http://bizimhedef.az/ ru Bizimhedef.az DataLife Engine http://bizimhedef.az/index.php?newsid=55437 http://bizimhedef.az/index.php?newsid=55437 ]]>

Yaxın Şərqdə son illərdə formalaşan siyasi balans yenidən ciddi sınaq qarşısındadır. 2020-ci ildə ABŞ-ın vasitəçiliyi ilə imzalanan “İbrahim sazişləri” İsrail ilə bəzi ərəb dövlətləri arasında diplomatik münasibətlərin normallaşması baxımından yeni mərhələ kimi təqdim olunurdu. Lakin regionda artan gərginliklər, xüsusilə İran ətrafında təhlükəsizlik böhranının dərinləşməsi bu prosesin gələcəyini sual altına alıb.
Musavat.com bildirir ki, “İbrahim sazişləri” ilk dəfə 2020-ci ildə ABŞ-ın vasitəçiliyi ilə İsrail, Birləşmiş Ərəb Əmirlikləri, Bəhreyn və Mərakeş arasında imzalanıb. Daha sonra Sudan və Misir də sənədə qoşulmuşdu.

İlk baxışdan “İbrahim sazişləri” Yaxın Şərqdə uzun illər davam edən düşmənçilik mühitini yumşaltmalı, iqtisadi və siyasi əməkdaşlıq üçün yeni imkanlar açmalı idi. BƏƏ, Bəhreyn və digər bəzi ölkələrin İsraillə münasibətləri normallaşdırması bu layihənin əsas uğur nümunələri sayılırdı. Lakin regionda təhlükəsizlik gündəliyinin dəyişməsi bu xətti arxa İran ətrafında baş verən hərbi-siyasi gərginliklər və İsrail–İran qarşıdurmasının kəskinləşməsi region dövlətlərini daha ehtiyatlı mövqeyə çəkdi. Diplomatik yaxınlaşma əvəzinə təhlükəsizlik narahatlıqları ön plana çıxdı. Nəticə etibarilə, “İbrahim sazişləri” formal olaraq qüvvədə qalsa da, onun genişlənmə dinamikası zəifləyib. Analitiklərin fikrincə, bu sənəd artıq əvvəlki kimi “siyasi normallaşma layihəsi” kimi deyil, daha çox məhdud çərçivəli və ehtiyatlı diplomatik format kimi qiymətləndirilir.
Qərb analitikləri hesab edirdilər ki, Azərbaycanın “İbrahim sazişləri”nə qoşulması regional sabitliyə mühüm töhfə verə, həm siyasi, həm iqtisadi əməkdaşlıq imkanlarını genişləndirə, həm də ABŞ-nin Cənubi Qafqaz-Mərkəzi Asiya xəttində təsirini artıra bilər. Onların qənaətinə görə, Qazaxıstan, Azərbaycan və Özbəkistanın mümkün iştirakı müsəlman ölkələrinin İsraillə diplomatik münasibətlərini genişləndirməsi üçün təhlükəsiz model yarada bilərdi. Beləliklə, İran ətrafında yaranan müharibə və gərginliklər “İbrahim sazişləri”ni hüquqi olaraq arxivə göndərməsə də, onun siyasi təsir gücünü ciddi şəkildə azaldıb.
Deputat Asim Mollazadə isə Musavat.com-a bildirib ki, əksinə, sazişlə bağlı proses davam edəcək və imzalanması aktualdır: “Fərqli dinlər arasında əməkdaşlığa həsr olunan, bu istiqamətdə bölgədə sülh, əmin-amanlıq yaradan sazişlərin yaxşı gələcəyi var. Onları müharibələrlə məhv etmək mümkün deyil. Azərbaycanın min illərlə formalaşan xüsusiyyəti var - bütün dinlərə hörmət, qarşılıqlı əməkdaşlıq. Ona görə də bu saziş kifayət qədər perspektivi olan layihədir”. A.Mollazadə hesab edir ki, söhbət konkret olaraq Azərbaycan-İsrail əlaqələrindən gedirsə, iki ölkə arasında müxtəlif sahələri əhatə edən tərəfdaşlıq sazişləri mövcuddur: “Ona görə də ehtiyac olarsa, hamı ilə birgə bu sənədin imzalanması mümkündür. Ancaq ayrıca ehtiyac yoxdur. Çünki belə bir saziş olmayanda da Azərbaycanla İsrail arasında əməkdaşlıq inkişaf edir”.
Yada salaq ki, ötən ilin sonunda İsrailin xarici işlər naziri Bakıda səfərdə olarkən Azərbaycan XİN-nin rəhbəri Ceyhun Bayramov “İbrahim sazişləri” ilə bağlı suala cavab vermişdi. Nazir sazişi “bəzi ərəb dövlətləri ilə İsrail arasında əldə edilən razılaşma” adlandıraq bunları demişdi: “Bu razılaşma ilə İsraillə münasibəti olmayan ərəb dövlətləri İsraillə əlaqələr qurur. Bu, “İbrahim sazişləri” əsasında baş verirdi. Amma Azərbaycan və İsrail arasında çoxşaxəli münasibətlər var və bu münasibətlər uzun tarixə malikdir. Bu, ona görə də bizə bir qədər təəccüblü gəlir”.
“İbrahim sazişləri” 2020-ci ildə ABŞ prezidenti Donald Trampın birinci hakimiyyəti dövründə onun təşəbbüsü ilə hazırlanıb. ]]> vasif Thu, 23 Apr 2026 16:00:04 +0400 http://bizimhedef.az/index.php?newsid=55443 http://bizimhedef.az/index.php?newsid=55443 ]]>

