http://bizimhedef.az/ ru Bizimhedef.az DataLife Engine http://bizimhedef.az/index.php?newsid=56375 http://bizimhedef.az/index.php?newsid=56375 ]]>

İtaliyanın Baş naziri Giorgia Meloni Fransada keçirilən G7 sammiti çərçivəsində digər liderlərə bir ay əvvəl siqareti tərgitdiyini bildirib.

“Euronews” xəbər verir ki, G7 liderləri ilə söhbətində Meloni qəhvə istədiyini deyir. Almaniya kansleri Fridrix Merz zarafatla ondan içkisi ilə birlikdə siqaret istəyib -istəmədiyini soruşur.

"Xeyr, mən siqareti atmışam", - deyə İtaliya Baş naziri cavab verir.

Avropa Komissiyasının prezidenti Ursula fon der Leyen "Əhsən!" deyir və digər liderlər də bunu təsdiqləyərək alqışlayırlar.

İtaliya hökumətinin başçısı bir ay əvvəl siqareti tərgitdiyini açıqlayıb. Bundan sonra Britaniya Baş naziri Kir Starmer Avropa Şurasının prezidenti António Kostadan nə vaxt siqareti tərgitdiyini soruşub.

"Mən 2005-ci ildə tərgitmişəm… Bir daha çəkməmişəm... 21 il əvvəl”, - deyə Kosta cavab verir.

Xatırladaq ki, ötən ilin oktyabr ayında Qəzza Sülh Zirvəsində İtaliya Baş nazirinin pis vərdişi Türkiyə Prezidentinin zarafatına səbəb olub. ]]> vasya Wed, 17 Jun 2026 11:52:53 +0400 http://bizimhedef.az/index.php?newsid=56374 http://bizimhedef.az/index.php?newsid=56374 ]]>

Cəbrayıl rayonunun Şükürbəyli kəndinə növbəti köç karvanları yola salınıb.

Bu barədə Qaçqınların və Məcburi Köçkünlərin İşləri üzrə Dövlət Komitəsi məlumat yayıb.

Köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Bu mərhələdə Şükürbəyli kəndinə 45 ailə - 196 nəfər köçürülüb. ]]> vasya Wed, 17 Jun 2026 11:48:44 +0400 http://bizimhedef.az/index.php?newsid=56373 http://bizimhedef.az/index.php?newsid=56373 ]]>

Bu gündən dövlət ümumi təhsil müəssisələrinin I siniflərinə qəbul prosesi çərçivəsində bir sıra mərhələlərə start verilir.

Məktəbəqədər və Ümumi Təhsil üzrə Dövlət Agentliyindən (MÜTDA)  verilən məlumata görə, 17 iyun saat 11:00-dan 25 iyun saat 18:00-dək rus bölməsi üzrə prioritet hüququ olan uşaqlar üçün prioritet əsasında məktəb seçimi, prioritet hüququ olmayan uşaqlar üçün isə müsabiqəyə qəbul prosesi həyata keçiriləcək.

Bununla yanaşı, 17 iyun saat 11:00-dan etibarən dövlət ümumi təhsil müəssisələrinin tədrisi digər dillərdə aparılan I siniflərinə qəbul məqsədilə müsahibədən uğurla keçən uşaqların valideynləri məktəb və müəllim seçimi ilə bağlı sorğularını yerləşdirə biləcəklər.

Həmçinin 17 iyun saat 11:00-dan 17 iyul saat 11:00-dək Abşeron rayonu, Bakı, Sumqayıt, Gəncə və Naxçıvan şəhərində üstünlük hüququ tətbiq edilən ümumi təhsil müəssisələrində prioritet əsasında məktəb və müəllim seçimi aparılacaq.

