http://bizimhedef.az/ ru texnologiya - Bizimhedef.az DataLife Engine http://bizimhedef.az/index.php?newsid=56210 http://bizimhedef.az/index.php?newsid=56210 ]]>

Türkiyənin İHA-230 raketini əldə etməsi İsraildə böyük ajiotaj yaradıb. Yerli media xəbər verir ki, İsrailin “Maariv” qəzeti yeni raketin bölgədəki hərbi vəziyyəti dəyişdirə biləcəyini bildirib. Nəşr həmçinin Türkiyənin daha uzaq mənzilli layihələr üzərində işlədiyini də yazıb.

Qəzetin təhlilində bildirilib ki, İHA-230 pilotsuz uçuş aparatlarından (PUA) atıla bilən səsdən sürətli raketdir və xüsusi olaraq hücum tipli PUA-larla istifadə üçün nəzərdə tutulub.

Məlumata görə, İHA-230 150 kilometrdən çox məsafədəki hədəfləri vura bilir. Onun mənzilinin buraxılış platformasının hündürlüyündən və sürətindən asılı olaraq dəyişsə də, elektron müharibə mühitində yüksək dəqiqliklə işləyə biləcəyi də qeyd olunur.

Bəs yeni silah İsraildə niyə ajiotaj yaradıb? Bu raketlər bölgədəki hərbi vəziyyəti necə dəyişə bilər? Azərbaycanın hərbi arsenalında da yeni silah öz yerini tapacaqmı?

Hərbi ekspert, polkovnik Rövşən Məhərrəmov Musavat.com-a bildirib ki, İHA-230-un İsraildə diqqət çəkməsinin əsas səbəbi raketin təkcə texniki xüsusiyyətləri deyil, həm də Türkiyənin pilotsuz zərbə sistemləri konsepsiyasını yeni mərhələyə çıxarmasıdır: “Bu raket Türkiyənin müdafiə sənayesinin hazırladığı və əsasən “Roketsan” tərəfindən istehsal olunan silah sistemidir. İsrail hərbi ekspertləri uzun illərdir ki, PUA-ları əsasən kəşfiyyat və dəqiq zərbə vasitəsi kimi qiymətləndirirdilər. İHA-230 isə bu yanaşmanı dəyişir.

İHA-230-un əhəmiyyəti onun 150 km mənzilində deyil, PUA-ların artıq kiçik sursat daşıyıcısından uzaqmənzilli raket platformasına çevrilməsindədir. Bu tendensiya gələcək müharibələrin xarakterini dəyişir. İsrail mediasının reaksiyası da məhz Türkiyənin sürətlə inkişaf edən pilotsuz aviasiya və raket texnologiyalarına yönəlib. Raketin qiyməti döyüş təyyarəsi ilə həyata keçirilən əməliyyatlardan xeyli aşağıdır”.

Ekspertə görə, İsrail mediasını narahat edən məqamlardan biri də Türkiyənin Aralıq dənizi, Suriya, İraq və Cənubi Qafqaz kimi bölgələrdə PUA raket kombinasiyası ilə yeni hərbi üstünlük qazanması ehtimalıdır. Onun sözlərinə görə, İHA-230 bölgədə hərbi vəziyyəti tam olaraq təkbaşına dəyişdirmir, lakin bir konsepsiyanın hissəsidir:

“Belə ki, bu sistem komanda məntəqələrinə, hava hücumundan müdafiə sistemlərinə, radar stansiyalarına, liman və hərbi bazalara uzaq məsafədən zərbə vurmaq imkanını artırır. Əgər Türkiyə gələcəkdə 300-500 km və daha artıq mənzilli hava buraxılışlı raketlər hazırlayarsa, bu, regionda qüvvələr balansına daha ciddi təsir göstərə bilər. İsrail mediasında da əsas narahatlıq məhz Türkiyənin hazırkı raketdən daha uzaq mənzilli layihələr üzərində işləməsidir”.

