SEPAH-ın Qüds qüvvələrinin komandari MOSSAD agenti çıxdı

İran daxilində güc strukturlarını silkələyən sensasion hadisə baş verib.

SEPAH-ın ən strateji qanadlarından biri olan Qüds qüvvələrinin komandiri İsmayıl Qaani saxlanılıb. Ona qarşı ciddi ittihamların irəli sürüldüyü bildirilir.

İlkin məlumatlara görə, Qaani İsrailin kəşfiyyat xidməti – MOSSAD üçün casusluq etməkdə şübhəli bilinir və məhz İnqilab Mühafizəçilərinin keçirdiyi daxili əməliyyat nəticəsində nəzarət altına alınıb.

Şübhəsiz ki, bu hadisə təkcə İranın təhlükəsizlik sistemində dərin çatların mövcudluğunu ortaya qoymur, eyni zamanda Tehran daxilində etimad böhranının hansı həddə çatdığını da göstərir. Rəsmi təsdiqin və detallı açıqlamanın hələ verilməməsi isə hadisə ətrafında sualları daha da artırır və regionda onsuz da yüksələn gərginliyə yeni, təhlükəli çalarlar əlavə edir.(musavat.com)