Eyni zamanda, 17 iyun saat 11:00-dan 25 iyun saat 18:00-dək Bakı Avropa Liseyi, Respublika İncəsənət gimnaziyası və Bülbül adına orta ixtisas musiqi m əktəbinin rus bölməsi üzrə I siniflərinə qəbul üçün müsabiqəyə qeydiyyat da açıq olacaq. ]]> vasya Wed, 17 Jun 2026 11:44:12 +0400 http://bizimhedef.az/index.php?newsid=56372 http://bizimhedef.az/index.php?newsid=56372 ]]>

Bərdədə 10 kiloqramdan artıq narkotik vasitə qanunsuz dövriyyədən çıxarılıb.

DİN-in mətbuat xidmətinin Bərdə regional qrupundan  verilən məlumata görə, Bərdə Rayon Polis Şöbəsinin əməkdaşları tərəfindən keçirilən tədbirlərlə narkotik vasitələrin qanunsuz dövriyyəsi ilə məşğul olmaqda şübhəli bilinən Miranə Nuruşova saxlanılıb.

Ondan satış məqsədilə əldə etdiyi ümumilikdə 10 kiloqramdan artıq marixuana və həşiş aşkarlanıb.

Faktla bağlı cinayət işi başlanılıb. M.Nuruşova barəsində məhkəmənin qərarı ilə həbs qətimkan tədbiri seçilib.

Araşdırmalar davam etdirilir. ]]> vasya Wed, 17 Jun 2026 11:39:54 +0400 http://bizimhedef.az/index.php?newsid=56371 http://bizimhedef.az/index.php?newsid=56371 ]]>

17-19 iyun tarixlərində istismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Pirkəşkül qəsəbəsi yaxınlığındakı poliqonda məhv edilməsi prosesi həyata keçiriləcək.

Bu barədə Müdafiə Nazirliyi (MN) məlumat yayıb.

“Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq”, - məlumatda deyilir. ]]> vasya Wed, 17 Jun 2026 10:43:37 +0400 http://bizimhedef.az/index.php?newsid=56370 http://bizimhedef.az/index.php?newsid=56370 ]]>

Bu il sentyabrın 1-dən su obyektlərindən xüsusi məqsədlər üçün istifadə ilə bağlı ödənişlərin tətbiq edilməsinə başlanılacaq.

Bu barədə “Qafqazinfo”ya ADSEA yanında Suların İstifadəsinə və Mühafizəsinə Dövlət Nəzarəti Xidmətindən məlumat verilib.

Bildirilib ki, su obyektlərindən xüsusi məqsədlər üçün istifadə ilə bağlı məsələlər adından məlum olduğu kimi hüquqi şəxslər və hüquqi şəxs yaratmadan sahibkarlıq fəaliyyəti ilə məşğul olan fiziki şəxslər tərəfindən texniki qurğu və avadanlıq tətbiq etməklə su obyektlərindən suyun götürülməsi, tullantı sularının təmizlənərək su obyektlərinə axıdılması və su akvatoriyasından istifadə olunması ilə əlaqədardır.

Suyun götürülməsi zamanı su obyektindən və götürülmə məqsədindən asılı olaraq məbləğlər müxtəlifdir. Belə ki, sənaye məqsədilə Xəzər dənizindən götürülən 100 m3 suya görə 0.4 manat, çay və göllərdən götürülən 100 m3 suya görə 4 manat, yeraltı sulardan götürülən 100 m3 suya görə 40 manat müəyyənləşdirilib. Xəzər dənizinə axıdılan 100 m3 tullantı suyu üçün 1 manat, çay və göllərə axıdılan 100 m3 tullantı suyu üçün 4 manat nəzərdə tutulur.

Bu və digər ödənişlər barədə daha ətraflı məlumatları Nazirlər Kabinetinin 14 aprel 2026-cı il tarixli 99 nömrəli Qərarı ilə təsdiq edilmiş “Su obyektlərindən xüsusi məqsədlər üçün istifadə ilə bağlı ödənişlərin məbləğləri” qanunvericilik aktından əldə etmək mümkündür.

