Qərəzli və əsassız iddialar ehtiva edir - Türkiyə XİN o hesabatı tənqid etdi
- 5-11-2025, 09:14
- dunya
- 39
Türkiyənin Xarici İşlər Nazirliyi Avropa Komissiyasının 2025-ci il Türkiyə Hesabatını sərt tənqid edib.
"Nazirlik hesabatı rədd edərək, məhkəmə sisteminin, fundamental hüquqlar və daxili siyasi hadisələrlə bağlı qərəzli və əsassız iddialar ehtiva etdiyini bildirib.
Açıqlamada Türkiyənin Avropa İttifaqına üzvlük hədəfindən əl çəkmədiyi vurğulanıb.
O cümlədən hesabatda Türkiyənin iqtisadiyyatı və xarici siyasəti ilə bağlı müsbət münasibət məmnunluqla qarşılanıb.
Nazirlik Aİ-nin Kipr məsələsində qərəzli davrandığını bəyan edərək, əlaqələrin üzvlük perspektivini gücləndirən qərəzsiz və konstruktiv yanaşma ilə aparılmasına çağırıb.