Səfərbərlik və Hərbi Xidmətə Çağırış üzrə Dövlət Xidmətinin Saatlı rayon Şöbəsində əməliyyat keçirilib.

Baş Prokuror yanında Korrupsiyaya Qarşı Mübarizə Baş İdarəsinin əməkdaşlarının keçirdiyi əməliyyat nəticəsində iki nəfər vəzifəli şəxs saxlanılıb.

Onlar rüşvət almaqda ittiham olunur.

Bildirilib ki, Səfərbərlik və Hərbi Xidmətə Çağırış üzrə Dövlət Xidmətinin digər rayonlarında əməliyyat keçirilir. ]]> vasif Thu, 23 Apr 2026 15:46:40 +0400 http://bizimhedef.az/index.php?newsid=55438 http://bizimhedef.az/index.php?newsid=55438 ]]>

Son həftələr İrəvanda Azərbaycanla münasibətlərin normallaşması prosesinə xələl gətirən mövqelər önə çıxmağa başlayıb. Paşinyan və komandası bu kimi anti-Azərbaycan mövqeləri müəyyən bəyanatlarla səngitməyə çalışsa da, İrəvandakı cəhənnəm yolçularının-revanşistlərin ağzını yummaq mümkün olmur. Paşinyan sülhdən, münasibətlərin normallaşdırılmasından, kommunikasiyaların açılmasından danışır, amma müxalifət tam fərqli əhvaldadır.
Maraqlıdır ki, Belçika və Niderland parlamentlərinin qərəzli qətnamələri Azərbaycanda ciddi etiraz doğursa da, Ermənistanın “bir ayağı gorda” siyasətçiləri, məsələn, Mirzoyan və ya Aloyan onun durumunu daha da pisləşdirə bilər. Tarix artıq sübut edib ki, onun üçün kritik məqamlarda heç kim onu xilas etməyə tələsmir. Ermənistanda qarşıdan gələn parlament seçkiləri fonunda siyasi səhnədə aktiv proseslər davam edir. Ermənistanda keçiriləcək parlament seçkiləri ərəfəsində müşahidə olunan siyasi proseslər təkcə daxili rəqabətlə məhdudlaşmır.