Su obyektlərindən xüsusi məqsədlər üçün istifadəyə icazənin alınması ilə bağlı öncəliklə Azərbaycan Dövlət Su Ehtiyatları Agentliyinə ərizə ilə müraciət edilməlidir. Bunun üçün ərizəçi su obyektindən istifadə növündən və hüquqi şəxs və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxs olmasından asılı olaraq tələb olunan sənədləri təqdim etməli, icazə alındıqdan sonra müqavilə bağlamalı və 2026-cı ilin 1 sentyabr tarixindən su obyektindən istifadə üçün ödəmələri həyata keçirməlidir.

Su obyektlərindən xüsusi məqsədlər üçün istifadəyə icazənin alınması proseduru Azərbaycan Prezidentinin 2025-ci il 18 dekabr tarixli 554 nömrəli Fərmanı ilə təsdiq edilmiş “Su obyektlərindən xüsusi məqsədlər üçün istifadəyə icazənin verilməsi Qaydası” ilə müəyyən edilib. Azərbaycan Dövlət Su Ehtiyatları Agentliyi ilə fiziki və hüquqi şəxslər arasında su obyektlərindən xüsusi məqsədlər üçün istifadəyə dair müqavilənin, həmçinin su obyektlərindən xüsusi məqsədlər üçün istifadəyə dair icazənin forması ilə bağlı ətraflı məlumat əldə etmək üçün bu linklərə keçid etmək mümkündür: https://e-qanun.az/framework/61055, https://e-qanun.az/framework/61660 ]]> vasya Wed, 17 Jun 2026 10:39:35 +0400 http://bizimhedef.az/index.php?newsid=56369 http://bizimhedef.az/index.php?newsid=56369 ]]>

Azərbaycan Prezidenti İlham Əliyev bu gün ABŞ Konqresinin Nümayəndələr Palatasının üzvü Abraham Hamadeni qəbul edib.

Prezident İlham Əliyev Donald Trampın ikinci dəfə hakimiyyətə gəlişindən sonra Azərbaycan-ABŞ əlaqələrinin uğurla inkişaf etdiyini vurğulayıb.

ABŞ Prezidenti ilə şəxsi münasibətlərinin yüksək səviyyədə olduğunu deyən dövlət başçısı Birləşmiş Ştatlara səfərlərini və Donald Trampla görüşlərini, həmçinin Vitse-prezident Cey. Di. Vensin ölkəmizə səfərini məmnunluqla xatırlayıb, “Azərbaycan Respublikası Hökuməti ilə Amerika Birləşmiş Ştatları Hökuməti arasında Strateji Tərəfdaşlıq Xartiyası”nın imzalanmasını münasibətlərimizin genişləndirilməsi baxımından tarixi rola malik olduğunu qeyd edib.

Söhbət zamanı Abraham Hamadenin ABŞ Konqresində Azadlığa Dəstək Aktına 907-ci düzəlişin ləğvi ilə bağlı irəli sürülmüş qanun layihəsinə həmmüəllif olmasının əhəmiyyətinə toxunulub.

Prezident İlham Əliyev Abraham Hamadenin ölkəmizə səfərinin uğurlu olacağına əminliyini bildirin.

Azərbaycanda olmaqdan məmnunluğunu ifadə edən qonaq ölkəmizin coğrafi baxımdan çox nadir bir məkanda yerləşdiyini deyib.

O, həmçinin Azərbaycanda UFC və Formula-1 kimi mötəbər idman yarışlarının keçirildiyini də vurğulayıb.

Söhbət zamanı Azərbaycan və ABŞ prezidentlərinin strateji tərəfdaşlığımızın dərinləşdirilməsi istiqamətində səylərinə toxunularaq, hər iki liderin dövlətlərarası münasibətlərimizin inkişafına böyük önəm verdikləri qeyd olunub.

Donald Trampın Azərbaycanla Ermənistan arasında sülh gündəliyinin irəli aparılmasında rolu xüsusi vurğulanıb, regional nəqliyyat bağlantılarının inkişafı baxımından TRIPP dəhlizinin yaradacağı imkanlara toxunulub.

