Ermənistan Təhlükəsizlik Xidmətində Qarabağ bölməsi yaradılıb? – İDDİA

Ermənistanda təhlükəsizlik strukturları ilə bağlı diqqətçəkən iddia ortaya atılıb.

erməni mediası xəbər verir ki, bu barədə müxalifypnlü “Hraparak” qəzeti iddia ortaya atıb.

Qəzetin yazdığına görə, 2023-cü ildən sonra Ermənistan Təhlükəsizlik Xidmətində qeyri-rəsmi şəkildə “Qarabağ bölməsi” adlandırılan struktur formalaşdırılıb.

İddiaya əsasən, bu bölməyə Qarabağdan Ermənistana gəlmiş təhlükəsizlik əməkdaşları cəlb olunub və onların vasitəsilə Qarabağdan olan şəxslərin, ümumilikdə isə “Qarabağdan gələn ermənilərin” hərəkətləri nəzarətdə saxlanılır.

Qəzet iddia edir ki, bu cür nəzarət mexanizmi bəzi konkret işlərdə də tətbiq olunub. Xüsusilə, “Güclü Ermənistan” partiyası ilə əlaqələndirilən Samvel Karapetyanın tərəfdarı Artur Avanesyan (Kandaz) işi ilə bağlı bu şəxslərin cəlb edildiyi iddia olunur.

Məlumata görə, həmin iş üzrə potensial əlaqələri olan şəxslərin əksəriyyəti əməkdaşlığa cəlb edilib.

Qeyd olunur ki, bu iddialarla bağlı Ermənistanın rəsmi qurumları hələlik açıqlama verməyib.