Erməni nəşrləri xəbər verir ki, müxtəlif siyasi qüvvələrin bir araya gəlmək cəhdləri, yeni blokların formalaşdırılması və seçki öncəsi ittifaqlar regionda daha geniş geosiyasi mənzərənin bir parçası kimi qiymətləndirilir.
Bu proseslər fonunda Azərbaycanın maraqlarına qarşı yönəlmiş ritorikanın və siyasi mövqelərin güclənməsi açıq hiss edilir. Onların fikrincə, hakimiyyət xaricdə yaşayan ermənilərin seçkilərə selektiv şəkildə cəlb olunmasına çalışa bilər. Bu isə müəyyən risklər yaradır. Bütün bu proseslər fonunda Ermənistanda müxtəlif siyasi qüvvələrin bolşeviklər kimi “Azərbaycanın bütün düşmənləri, birləşin…” havasında olduqları birmənalıdır. Bu revanşist və anti-Azərbaycan ittifaqlarının hansı istiqamətdə formalaşacağı və regionda hansı nəticələrə səbəb olacağı isə yaxın aylarda daha aydın görünəcək.
Vətəndaş Həmrəyliyi Partiyasının sədr müavini Samir Əsədli erməni müxalifətinin son akkordları vurduğunu düşünür. Onun fikrincə, bu seçkilərdə Paşinyanın qələbəsi revanşist ideyalarla silahlanan müxalifətin siyasi səhnədən gedişini böyük ölçüdə təmin etmiş olacaq. Partiya funksioneri hesab edir ki, müxalifətin təbliğatı Azərbaycanla qət edilən böyük sülh məsafəsini tormozlamaqdır: “Paşinyan doğru deyir ki, müxalifət "müharibə partiyası"dır. Çünki cəmiyyətə revanş əhvalı aşılanır. Halbuki ermənilər Azərbaycanın tranzit qadağasını götürməsinin müsbət nəticələrini görürlər. İndi əldə olunan bu sülh razılaşmasının pozulması ermənilərə nə qazandıracaq? Əgər üçüncü müharibəni istəyirlərsə, bunun nəticələri əvvəlkindən daha ağır ola bilər. Üstəlik, nə Rusiya, nə Fransa bu müharibəyə açıq dəstək verməyəcəklər. O baxımdan, erməni cəmiyyəti bu seçkilərdə geosiyasi reallığı qiymətləndirməlidir. Sadəcə, müxalifət seçki ərəfəsində bu təbliğatı gücləndirir ki, cəmiyyəti ayağa qaldıra bilsin".
Milli Cəbhə Partiyasının sədr müavini Ehtiram Mehdiyev isə Azərbaycana qarşı aparılan kampaniyanı gözlənilən adlandırır. Onun fikrincə, seçkilərdə səs almağın əsas düsturu Paşinyanı Azərbaycana "xidmət"də ittiham etməkdir: “Ermənistanda müharibədən sonra keçirilən növbədənkənar seçkilərdə xalq Paşinyanı dəstəklədi. Amma indi siyasi mənzərə dəyişib və hakimiyyətin qarşısına Karapetyan çıxarılıb. O zaman rəqib keçmiş “Qarabağ klanı” idi. Ona görə də razıyam ki, Paşinyan üçün seçkiləri uduzmaq riski qalır. Sadəcə, onun da arqumentləri var ki, niyə səs almalıdır. Məsələn, sülh mətni paraflanıb, sərhəddə atəşkəs pozulmur, erməni əsgəri ölmür, Türkiyə ilə sərhədlərin açılması şansı var... Eyni zamanda, hakimiyyət müəyyən investisiyalar cəlb edir və sosial şəraiti normallaşdırmağa çalışır. Hər halda, ağır seçki olacaq və Paşinyanın məğlubiyyəti Azərbaycan-Ermənistan münasibətləri üçün heç də yaxşı olmayacaq”. ]]> vasif Thu, 23 Apr 2026 15:30:04 +0400 http://bizimhedef.az/index.php?newsid=55442 http://bizimhedef.az/index.php?newsid=55442 ]]>

“Bakıda keçirilən yüksək səviyyəli görüşlər Azərbaycan-Latviya münasibətlərinin məzmununda yeni çalarların formalaşdığını göstərdi. Aprelin 22-də verilən bəyanatlar təkcə ikitərəfli əməkdaşlığın cari vəziyyətini deyil, həm də gələcək inkişaf istiqamətlərini aydın şəkildə ortaya qoydu”.