İHA-23-un Azərbaycanın silah arsenalında yer ala biləcəyi məsələsinə gəlincə, R.Məhərrəmov hesab edir ki, bu ehtimal kifayət qədər yüksək görünür: “Azərbaycan artıq Türkiyə istehsalı olan bir çox sistemlərdən istifadə edir. “Bayraktar TB2”, “Akıncı”, müxtəlif yüksək dəqiqlikli sursatlar və raket sistemləri buna misaldır. Əgər İHA-230-un inteqrasiyası Azərbaycan Silahlı Qüvvələrinin istifadə etdiyi platformalarla uyğunlaşdırılarsa bu silah xüsusilə operativ dərinlikdəki hədəflərə zərbə, hava hücumundan müdafiə sistemlərinin məhv edilməsi, sürətli cavab əməliyyatları üçün faydalı ola bilər”. ]]> vasya Tue, 09 Jun 2026 09:24:08 +0400 http://bizimhedef.az/index.php?newsid=56085 http://bizimhedef.az/index.php?newsid=56085 ]]>

YouTube videoplatforması Premium abunəçilər üçün yeni Auto Speed funksiyasını təqdim edib.

Yeni funksiya videonun və ya podkastın məzmunundan asılı olaraq oynatma sürətini avtomatik dəyişəcək.

Gözlənilir ki, texnologiya nitqin daha yavaş olduğu hissələrdə videonu sürətləndirəcək, məlumatın daha sıx olduğu bölümlərdə isə sürəti uyğunlaşdıracaq. Bu, istifadəçilərə məzmunu daha sürətli izləməyə və eyni zamanda məlumatı itirmədən qavramağa imkan verəcək.

Bununla yanaşı, YouTube Premium istifadəçiləri üçün On-the-go Mode rejimini də təqdim edib. Yeni rejim fon rejimində səsləndirməyə daha sadə nəzarət imkanı yaradır.

İstifadəçilər geri və irəli sarma düymələrinə, eləcə də digər idarəetmə elementlərinə daha sürətli çıxış əldə edəcəklər.

Funksiya artıq Android cihazlarında istifadəyə verilib. Onun yaxın aylarda iOS platformasında da istifadəyə açılması planlaşdırılır.(musavat) ]]> vasya Tue, 02 Jun 2026 09:23:37 +0400 http://bizimhedef.az/index.php?newsid=55932 http://bizimhedef.az/index.php?newsid=55932 ]]>

Süni intellekt texnologiyalarının sürətlə yayılması gənclər arasında psixoloji narahatlıq və gələcək qorxuları ilə bağlı müzakirələri gücləndirib. Yeni araşdırmalara görə, xüsusilə Z nəsli nümayəndələri arasında optimizm azalır, narahatlıq isə artır.

“Tədqiqatlarda qeyd olunur ki, süni intellektin əmək bazarına təsiri gənclərin iş təhlükəsizliyi ilə bağlı qorxularını gücləndirir.

Son aylarda ABŞ-də keçirilən bəzi tədbirlərdə tələbələrin süni intellekti “qaçılmaz dəyişiklik” kimi təqdim edən çıxışlara mənfi reaksiyası da bu narahatlığın göstəricisi kimi qiymətləndirilir.

Eyni zamanda, böyük şirkətlərin işçi ixtisarları ilə bağlı açıqlamaları da diqqət çəkir. Məlumata görə, bəzi beynəlxalq maliyyə və texnologiya şirkətləri minlərlə vəzifənin avtomatlaşdırma və süni intellekt səbəbindən azaldılacağını bildirib. Bu prosesin əmək bazarında struktur dəyişikliklərinə səbəb olduğu qeyd edilir.

“Amazon” və “Meta” kimi böyük texnologiya şirkətlərinin işçi optimallaşdırması və rəqəmsal sistemlərə keçidi də bu tendensiyanın bir hissəsi kimi göstərilir.