Görüşdə ölkəmizlə ABŞ Konqresi arasında dialoqun möhkəmləndirilməsi ilə bağlı fikir mübadiləsi aparılıb, iqtisadi-ticari, sərmayə, enerji, təhlükəsizlik, bağlantılar, texnologiya və digər sahələrdə əməkdaşlığın genişləndirilməsi üçün yaxşı imkanların olduğu bildirilib, Azərbaycan-ABŞ tərəfdaşlığının perspektivləri müzakirə olunub. ]]> vasya Wed, 17 Jun 2026 10:35:18 +0400 http://bizimhedef.az/index.php?newsid=56368 http://bizimhedef.az/index.php?newsid=56368 ]]>

2022-ci ildə baş vermiş 4 günlük “Sarsıdıcı Zərbə” əməliyyatından əvvəlki və sonrakı dövr haqqında qısa və real döyüşlərdən yaddaşda həkk olunan məlumat.

Artıq Azərbaycan Ordusunun XTQ-lərin sıralarında uzun illər idi xidmət edirdim, peşəkar döyüş görmüş əsgərə çevrilmişdik. 2012-ci ildən etibarən həyatımızın böyük hissəsi döyüş tapşırıqları, hərbi təlimlər və müharibələrdə keçmişdi. 2012–2016-cı illər ərzində düşmən arxasında 7-8 dəfə xüsusi döyüş tapşırığı yerinə yetirmişdim.

2016-cı ilin Aprel döyüşlərini, 2020-ci ilin 44 günlük Vətən müharibəsini tam şəkildə yaşamış, 2021-ci ildə isə Kəlbəcər istiqamətində dövlət sərhədlərinin bərpası işlərində 60 gün fasiləsiz iştirak etmişdim.

Uzun illər ərzində qazandığımız təcrübə göstərirdi ki, müharibədən əvvəl keçirilən hazırlıq və təlimlər bəzən müharibənin özündən də ağır olur. Bu illər ərzində topladığımız təcrübə bizi peşəkar, dözümlü və hər an döyüşə hazır olan hərbçilərə çevirmişdi. Hər birimiz istənilən vaxt döyüş əmrini gözləyir və ön sırada vuruşmağa hazır vəziyyətdə xidmət edirdik.

2021-ci ildə Kəlbəcər sərhədlərinin bərpası işləri başa çatdıqdan sonra xidmət etdiyim XTQ-lərin daxilində tank əleyhinə batareya yaradıldı. Yeni formalaşdırılan bölmənin şəxsi heyətinin böyük əksəriyyətini gənc hərbi qulluqçular təşkil edirdi. Döyüş təcrübəsinə malik hərbçilər isə az idi.

Bu səbəbdən bölmənin qısa müddətdə döyüş hazırlığının yüksəldilməsi üçün ciddi və sistemli təlim proqramına ehtiyac var idi. Rəhbərlik mənim əvvəlki döyüş təcrübəmi, xidmət fəaliyyətimi və hazırlıq səviyyəmi nəzərə alaraq məni həmin yeni yaradılmış (TƏB) bölməyə təyin etdilər. Qarşıya qoyulan əsas məqsəd qısa müddətdə bölmənin döyüş qabiliyyətini artırmaq, şəxsi heyəti döyüş tapşırıqlarına tam hazır vəziyyətə gətirmək idi.

Mən də 18 illik xidmət və döyüş təcrübəmə əsaslanaraq bütün bilik və bacarığımı bu işə sərf etdim. Şəxsi heyətin həm fiziki hazırlığını, həm praktiki vərdişlərini, həm də nəzəri biliklərini artırmaq üçün intensiv məşğələlər təşkil etdim. Bir il ərzində bölməni döyüşə hazır və yüksək hazırlıqlı bir bölmə səviyyəsinə çatdırmağa nail olduq. Bu işdə uzun illər birlikdə xidmət etdiyim təcrübəli hərbçi yoldaşlarım da mənə böyük dəstək göstərdilər.