Bu fikirləri mətbuata verdiyi açıqlamasında Milli Məclisin deputatı Kamaləddin Qafarov səsləndirib.

Millət vəkilinin fikrincə, bu görüşü fərqləndirən əsas məqam siyasi dialoqla iqtisadi əməkdaşlığın və regional təhlükəsizlik gündəliyinin eyni platformada uzlaşdırılması oldu. “Prezident İlham Əliyevin qeyd etdiyi kimi, ikitərəfli gündəliyin müxtəlif aspektləri, o cümlədən beynəlxalq əhəmiyyət kəsb edən məsələlər geniş müzakirə edildi. Bu yanaşma göstərir ki, Azərbaycan-Latviya münasibətləri artıq yalnız klassik diplomatik münasibətlər formatı ilə məhdudlaşmır, regional və qlobal proseslərə dair fikir mübadiləsini də əhatə edir. Xüsusilə Cənubi Qafqaz və Baltik regionlarında təhlükəsizlik məsələlərinin müzakirəsi tərəflərin siyasi dialoqunun keyfiyyətcə yeni mərhələyə keçdiyini təsdiqləyir.”

Bu kontekstdə sülh prosesi ilə bağlı qarşı tərəfə çatdırılan son məlumatlara ayrıca diqqət çəkildiyini vurğulayan K.Qafarov deyib: “Azərbaycan-Ermənistan münasibətlərində müşahidə olunan müsbət dinamika, ticarət təmaslarının yaranması, vətəndaş cəmiyyəti dialoqunun başlanması regionda sabitliyin möhkəmlənməsi üçün yeni imkanlar açır. Bu prosesin Avropa tərəfdaşları ilə müzakirə edilməsi Azərbaycanın regional sülh gündəmini beynəlxalq dəstək müstəvisində təqdim etmək strategiyasının tərkib hissəsi kimi görünür. İkitərəfli əməkdaşlığın digər mühüm istiqaməti iqtisadi sahədir. Son illər qarşılıqlı ticarətin mövcud potensialı tam əks etdirmədiyi vurğulansa da, bu sahədə dönüş yaratmaq üçün real imkanların mövcudluğu açıq görünür. Sərmayə qoyuluşu, innovasiya, logistika, nəqliyyat və sənaye kooperasiyası üzrə perspektivlər kifayət qədər genişdir. Azərbaycanın artan investisiya imkanları və Latviyanın Avropa bazarları ilə inteqrasiya üstünlükləri bu əməkdaşlığı daha praktik nəticələrə yönəldə bilər. Bu baxımdan Azərbaycan-Latviya biznes-forumu xüsusi əhəmiyyət daşıyır. Forumda praktiki müqavilələrin, yeni tərəfdaşlıqların və birgə layihələrin müzakirəsi iqtisadi əlaqələrin keyfiyyətcə yeni mərhələyə keçidi üçün mühüm siqnal sayıla bilər. Lakin Baltik regionu ilə Cənubi Qafqaz arasında əməkdaşlıq yalnız iqtisadi deyil, həm də geostrateji baxımdan əhəmiyyətlidir. Avropanın enerji təhlükəsizliyi, tranzit marşrutlarının şaxələndirilməsi, rəqəmsal iqtisadiyyat və yaşıl keçid kimi sahələrdə Bakı ilə Riqa arasında maraqların üst-üstə düşməsi bunu təsdiqləyir. Xüsusilə nəqliyyat-kommunikasiya layihələri fonunda Azərbaycan Şərq-Qərb bağlantısında mühüm həlqə kimi çıxış edir və bu amil Latviya üçün də əlavə imkanlar yaradır”. ]]> vasif Thu, 23 Apr 2026 14:09:58 +0400 http://bizimhedef.az/index.php?newsid=55441 http://bizimhedef.az/index.php?newsid=55441 ]]>

Bakıda polisin keçirdiyi əməliyyat-axtarış tədbirləri zamanı müqavimət göstərən şəxslər tutulublar.