Araşdırmalara görə, gənclər arasında süni intellektə münasibət getdikcə daha skeptik xarakter alır. Sorğuların nəticələrinə əsasən, Z nəsli arasında narahatlıq səviyyəsi yüksəlib, optimist yanaşma isə əhəmiyyətli dərəcədə azalıb. Respondentlərin böyük hissəsi süni intellektin faydalarından çox risk yaratdığını düşünür. ]]> vasif Thu, 21 May 2026 09:43:12 +0400 http://bizimhedef.az/index.php?newsid=55807 http://bizimhedef.az/index.php?newsid=55807 ]]>

“Bakı Metropoliteni” QSC-nin “BakuBus” və “Bakı Taksi Xidməti” MMC-lərlə birləşdirilməsi bütün avtobus və taksi xidmətlərini əhatə etmir.

“Bunu “Bakı Metropoliteni” QSC-nin sədri Vüsal Aslanov “Trend”ə və ATV-yə müsahibəsində deyib.

Onun sözlərinə görə, dəyişiklik yalnız “BakuBus” və “Bakı Taksi” şirkətlərinə aiddir: “BakuBus” Bakı şəhərində bir çox marşrutu idarə edən, həmçinin Gəncə və Xankəndi şəhərlərində fəaliyyət göstərən dövlət şirkətidir. “Bakı Taksi” isə sərnişinlərimizin “London taksisi” adlandırdığı xüsusi taksilərdən ibarətdir. Digər marşrutlar və avtobus xidmətləri isə öz müstəqil fəaliyyətlərini davam etdirəcəklər”. ]]> vasif Wed, 13 May 2026 10:32:08 +0400 http://bizimhedef.az/index.php?newsid=55700 http://bizimhedef.az/index.php?newsid=55700 ]]>

Azərbaycanın müdafiə sənayesi sahəsində fəaliyyət göstərən "Arkan İnnovations LLC" şirkəti üç yeni kamikadze dron istehsal edib.

 "Report" xəbər verir ki, 2026-cı il istehsalı olan kamikadze dronlar hazırda İstanbulda keçirilən V "SAHA 2026" Beynəlxalq Müdafiə və Aerokosmik Sərgisində ictimaiyyətə təqdim olunub.

"Arkan-10", "Arkan -10 FO" və "Arkan- 10 FT" adlanan yeni nəsil dronlar müasir texnologiyalar əsasında hazırlanıb və həm kəşfiyyat, həm də zərbə imkanlarına malikdir. Xüsusilə "Arkan -10 FO" fiber-optik olduğundan radarlara düşmək ehtimalı çox azdır.

Bildirilib ki, sözügedən pilotsuz uçuş aparatlarında (PUA) süni intellekt elementləri, təkmilləşdirilmiş avtonom idarəetmə sistemi və daha uzun uçuş müddəti təmin edilib.

Yeni modellərin əsas xüsusiyyətləri arasında aşağı radar görünürlüyü, yüksək manevr qabiliyyəti və müxtəlif silah sistemləri ilə inteqrasiya imkanı xüsusi qeyd olunur. Bu dronlar müasir döyüş şəraitində effektiv istifadə üçün nəzərdə tutulub. ]]> vasif Wed, 06 May 2026 12:41:27 +0400 http://bizimhedef.az/index.php?newsid=55318 http://bizimhedef.az/index.php?newsid=55318 ]]>

Yutub tətbiqində (iOS və Android) qısa videolar – "Shorts" bölməsini tamamilə deaktiv etmək imkanı təqdim olunub.

Bu barədə "The Verge" nəşri məlumat yayıb.

Qeyd edək ki, "Shorts" üçün vaxt məhdudiyyəti funksiyası ilk dəfə yanvar ayında istifadəyə verilmişdi, lakin həmin vaxt yalnız 18 yaşdan kiçik istifadəçilər üçün aktiv idi. Üstəlik, minimum limit 15 dəqiqə idi və onu sıfıra endirmək mümkün deyildi.