Bundan əlavə, müxtəlif hərbi hissələrə ezam olunduğumuz zaman digər bölmələrin şəxsi heyəti üçün də praktiki və nəzəri dərslər keçirdim. Tank əleyhinə batareyanın əsas silahı olan "Faqot" komplekslərindən istifadə qaydalarını, düşmən texnikasının həm hərəkətdə, həm də dayanmış vəziyyətdə məhv edilməsini öyrədirdim. Eyni zamanda əlbəyaxa döyüş, topoqrafiya hazırlığı, tibbi hazırlıq, dağ maneələrinin aşılması, istehkam hazırlığı, kəşfiyyat hazırlığı, amfibiya hazırlığı, dağ çaylarının keçilməsi və müxtəlif ağır silahlardan istifadə üzrə praktiki və nəzəri məşğələlər, atış hazırlığı aparırdım.

Çünki bütün bu hazırlıqları 18 illik xidmətim ərzində öyrənmiş və tətbiq etmiş təcrübəli döyüşçü idim.

Nəhayət, gözlədiyimiz an yetişdi. Məlumat daxil oldu ki, düşmən yenidən öz təxribatçı, çirkin əməllərinə əl ataraq Kəlbəcər istiqamətində vəziyyəti gərginləşdirməyə çalışır. Dərhal həmin bölgəyə hərəkət edərək mövqeləndik və düşərgə qurduq.

Bir müddət sonra bölmə komandirimiz Anar Daşdəmirov şəxsi heyəti toplayaraq bildirdi ki, el arasında hər kəsin tanıdığı əfsanəvi tabor artıq ön xəttə doğru irəliləyir və təxribatın qarşısını almaq üçün fəaliyyətə başlayır. Bizim bölmədən də tank əleyhinə qurğular və raketlərlə təchiz olunmuş bir heyət həmin taborun tərkibinə göndərilməlidir.

Yeni yaradılmış bölmənin şəxsi heyətinin əksəriyyətinin gənc olduğunu nəzərə alıb düşündüm ki, bir il əvvəl, 2021-ci ildə həmin əfsanəvi taborla birlikdə Kəlbəcərdə sərhədlərin bərpası əməliyyatlarında təxminən 60 gün iştirak etmişdim. Bilirdim ki, o bölmə döyüşün ən qızğın yerində döyüşəcək. Heç tərəddüd etmədən irəli çıxaraq bildirdim ki, öz heyətimlə birlikdə döyüş tapşırığını yerinə yetirməyə hazıram.

Bu addımımı görən bölməmizin komandiri Anar Daşdəmirov mənə yaxınlaşaraq: “Əhsən sənə, Xankişiyev!” dedi və alnımdan öpdü.

Dərhal döyüş heyətimi, silah-sursatımızı və raketlərimizi götürərək əfsanəvi taborun tərkibinə qoşuldum. Düzünü desəm, əfsanəvi tabor komandiri mayor Rasim Allahyarov məni görən kimi səmimi şəkildə qarşıladı və: “Xankişiyev, xoş gəlmisən, qardaş!” dedi.

Onlarla birlikdə düşmənin təxribat törətməyə çalışdığı istiqamətə, Kəlbəcər rayonunun Göyçə gölünə yaxın olan ərazisinə hərəkət etdik. Mövqelərimizi tutduqdan və ərazini ümumi qiymətləndirdikdən sonra məlum oldu ki, düşmən əvvəlcədən planlaşdırdığı təxribat vasitəsilə Kəlbəcər istiqamətində daha genişmiqyaslı hücum əməliyyatına başlamağa hazırlaşırmış.

Artilleriya mərmilərinin atışı ilk olaraq düşmən tərəfindən başladı. Dəqiqədə 20-30 mərmi yan-yörəmizə düşürdü. Artilleriya mərmilərindən qorunmaq üçün səngərlərə sığınıb gizlənirdik. Düşmən mövqeyi bizdən 50 metr məsafədə yerləşirdi. İki saat artilleriya atəşindən sonra döyüş qruplarımız düşmən mövqeyini ələ keçirmək üçün hərəkətə başladı. Düşmən əsgərləri buna imkan verməyərək üzərimizə atıcı silahlardan atəş açırdılar.