DİN-in Mətbuat xidmətindən “Qafqazinfo”nun sorğusuna cavab olaraq bildirilib ki, ümumi təhlükəli üsulla xuliqanlıq niyyəti ilə şəxsin sağlamlığına ağır zərər vurduğuna görə axtarışda olan, əvvəllər dəfələrlə məhkum edilmiş Saleh Valehovun saxlanılması zamanı onunla birlikdə olan, əvvəllər dəfələrlə məhkum olunan İlqar Aslanov balta ilə polis əməkdaşlarına müqavimət göstərib.

Polis əməkdaşları tərəfindən tabel silahı tətbiq edilməklə İ.Aslanov saxlanılıb. O, xəstəxanaya yerləşdirilib, S.Valehov isə istintaqa təhvil verilib.

Cinayət işi üzrə istintaq tədbirləri davam etdirilir.

]]> vasif Thu, 23 Apr 2026 13:20:37 +0400 http://bizimhedef.az/index.php?newsid=55440 http://bizimhedef.az/index.php?newsid=55440 ]]>

“Bəzi kütləvi informasiya vasitələrində TƏBİB tabeli tibb müəssisələrinin vəzifədən azad olunan direktorlarının yerinə yeni direktorların təyin olunması ilə bağlı xəbərlər dərc olunur. Bildiririk ki, yeni təyinatlarla bağlı yayılan məlumatlar həqiqəti əks etdirmir”​.

“Bu barədə TƏBİB məlumat yayıb.

Bildirilib ki, hazırda hər hansı tibb müəssisəsinə yeni təyinat həyata keçirilməyib.

“Qeyd edək ki, tibb müəssisəsində direktorun vəzifəsinə xitam verildiyi halda, onun səlahiyyətləri müvəqqəti olaraq direktor müavinlərindən birinə həvalə olunur. Bu halda tibb müəssisəsinin direktor müavinləri və ya baş həkim direktor vəzifəsini icra edir və bu, müvəqqəti xarakter daşıyır.

Həyata keçirilən struktur və kadr optimallaşdırılması idarəetmə effektivliyinin yüksəldilməsinə, qərar qəbuletmə mexanizmlərinin təkmilləşdirilməsinə və səhiyyə xidmətlərinin keyfiyyətinin davamlı şəkildə artırılmasına xidmət edir”, - açıqlamada qeyd olunub. ]]> vasif Thu, 23 Apr 2026 13:15:31 +0400 http://bizimhedef.az/index.php?newsid=55439 http://bizimhedef.az/index.php?newsid=55439 ]]>

Azərbaycan Prezidenti İlham Əliyev Ağsaqqallar Şurasının IX Qurultayının iştirakçılarına müraciət ünvanlayıb.

“Müraciətdə deyilir:

“Hörmətli qurultay iştirakçıları!

Sizi Azərbaycan Ağsaqqallar Şurasının IX Qurultayının işə başlaması münasibətilə ürəkdən təbrik edirəm.

Azərbaycan xalqının qədim mənəvi-əxlaqi dəyərlərinə söykənən ağsaqqallıq ənənəsi milli irsimizin ən mühüm dayaqlarından biridir. Ağsaqqallara hörmət həm Azərbaycan şifahi xalq ədəbiyyatında, həm də yazılı ədəbiyyatında fundamental bir dəyər kimi daim ön planda yer alır. Təsadüfi deyil ki, xalqımızın tarixi keçmişini, adət-ənənələrini əks etdirən “Kitabi-Dədə Qorqud” dastanında ağsaqqal nəsihətinə və sözünə ehtiram ən yüksək əxlaqi keyfiyyət kimi təsvir olunub.

