Orban Qəbələdədir - Yenilənib

Macarıstanın Baş naziri Viktor Orban Azərbaycana səfər edəcək.

Bu barədə məlumatı V.Orbanın Ofisi yayıb.

Bildirilib ki, o, oktyabrın 6-7-də baş tutacaq səfəri zamanı Türk Dövlətləri Təşkilatının XII Zirvə görüşündə iştirak edəcək.

Bununla yanaşı, Baş nazir ikitərəfli görüşlər də keçirəcək.

***

Viktor Orban Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə iştirak etmək məqsədilə oktyabrın 6-da Azərbaycana səfərə gəlib.

Qəbələ Beynəlxalq Hava Limanında ali qonağın şərəfinə fəxri qarovul dəstəsi düzülüb.

Macarıstanın Baş nazirini hava limanında Azərbaycanın mədəniyyət naziri Adil Kərimli və digər rəsmi şəxslər qarşılayıblar.