Bu zaman dərhal AQS-30 qumbaraatanını işə salıb 30 ədəd qumbaranı düşmən mövqeyinə endirdim. Düşmən mövqeyində olan atış gücü zəiflədi, döyüş qrupumuz düşmən postunu ələ keçirdi, bir çoxlarını zərərsizləşdirdi, bəziləri isə baş götürüb qaçdı. Artıq postlar əlimizə keçmişdi. Döyüş qruplarımız daha da irəliyə doğru irəliləyirdi. Atışmalar dayanmaq bilmirdi, artilleriya mərmilərinin ardı-arası kəsilmirdi.

Səhərisi gün düşmənin bizdən 1000 metr məsafədə yerləşən postundan şübhələnərək 4 saat fasiləsiz uzaqgörmə cihazı ilə onu müşahidə altında saxladım. Həmin mövqedə hərəkətlilik aşkar edib iriçaplı silahlarla posta atəş açmağa başladım.

5 dəqiqə ara verdikdən sonra 8 düşmən əsgəri əllərinə ağ mələfə qaldıraraq təslim olmaq üçün bir cərgədə düzüldülər. Lakin onların bizi aldadıb qaçmaq istədiklərini hiss edirdim. Əsir götürmə qrupu onlara yaxınlaşan kimi qaçmağa başladılar. Qaçdıqca mən də iriçaplı silahlardan atəş açırdım. Beləliklə, hamısı zərərsizləşdirildi.

Az keçmədi ki, 1500 metr məsafədə olan başqa bir ərazi diqqətimi çəkdi və məndə şübhə yaratdı. Ərazini diqqətlə analiz edib gördüm ki, 3 ədəd Ural markalı avtomobil və 1 ədəd radio-elektron mübarizə ("Jitel") texnikası (dövlət dəyəri 10 milyon dollar) maskalanmış vəziyyətdə gizlədilib. Onların yan-yörəsində də düşmən əsgərlərinin hərəkətliliyi aşkar etdim.

Dərhal bölmə komandirinə məruzə etdim. Bölmə komandiri də vəziyyəti analiz edib məni təsdiqlədi və: “Xankişiyev, məhv et!” əmri verdi.

İgid və cəsur əsgərim Mehman Əliyev dərhal raketi "Faqot" qurğusuna yükləyərək: “Komandir, hazırdır!” dedi. Dəqiq nişan alıb atəş etdim. Birinci atışımla "Jitel" radio-elektron mübarizə və kəşfiyyat texnikasını məhv etdim.

Digər texnikalara isə postumda olan ağır silahlardan yandırıcı mərmilərlə atəş açaraq bütün ərazini alova bürüdüm.

Texnikalarda olan silah-sursat partlayaraq ətrafa yayılırdı. Təxminən 15 saat həmin ərazidə raket başlıqları partlayaraq ətrafa səpələnirdi. Sanki göydən düşmənin başına alov tökülürdü.

Düşmən mövqelərindən əsgərlər üç-üç, dörd-dörd qaçaraq canlarını qurtarmağa çalışırdılar. Düşmən əsgərləri qaçdıqca mən də onlara AQS-30 qumbaraatanından atəş açırdım. Beləliklə, düşmənin həmin ərazidə çox sayda canlı qüvvəsini, texnikalarını, 100 hektara yaxın sahələrini və döyüş mövqelərini tamamilə yandırıb zərərsizləşdirə bildim. Bu döyüşdə də bizi həmişə qoruyan İlahinin köməyi, Allahın köməyi olub. İsti külək biz tərəfdən onların tərəfinə əsirdi, bu da düşmən tərəfinin güclü alışıb yanmasına səbəb olurdu.

Üç gecə, dörd gündüz atışmalar davam etdi. Döyüşün son dəqiqələrində yaxın ətrafıma, təxminən 8-10-15 metr məsafəmizə 4 ədəd 120 mm-lik artilleriya mərmisi düşdü. Əsgərlərimi əvvəlcədən blindajda, təhlükəsiz yerdə yerləşdirmişdim. Amma yaxın məsafəmdə olan əsgərim Əliyev Mehman, daha da yaxınımda olan əziz döyüşçü dostum Quliyev Famil güclü zədə aldıq.