Xalqımızın tarixi ənənələrini rəhbər tutaraq üzərilərinə düşən vacib missiyanı daim uğurla həyata keçirən ağsaqqallarımız cəmiyyətdə əxlaqi-mənəvi dəyərlərin qorunub saxlanmasının və nəsillərarası varisliyin təminatçısı olaraq çıxış edirlər. Eyni zamanda milli dövlətçilik ənənələrinin davam etdirilməsi və vətəndaş həmrəyliyinin möhkəmləndirilməsində ağsaqqallarımızın müstəsna xidmətləri vardır.

Məhz ağsaqqallarımızdan vətənpərvərlik və fədakarlıq tərbiyəsi alan gənclərimiz Vətən müharibəsində şanlı Zəfərimizin əldə olunmasında mühüm rol oynayıblar. 30 ildən çox torpaq həsrəti ilə yaşamış, müharibənin ağrı-acısını görmüş böyüklərimizin gənc nəslə aşıladığı milli qürur və Vətən sevgisi sayəsində xalqımızın müasir hərb tarixinə yeni bir səhifə yazıldı.

Sevindirici haldır ki, bu gün ağsaqqallarımız ölkə həyatının bütün sahələrində fəal iştirak edirlər. Dünyada artan təhdidlər, xüsusilə də qloballaşma və sosial şəbəkə platformalarının zərərli təsirləri nəticəsində bir çox ölkələrdə milli-mənəvi və ailə dəyərlərinin deformasiyaya uğraması Azərbaycanda mövcud olan ağsaqqallıq institutunun əhəmiyyətini və rolunu daha qabarıq şəkildə vurğulayır. Gənclərimizi milli vətənpərvərlik və öz köklərinə bağlı ruhda yetişdirmək, onları düzgün yola istiqamətləndirmək ağsaqqallarımız qarşısında duran əsas vəzifələrdən biridir.

Keçən əsrin sonlarında yaranan və sıralarında həyatını cəmiyyətə xidmətə həsr etmiş tanınmış xadimləri birləşdirən Azərbaycan Ağsaqqallar Şurası böyük yol keçərək bu gün də ölkəmizin inkişafına töhfə verir. Şura ölkənin ictimai-siyasi və humanitar inkişafında, cəmiyyət həyatının aktual məsələlərinin həllində və gənc nəslin tərbiyəsində iştirak edir.

İnanıram ki, IX Qurultayda aparılacaq müzakirələr və qəbul olunacaq qərarlar Ağsaqqallar Şurasının fəaliyyətinin təkmilləşdirilməsinə, ölkənin ictimai-siyasi həyatında təşkilatın rolunun daha da güclənməsinə xidmət edəcəkdir.

Qurultayın işinə uğurlar, hər birinizə isə möhkəm cansağlığı, uzun ömür, dəyərli ictimai fəaliyyətinizdə müvəffəqiyyətlər arzulayıram”. ]]> vasif Thu, 23 Apr 2026 12:56:02 +0400 http://bizimhedef.az/index.php?newsid=55436 http://bizimhedef.az/index.php?newsid=55436 ]]>

Bakı Hərbi Məhkəməsində hakim Anar Rzayevin sədrliyi Müdafiə Nazirliyinin Mərkəzi hərbi həkim komissiyasının sabiq rəisi Rasim Əlövsət oğlu Həsənovun cinayət işi üzrə məhkəmə prosesi başlayıb. Musavat.com xəbər verir ki, ötən prosesdə təqsirləndirilən şəxsin anket məlumatları dəqiqləşdirilib. Daha sonra təqsirləndirilən şəxsin vəkili Sabir Abdinov vəsatət verib.

