ABŞ-İran texniki danışıqları da başa çatdı: Nəticə?

Pakistan və Qətərin vasitəçiliyi ilə İsveçrədə İran və ABŞ arasında texniki danışıqlar başa çatıb və tərəflər yüksək səviyyəli görüşlərin növbəti mərhələsinə hazırlaşırlar.

Bunu İran xarici işlər nazirinin müavini Kazem Qəribabadi deyib.

Press TV-nin məlumatına görə, İranın texniki danışıqlar qrupunun rəhbəri Qəribabadi "dörd ölkənin iştirak etdiyi texniki danışıqların uğurla başa çatdığını və yüksək səviyyəli danışıqların növbəti mərhələsinə hazırlıqların başa çatdığını elan edib".

Onun sözlərinə görə, texniki məsləhətləşmələr zamanı yaradılan dörd işçi qrupu "sanksiyaların dayandırılması, nüvə məsələləri, yenidənqurma və iqtisadi inkişaf, eləcə də əldə edilmiş razılaşmaların monitorinqi və həyata keçirilməsi" mövzularına diqqət yetirəcək.