Yanıma düşən artilleriya mərmisinin partlayışı məni və döyüşcü yoldaşım Quliyev Familı havaya qaldırıb yerə çırpdı.

Familin üz nahiyəsindən xəsarət aldı, mənim isə belimdə 6 mm yırtıq yaranmışdı. Allah bizi yenidən həyata qaytardı.

Belə müharibələrdə həmişə döş cibimdə kiçik ölçülü Qurani-Kərim gəzdirirdim. Üç gecə, dörd gündüz davam edən döyüşdən sonra atəşkəs elan edildi. Onda ayıldım ki, bu dörd gün ərzində bir tikə qida belə yeməmiş, istirahət etməmiş, yuxuya getməmişik. İlahi tərəfindən bizə verilən güclə ayaq üstə dayanmışdıq.

Bu döyüşdə məhv etdiyim 1 ədəd radio-elektron mübarizə texnikası, 3 ədəd Ural markalı avtomobil və düşmənin çoxsaylı canlı qüvvəsini vurduğum ziyan Müdafiə Nazirliyi tərəfindən təsdiqlənərək xəbərlərdə elan edilib və təsdiqləndi.

Düzdür, bizim yeni yaradılmış TƏB-də bu müharibə zamanı şəhidimiz olmadı. Lakin digər bölmələrdə mənim ən əziz qardaşlarım, “can” deyib “can” eşitdiyim silahdaşlarım – Elnur, Ziyarət, Nəzər, Firuz, Yunis, Yusif, Xəyal, Vadim və Elnur Səmədov şəhidlik zirvəsinə ucalaraq Haqq dünyasına qovuşdular. Onların itkisi bizim üçün çox ağır oldu və xatirələri hər zaman qəlbimizdə yaşayacaq.

Bu "Sarsıdıcı Zərbə" müharibəsi mənim üçün böyük təcrübə oldu. Məhz bu təcrübələrin nəticəsindən 2023-cü il antiterror əməliyyatlarında da aktiv döyüşçü kimi iştirak etdim.

Ardı var...

PS. Yaşa qəhrəman, yaşa və var ol… Vətən Azərbaycan azadlığını sizin kimi oğullarına borcludur... ]]> vasya Wed, 17 Jun 2026 10:12:46 +0400 http://bizimhedef.az/index.php?newsid=56367 http://bizimhedef.az/index.php?newsid=56367 ]]>

Xəbər verdiyimiz kimi, tanınmış vəkil, beynəlxalq hüquq üzrə professor Fərhad Mehdiyevə ağır itki üz verib.

“Qafqazinfo”nun məlumatına görə, ötən gün hüquqşünasın qızı Zəhranın idarə etdiyi motosiklet “Mercedes” markalı avtomobillə toqquşub. Bakı-Sumqayıt yolunda baş vermiş qəza zamanı 17 yaşlı Zəhra hadisə yerində həyatını itirib.

Hadisə yerindən görüntüləri təqdim edirik:

]]> vasya Wed, 17 Jun 2026 09:53:42 +0400 http://bizimhedef.az/index.php?newsid=56366 http://bizimhedef.az/index.php?newsid=56366 ]]>

Azərbaycanın Baş naziri Əli Əsədova Özbəkistana işgüzar səfəri çərçivəsində beynəlxalq media layihəsi olan “Bright Uzbekistan” jurnalının xüsusi buraxılışı təqdim edilib.

Bununla bağlı “ Nazirlər Kabinetindən məlumat verilib.

Qeyd olunub ki, jurnalın Azərbaycanla bağlı nəşr edilən 3-cü və 4-cü xüsusi buraxılışları Azərbaycan xalqının Ümummilli Lideri Heydər Əliyevin zəngin dövlətçilik irsinə və Prezident İlham Əliyevin rəhbərliyi ilə ölkənin əldə etdiyi uğurlara həsr olunub. ]]> vasya Wed, 17 Jun 2026 09:48:06 +0400