O, bildirib ki, müvəkkilinin 4500 manat rüşvət almaqdan ittiham olunduğu hissə ümumi ittihamdan xaric olunmalıdır. Rasim Həsənov həmin vaxt Müdafiə Nazirliyinin Mərkəzi hərbi həkim komissiyasının nə rəisi, nə də komissiyanın üzvü olub. Həmçinin müvəkkilinin himayəsində azyaşlı övladı olduğunu, bu səbəbdən onun ev dustaqlığına buraxılmasını xahiş edib. Dövlət ittihamçısı ev dustaqlığı vəsatətinin təmin edilməməsini, digər vəsatətin isə məhkəmə baxış iclasında baxılmalı olduğunu deyib. Məhkəmə ev dustaqlığı vəsatəti təmin etməyib.

Qeyd edək ki, Rasim Həsənovun Müdafiə Nazirliyinin Mərkəzi hərbi həkim komissiyasının rəisi vəzifələrində işlədiyi dövrdə vətəndaşlardan müxtəlif məbləğlərdə rüşvət alması və digər qanunsuz əməllərə yol verməsi barədə Baş prokuror yanında Korrupsiyaya qarşı Mübarizə Baş İdarəsində başlanmış cinayət işinin istintaqı yekunlaşdırılıb. İbtidai istintaqla Rasim Həsənovun 2021-2025-ci illərdə sözügedən vəzifələrdə işləyərkən vəzifə səlahiyyətlərindən sui-istifadə etməklə ona müraciət etmiş hərbi qulluqçuların şəhadətləndirilərək tərxis olunmaları üçün ayrı-ayrı şəxslərdən müxtəlif məbləğlərdə pul vəsaitini rüşvət qismində təkrarən almasına və vəzifə saxtakarlığı törətməsinə əsaslı şübhələr müəyyən edilib. Toplanmış sübutlar əsasında Rasim Həsənova Cinayət Məcəlləsinin 311.3.2, 311.3.3 (təkrarən külli miqdarda rüşvət alma), 313 (vəzifə saxtakarlığı) və 341.2.3-cü (ağır nəticələrə səbəb olan vəzifə səlahiyyətlərindən sui-istifadə etmə) maddələri ilə ittiham elan edilməklə barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib. ]]> vasif Thu, 23 Apr 2026 11:52:30 +0400 http://bizimhedef.az/index.php?newsid=55435 http://bizimhedef.az/index.php?newsid=55435 ]]>

“Yeni Klinika”nın direktor vəzifəsinə Qalib İmanov təyin olunub.

Klinikaya rəhbərlik direktor müavini, Ürək-damar mərkəzinin rəhbəri Q.İmanova həvalə edilib.

Qeyd edək ki, “Yeni Klinika”nın direktoru Barat Yusubov dünən vəzifəsindən azad olunub.

Hələlik TƏBİB vəzifəsindən azad olunan xəstəxana rəhbərləri və yeni təyinatlarla bağlı rəsmi açıqlama verməyib, çoxsaylı sorğular cavabsız qalıb.

Qurumdan yaxın vaxtlarda ətraflı məlumat açıqlanacağı bildirilib.(teleqraf) ]]> vasif Thu, 23 Apr 2026 11:47:11 +0400 http://bizimhedef.az/index.php?newsid=55434 http://bizimhedef.az/index.php?newsid=55434 ]]>

Avropa İttifaqı (Aİ) İran ətrafındakı münaqişə səbəbindən əlavə enerji xərcləri 24 milyard avro olub.

Bunu Avropa İttifaqının enerji komissarı Dan Yorgensen deyib.

Aİ komissarı bildirib ki, İranla bağlı münaqişənin başlanğıcından bəri Aİ-nin əlavə enerji xərcləri 24 milyard avroya çatıb. O əlavə edib ki, bu gündəlik təxminən 500 milyon avro edir.
O qeyd edib ki, xərclərin artması bütün Aİ ölkələrində, həm sənaye səviyyəsində, həm də əhali arasında hiss olunur. ]]> vasif Thu, 23 Apr 2026 11:40:21 +0400