Yutub nümayəndəsi Makkenzi Spillerin sözlərinə görə, artıq 0 dəqiqəlik limit seçimi bütün valideynlər üçün əlçatandır və hazırda bütün istifadəçilər üçün mərhələli şəkildə tətbiq olunur.

Məhdudiyyət limiti tamamlandıqda tətbiq bildiriş göndərir və "Shorts" videolarını əsas səhifədən gizlədir. Bu funksiyanı aktivləşdirmək üçün “Vaxtın idarə olunması” (Time Management) bölməsindən istifadə etmək mümkündür.(Axşam.az) ]]> vasif Fri, 17 Apr 2026 09:16:31 +0400 http://bizimhedef.az/index.php?newsid=54521 http://bizimhedef.az/index.php?newsid=54521 ]]>

Dünyanın ən populyar ani mesajlaşma tətbiqlərindən biri olan vatsap istifadəçi təcrübəsini artıracaq yeni bir xüsusiyyət üzərində işləyir.

iOS beta versiyasında aşkar edilmiş bu yenilik sayəsində istifadəçilər mesajlarını əvvəlcədən planlaşdıraraq, avtomatik göndərə biləcəklər.

Həm fərdi, həm də qrup söhbətlərində işləyəcəyi gözlənilən sistem ünsiyyəti daha rahat və səssiz etməyi hədəfləyir.


Tətbiqin beta versiyalarını izləyən məşhur platforma “WABetaInfo” iOS üçün vatsapın 26.7.10.72 beta versiyasında mesaj planlaşdırma xüsusiyyətini aşkarlayıb. Gələcəkdə “Planlaşdırılmış mesajlar” adlandırılacağı gözlənilən bu sistem istifadəçilərə göndərmək istədikləri mesajın tarix və saatını seçərək avtomatik çatdırılmasını təmin edir.

İstifadəçilər planlaşdırılmış mesajlarını xüsusi “Planlaşdırılmış mesajlar” bölməsində görə və idarə edə biləcəklər. Əgər mesajı göndərməmək qərarına gəlsələr, alıcıya çatdırılmadan əvvəl onu silmək mümkündür. Sızdırılmış ekran görüntüləri xüsusiyyətin qrup söhbətində işlədiyini göstərir, lakin sistemin fərdi söhbətlərlə məhdudlaşdırılması gözlənilmir.

Mesaj planlaşdırma sistemi hazırda aktiv inkişaf mərhələsindədir və hələ beta testçiləri üçün belə əlçatan deyil. Vatsapın bu funksiyanı rəsmi versiyada nə zaman yayımlayacağı hələ məlum deyil, lakin gələcəkdə gündəlik mesajlaşma qaydalarını dəyişdirəcəyi gözlənilir.

Yeni xüsusiyyət həm iş, həm də şəxsi ünsiyyət üçün daha praktik və rahat mesajlaşma imkanı yaradacaq. ]]> vasif Tue, 24 Feb 2026 14:22:49 +0400 http://bizimhedef.az/index.php?newsid=54356 http://bizimhedef.az/index.php?newsid=54356 ]]>

Bu gün Azərbaycan Televiziyasının (AzTV) fəaliyyətə başlamasından 70 il ötür.

Bakı Televiziya Mərkəzi üçün binanın inşasına 1954-cü ildə başlanılıb.

Azərbaycanlı inşaatçı və mütəxəssislərin moskvalı, leninqradlı həmkarları ilə birgə ucaltdıqları və müvafiq avadanlıqla təchiz etdikləri telemərkəzin binası 1955-ci ilin sonunda təhvil verilib. 1956-cı ilin fevralına qədər isə Bakı studiyasının ara-sıra sınaq verilişləri yayımlanıb.

Fevralın 14-də "Göstərir Bakı!" kəlməsi ilə başlayan ilk efirdə Nəcibə Məlikova tamaşaçıları televiziyanın fəaliyyətə başlaması münasibətilə təbrik edib. Sonra "Bəxtiyar" bədii filmi nümayiş etdirilib.

