təmsilçisi statusunu təsdiq edən Diplom təqdim edilmişdir.

Yaşar İbadovu bu nüfuzlu status münasibətilə təbrik edir, gələcək fəaliyyətində yeni uğurlar arzulayırıq.

]]> vasya Wed, 10 Jun 2026 13:01:26 +0400