Bakı studiyası əvvəlcə həftədə iki, sonra üç dəfə ikisaatlıq proqramla efirə çıxıb.

İlk mərhələdə televiziya sahəsində mütəxəssislər olmadığından burada işləməyə radio, qəzet və teatr əməkdaşları dəvət ediliblər. Televiziyada proqramlaşdırma, şəbəkə və model haqqında anlayış olmayıb. Buna görə də yeni kütləvi informasiya vasitəsi təsviri retranslyator kimi fəaliyyət göstərib. Televiziya işçiləri hər gün toplaşaraq tamaşaçılara nəyi göstərməyi qərara alıblar. Seçim isə zəngin olmayıb: klassik və estrada musiqisindən ibarət konsertlər, bədii filmlər, teatr tamaşaları, ictimai-siyasi mövzuda müsahibələr, əmək qabaqcıllarının çıxışları nümayiş etdirilib, diktor qəzetlərdən 15 dəqiqəlik qısa xəbərlər oxuyub.

1957-ci ildən Azərbaycan televiziyası efirə həftədə 5 dəfə çıxmağa başlayıb və verilişlərin gündəlik həcmi 2 saat 20 dəqiqəyə çatdırılıb. 1962-ci ildə gündəlik efirə çıxan proqramların həcmi isı 7 saatadək artıb. 70-ci illərdən etibarən Azərbaycan televiziyasının gündəlik veriliş və proqramlarının yayım həcmi 10 saata, 80-ci illərdə 18 saata çatdırılıb. 2005-ci ilin yanvarından isə televiziya 24 saatlıq fasiləsiz yayıma keçib. ]]> vasya Sat, 14 Feb 2026 09:57:04 +0400 http://bizimhedef.az/index.php?newsid=53897 http://bizimhedef.az/index.php?newsid=53897 ]]>

Bakıda 10 yeni metro stansiyanın ilkin yeri məlum olub.

Ölkə.Az-ın məlumatına görə, "Google Map" vasitəsilə həmin ərazilər dəqiləşdirilib.

Rəsmi açıqlamada bu il Cəlil Məmmədquluzadə küçəsində, Heydər Əliyev İdman və Konsert Kompleksinin arxasında yerləşən metro stansiyasının açılışı gözlənilir.

Xəritə əsasən növbəti stansiyaların dəqiq yeri göstərilib: Nizami Gəncəvi Stansiyası ilə Azərbaycan Dövlət Akademik Milli Dram Teatrı arası, Sahil parkının altı, 28 May və Kövkəb Xanım Səfərəliyeva küçələrinin kəsişməsi, Ağ Şəhərdə, Babək prospektinin yaxınlığı, Həzi Aslanov stansiyasının yanı, "Nargilə" kafesinin yaxınlığı (keçmiş tennis kortunun qarşısında), 8 Noyabr prospektində Xəzər TV binasının yanı və piyada keçidinin yaxınlığı.

]]> vasif Tue, 20 Jan 2026 10:57:14 +0400 http://bizimhedef.az/index.php?newsid=53718 http://bizimhedef.az/index.php?newsid=53718 ]]>

Meta, mesajlaşma təcrübəsini təkmilləşdirmək üçün “WhatsApp” tətbiqində silinmiş mesajların gözləmə müddətini qısaltmağa hazırlaşır.

İllərdir minimum 24 saat təklif olunan bu xüsusiyyət üçün beta testində əhəmiyyətli dəyişikliklər nəzərə çarpır.

Yeni aşkarlanan ekran görüntülərinə görə, yoxa çıxan mesajlar xüsusiyyətinə iki yeni seçim əlavə olunur: 12 saat və 1 saat.

Bu yenilik sayəsində istifadəçilər artıq göndərilən mesajlarının avtomatik silinməsi üçün məcburi 24 saatlıq müddəti gözləməli olmayacaqlar./Lent.az ]]> vasif Thu, 08 Jan 2026 15:30:55 +0400